Mathiu 11:11 - Ȧŋlemrȧnɛ Ȧfu

¹¹ Tǝ tɛntɛnɛ i kanɛ nu, kǝtɔŋ ka ŋaŋ aŋa afǝm abom aŋ kom wuni ɔ tha yokanɛ hɛ ɔwe yi ubana uthasi Yɔnȧŋ ɔBaftays. Kɛrɛ ɔwe yi ɔlɔl thɔŋ bɛ ka rȧbȧy ra ro riyana ɔ yi ubana uthasi kɔ.

Mathiu 11:11 ပူးပေါင်းရင်းမြစ်များ

Mathiu 11:10

Kɔn ɔwe ta ɔwe a gbal kǝpa, Kǝla i som ɔsom kȧmi roder ka mu kǝdi, Ɔwe mǝ bɛmpa aroŋ da mu rodi kȧmu.

Mathiu 11:12

Kǝtǝp ka mȧrey ma Yɔn ɔBaftays haŋ ka ȧŋlɔkɔ aŋe rȧbȧy ra ro riyana rǝ tǝlnɛ afɔsɔ-e, ɔwa aŋfǝm ŋa afɔsɔ aŋ gbasi ŋi rǝ afɔsɔ.

Mathiu 3:1

Ka mȧrey mati Yɔnȧŋ ɔBaftays ɔ wur gbafǝth, kɔ tamǝs ka aŋwula ŋa ro Yudia, ɔ pa,

Mathiu 3:11

Minɛŋ yathi, i baftays nu yi mȧnt ka kǝthupi, kɛrɛ ɔwe mǝ der kǝdarǝŋ kȧmi kɔnɔ thasi mi afɔsɔ. I bek hɛ tǝ kǝwop ɛkɔftha yɔŋ. Ɔ tǝ baftays nu yi ɔYina mǝsǝm yi nȧnt.

Mathiu 5:19

Tiyȧŋ wuni o wuni ɔwe mǝ sim ȧgbȧp alɔl ŋin ŋa ɛthɔ ɛye, ama ɔ thǝksa afǝm yaŋ-e, a tǝ bont kɔ ulɔl ka rȧbȧy ra ro riyana; kɛrɛ ɔwe mǝ wop ama ɔ thǝksa yi-e, a tǝ bont kɔ ubana ka rȧbȧy ra ro riyana.

Luk 1:15

Ȧtesoma-e ɔ tə yi ubana roder kəri ka Kurɔŋ, ɔwa ɔ yi hɛ tə kəmun məber məfɛth thalɔm məber məbaki. Ɔwa ɔYina məsəm ɔ tə la kɔ kətəp rokor ka ɔkara kɔŋ.

Luk 7:28

I kanɛ nu, kətɔŋ ka ŋaŋ aŋa afəm abom aŋ kom-e, ubana uthasi Yɔn ɔ yi hɛ; kɛrɛ kɔn ɔwe yi ulɔl thɔŋ bɛ ka rȧbȧy ra Kuru-e, ɔ yi ubana uthasi kɔ.

Luk 9:48

ɔ pa ro rɔŋaŋ, Wuni o wuni ɔwe malanɛ ɔwath ufɛth ɔwe ka ȧŋes a mi, minɛŋ ɔ malanɛ; ɔwa wuni o wuni ɔwe mə malanɛ mi ɔ malanɛ kɔn ɔwe som mi, kotȧy-e ɔwe tha yi ulɔl bɛ kətɔŋ ka nu, kɔnɔ yi ubana.

Yɔn 1:15

Yɔnȧŋ ɔ gbaki ta atɔŋ, ɔ fɔf ɔbɔli rəkɔm, ɔ pa, Kɔnɔŋ ɔwe ta ɔwe i pa, Kɔnɔ ɔwe mə der kədarəŋ ka mi-e ɔ təmȧ mi kədi: kotȧy-e kɔnɔ yi mi rodi.

Yɔn 1:27

kɔnɔ mə der kədarəŋ kȧmi, rabeŋa ra aŋkɔftha ŋɔŋ i bek hɛ tə kəsəli ri.

Yɔn 10:41

Ɔwa afəm agbȧthi aŋ der ro ŋɔŋ, kaŋ pa, Yɔnȧŋ ɔ yɔ hɛ amisali, kɛrɛ mȧtȧy bɛ ama Yɔnȧŋ ɔ pa ta ɔlaŋgba ɔwe mə yi tȧteŋ.

Yɔn 3:30

Kɔnɔ ɔ tə bȧr yi ubana, kɛrɛ minɛŋ i ti gbəŋkɛ.

Yɔn 5:35

Kɔnɔ yi amotha aŋa gbɛntha finɔ, ɔwa ta alɔkɔ agbut nə selɔ tə kəyasanɛ yi məbɔnɛ ka ȧŋmothȧ ŋɔŋ.

Yɔn 7:39

Ɔ pa ȧte ta ɔYina, ɔwe ŋaŋ aŋa lanɛ kɔ aŋ yi tə kəsɔthɔ: ȧtesoma-e a tha sɔŋ hɛ ɔYina, pəkasifɛ a tha yikis hɛ Yisɔsȧŋ.

1 AŋKɔrenth 15:9

Minɛ-aŋ i tha yi ulɔl bɛ ka aŋsom, ɔwa i bek hɛ a tela mi usom pəkasifɛ i la sɔmpa aŋchɔch.

1 AŋKɔrenth 6:4

Ɔwa bepi nə ba tə kəthoŋkas ɛpa ɛwunɔŋ-e, nə gbəli bot ŋaŋ aŋa yi afarkɛ kətɔŋ ka nu tə kəgbək yi-i?

AŋƐfisɔs 2:3

Saŋ sɔ sə la yirȧ kətɔŋ ka ŋaŋ ka maləs ma madɛr ma su, rə kətaŋ gbo mafela ma madɛr dɛ yi ɛnanɛ yati; pəkasifɛ kətȧŋȧnɛ ka kakom kȧsu sə yi saŋ aŋwuth ŋa rəbaŋ, mɔ afəm alɔm bɛ.

AŋƐfisɔs 3:8

Do rɔmi-e, ɔwe yi uyay thɔŋ bɛ ka aŋsəm-e, a maŋkər ȧŋboŋa aŋe kȧmȧ i kawandi ka tȧbona təlɔm rayola rəninis ra Krayst,

2 Timɔthi 1:10

kɛrɛ ka-ake kə poŋ ŋaibɛ ka katɔrinɛ ka ɔKisis kȧsu Yisɔs Kraystȧŋ, ɔwe po tham rȧfi, kɔ wurɔ gbafəth aŋesəm yi kȧte fi kətaŋ ka ȧkɛra kəfinɔ ka Kuru.

AŋHibru 11:40

Pəkasifɛ Kuru ɔ po nanɛ tȧy təfisa ta ȧtȧ su-e, kȧmȧ pə te yi naŋ a səki ŋa agbenthis kətei su rodarəŋ.

1 Pitar 1:10

Aŋnȧbi aŋa seri ta ȧŋboŋa aŋa nə yi tə kəsɔthɔ-e, aŋ gbɛŋgbɛŋ, ɔwa aŋ thekthek salata kakisi ake;