Mathiu 24:35 - Ȧŋlemrȧnɛ Ȧfu

³⁵ Ȧkȧriyana yi ȧdȧru ɛ ba kǝthas, kɛrɛ ȧsim ta mi tǝ ba hɛ kǝthas.

Mathiu 24:35 ပူးပေါင်းရင်းမြစ်များ

Mathiu 5:18

Tɛntɛnɛ i pa ro rɔnu, Haŋ ȧkȧriyana yi ȧdȧru ɛ thas-e, hali tȧy tǝlɔl thalɔm agbal ŋin ŋa aŋthɔ aŋ gbǝli hɛ dinɛ haŋ a po lasǝr ŋi bɛ.

Mark 13:31

Ȧkuru yi ȧdȧru ɛ ba kəthas; kɛrɛ ȧsim ta mi tə ba hɛ kəthas.

Luk 21:33

Ȧkuru yi ȧdȧru ɛ tə thas kɛrɛ ȧsim ta mi tə thas hɛ.

Taytɔs 1:2

Ka kagbak ȧmerȧ ka aŋesəm thəbana, ȧke Kuru-e, ɔwe gbəli hɛ yema, ɔ po lahiri kȧbi ka ɔtəpɛr wa ȧdȧru;

1 Pitar 1:25

Kɛrɛ ȧrim ra ɔMarki rə yi thəbana. Ɔwa ȧrim are rə yi ȧkɛra kəfinɔ ȧke a taməsa nu.

Kȧŋȧibinɛ 20:11

Rodarəŋ kati i nənk kəwaŋ ka rȧbȧy kəbana kəfera pər dɛ yi kɔn ɔwe yirȧ ri; ɔwa ȧdȧru dɛ yi kȧriyana ɛ gbukɛ kəwur ka kȧbəprȧnɛ kɔŋ. Ɔwa dɛr rə yi hɛ sɔ ta yi.

Kȧŋȧibinɛ 3:14

Gbal ka ɔkəlianɛ ka aŋchɔch ŋa ro La-odishiya kəpa ye, Ȧsim ta ɔwe yi ɔSeri utəteŋ, ɔTəpi ka ɛyɛt ɛbɛmpa ya Kuru, ti ȧte.

Kȧŋȧibinɛ 6:14

Ka ȧkȧriyana kə thas mɔ mə a kump areka; ɔwa kəteŋ o kəteŋ dɛ yi ayel o yel ɛ tɔnɛ ka ɔdɛr wati.