Mark 8:32 - Ȧŋlemrȧnɛ Ȧfu

³² Ɔ fɔf ȧŋpa aŋe gbafəth. Ka Pitaŋ ɔ gbipnɛ kɔ, ɔ təp kəŋȧl kɔ.

Mark 8:32 ပူးပေါင်းရင်းမြစ်များ

Mathiu 16:22

Kȧ Pita ɔ kera kɔ rayɛr, kɔ ŋal kɔ, ɔ pa, Ta pǝ bɔlȧnɛ mu Pa. Ȧte tǝ ba hɛ kǝyi mu.

Mark 4:38

Kɛrɛ kɔnɔ ɔ yi rodarəŋ ka ȧŋbil-e, ɔ dirȧ ka ȧŋpila, kaŋ thəmi kɔ, aŋ pa ro ŋɔŋ, Karmɔkɔ, tə ba hɛ mu tȧy bepi sə dinɛ-i?

Luk 10:40

Kɛrɛ Mathaŋ ɔ ba asoli ta kəbɛnɛnɛ kəbana. Ɔ der ro ŋɔŋ, ɔ pa, Pa, tə ba hɛ mu tȧy kəpa ɔwɔnt kȧmi ubɛra ɔ tey mi son tə kəbɛnɛnɛ-i? Tiyȧŋ kanɛ kɔ kȧmȧ ɔ mar mi.

Yɔn 10:24

Ka aŋYuda aŋ gbətɔ kɔ, kaŋ pa ro ŋɔŋ, To pə ba kəwon mə yɔ ɛmerȧ ɛ su ɛ sɔkanɛ-e? Bepi munɔ yi ɔKraist-e, kanɛ su ti gbafəth.

Yɔn 11:14

Ka Yisɔsȧŋ ɔ kanɛ ŋa gbəraŋ kəpa, Lasarɔs ɔ po fi.

Yɔn 16:25

Mȧtȧy ame i po pa ro nu rə ɛlomɔ: kɛrɛ ȧŋlɔkɔ aŋ tə der, ma i te sɔ ba tə kəfɔf rə ɛlomɔ, kɛrɛ i ti kanɛ nu ta ɔKas gbəraŋ.

Yɔn 16:29

Aŋkarande ŋɔŋ aŋ pa ro ŋɔŋ, Kəla, ka-ake mə fɔf gbəraŋ, mə fɔf hɛ sɔ rə alomɔ.

Yɔn 18:20

Yisɔsȧŋ ɔ wosa, I po fɔf gbafəth ka ȧdȧru: i thəksa ka ɛseth ɛgbanɛ, yi ka ȧŋseth ŋa Kuru, ro aŋYuda bɛ aŋ gbanɛ, ɔwa i pa hɛ tȧy o tȧy rə ɔmaŋknɛ.