Mathiu 18:5 - Ȧŋlemrȧnɛ Ȧfu

⁵ Ɔwa bepi wuni o wuni ɔ malanɛ uwath ulɔl ukin uwunɔŋ ka ȧŋes a mi-e, minɛ ɔ malanɛ.

Mathiu 18:5 ပူးပေါင်းရင်းမြစ်များ

Mathiu 18:4

Tiyȧŋ wuni o wuni ɔwe mǝ sanɛ mɔ ɔwath ulɔl ɔwe-e, kɔnɔ tha yi ubana ka rȧbȧy ra ro riyana.

Mathiu 18:6

Kɛrɛ bepi wuni o wuni ɔ yɔ ukin ka aŋlɔl aŋe aŋa lanɛ mi ɔ pǝnthbǝla-e, pǝ tǝ yi kɔ fisa bepi a gbak kɔ ȧsar ȧgbɔlȧ ȧbana ka kalim kɔŋ, a mɔtas kɔ ka ɔbɔlɔŋ wa kȧbȧŋ.

Mathiu 25:40

Ɔwa ɔbȧy ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ po yɔ yi ka ukin ka aŋwɔnt mi-e, hali aŋlɔl lɔl aŋe-e, nǝ po yɔ ti ro rɔmi.

Mathiu 25:45

Ɔwa ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ te yɔ yi ka ukin ka aŋlɔl lɔl aŋe-e, nǝ yɔ hɛ ti ro rɔmi.

Mathiu 7:8

kotȧy-e wuni o wuni ɔwe mǝ yif-e, ɔ tǝ sɔthɔ, ɔwe mǝ thɛns-e, ɔ tǝ fir, ɔwa ɔwe mǝ gbatgbat-e, a tǝ kanthɛ kɔ.

Mark 9:37

Wuni o wuni ɔwe mə malanɛ ukin ka aŋfɛth mɔ ɔwe ka ȧŋes a mi-e, minɛ ɔ malanɛ; ɔwa wuni o wuni ɔwe mə malanɛ mi, min thahɔ ɔ malanɛ, kɛrɛ ɔwe som mi-e.

Mark 9:41

Wuni o wuni ɔwe mə sɔŋ nu mȧnt rə apɔthi tə kəmun ka ȧŋes a mi pəkasifɛ nə yi aŋa Kraist-e, tɛntɛnɛ i kanɛ nu ȧŋrȧm ŋɔŋ aŋ ba hɛ kədinɛ.

Luk 9:48

ɔ pa ro rɔŋaŋ, Wuni o wuni ɔwe malanɛ ɔwath ufɛth ɔwe ka ȧŋes a mi, minɛŋ ɔ malanɛ; ɔwa wuni o wuni ɔwe mə malanɛ mi ɔ malanɛ kɔn ɔwe som mi, kotȧy-e ɔwe tha yi ulɔl bɛ kətɔŋ ka nu, kɔnɔ yi ubana.

Yɔn 13:20

I kanɛ nu tɛntɛnɛ, Ɔwuni ɔwe malanɛ wuni o wuni ɔwe i som-e, ɔ malanɛ minɛŋ; ɔwa ɔwuni ɔwe malanɛ mi-e, ɔ malanɛ kɔnɔŋ ɔwe som mi.

AŋKȧletia 4:14

Kɛrɛ hali ma ȧŋsɔmpanɛŋ aŋe ka ȧŋdɛr a mi aŋ sɔŋ nu akɔnthɔfəli-e, nə say say hɛ ŋi, ɔwa nə pɛnsa hɛ mi; kɛrɛ nə malanɛ mi mɔ wurɔ ka Kuru, hali mɔ Krayst Yisɔs gbeŋ.