Mathiu 12:31 - Ȧŋlemrȧnɛ Ȧfu

³¹ Tiyȧŋ i kanɛ nu, ɛhakɛ bɛ-e, dɛ yi ȧsim tǝlǝs bɛ ȧte afǝm mǝ aŋ fɔf kǝŋamnɛ Kuruȧŋ, a tǝ tera ŋa ti, kɛrɛ a ba hɛ kǝtera ɔwuni ɔwe mǝ fɔf kǝŋamnɛ ɔYina mǝsǝm.

Mathiu 12:31 ပူးပေါင်းရင်းမြစ်များ

Luk 12:10

Bepi wuni o wuni ɔ fɔf ɔləs ta ɔWan ka wuni-e, a tə tera kɔ ti, kɛrɛ bepi wuni ɔ ŋamnɛ ɔYina məsəm-e a tera hɛ kɔ ti thəbana.

Mȧyɔs ma aŋsom 7:51

Na ba təlim tə kȧnkərȧthi, na aŋbilakoro rə ȧmerȧ yi rə ɛləns, nə pɛnsa ɔYina məsəm alɔkɔ o lɔkɔ. Mɔ mə aŋkas a nu aŋ yɔ, ya naŋ sɔ nə yɔ.

AŋHibru 10:26

kotȧy-e bepi sə yɔ ɛhakɛ kəsias kədarəŋ ka ma sə po sɔthɔ kȧtȧrȧ ka tateŋ-e, sathka təlɔm tə yi hɛ ta ɛhakɛ,

AŋHibru 10:29

Kɛrɛ kɔn ɔwe mə nas nas ɔWan ka Kuru-e, dɛ yi ɔwe nənk ɔyai mȧtir ma aŋlemranɛ aŋa po səməs kɔ-e, ɔwa ɔwe say sɔ ɔYina ka aboŋa-e, nə nanɛ hɛ kəpa kɔnɔ yi ubeki tə kəsɔthɔ athalər athasər-i?

AŋHibru 6:4

kotȧy-e bepi sə fɔf ta ŋaŋ aŋa po sɔthɔ ȧŋmothȧ, aŋa po tham ɔbɔthi wa ȧŋboya ŋa ro riana-e, aŋa po sɔthɔ ani ka ɔYina məsəm,

1 Yɔn 1:9

Bepi sə gbithanɛ ɛhakɛ ɛ su, ɔ yi ubɔthi lanɛ dɛ ɔ yi ulompi tə kətera ɛhakɛ ɛ su, yi tə kəfethər su kəwur ka məkənə bɛ.

1 Yɔn 5:16

Bepi wuni o wuni ɔ nənk ɔwɔnt kɔŋ ɔ yɔ ahakɛ aŋa te yi ka rəfi, ta ɔ yif, ɔwa Kuru ɔ tə sɔŋ kɔ aŋesəm ta ŋaŋ aŋa te yɔ ahakɛ ka rəfi. Ahakɛ aŋ yi ka rəfi: i pa hɛ kȧmȧ ɔ nɛmthɛnɛ ta ŋi.