Mark 5:35 - Ȧŋlemrȧnɛ Ȧfu

³⁵ Ma Yisɔsȧŋ ɔ yi ras ka kəfɔf-e, afəm aŋ der kəwur ka ȧŋseth ŋa ɔwe yi rȧbomp ka ȧŋseth agbanɛ-e, aŋ pa, Ɔwan ka mu bɛra ɔ fi. Kɔyɛŋ mȧ mə sɔmpa sɔ ɔkarmɔkɔ kətiŋ-e?

Mark 5:35 ပူးပေါင်းရင်းမြစ်များ

Mathiu 26:10

Kɛrɛ ma Yisɔsȧŋ ɔ sɔthnɛ ti-e, ɔ pa ro ŋaŋ, kɔyɛŋ mǝ nǝ sɔmpa ɔbɔrkɔ-e? Ȧtesoma-e ɔ po yɔna mi apanth afinɔ.

Mathiu 26:18

kɔ pa, Kɔnɛ nu ro pet ka wuni wunɔŋ, nǝ pa ro ŋɔŋ, ƆKarmɔkɔ ɔ pa, Ȧŋlɔkɔ a mi aŋ fat. I ti wop amet ma kapainɛ ro seth ka mu yi aŋkarande a mi.

Mathiu 9:18

Ma ɔ kanɛ ŋa mȧtȧy ame-e, ugbǝka ulɔm ɔ der, ɔ sɔna kɔ tǝwu, ɔ pa, Ɔwan kȧmi ubɛra ɔ fi ka-ake, kɛrɛ der reŋ kɔ kȧta kȧmu kȧmȧ ɔ tǝ kǝli.

Mark 10:17

Ma ɔ wur tə kəkɔ ka ȧŋbiyas ŋɔŋ-e, wuni kin ɔ der ro ŋɔŋ kəgbukɛŋ, ɔ sɔ təwu, ɔ yif kɔ, Karmɔkɔ ufinɔ, to mə i yɔ kȧmȧ i sɔthɔ aŋesəm thəbana-e?

Mark 5:22

Ka ukin ka aŋkərbomp ka ȧŋseth agbanɛ ɔ der, ȧŋes ŋɔŋ ŋə yi Yairɔs. Ma ɔ nənk kɔ, ɔ fumpɔ ka ȧtȧtək tɔŋ,

Luk 8:49

Ma Yisɔs ɔ yi ras ka kəfɔf-e, wuni ɔ der, ɔ wur ka ȧŋseth ŋa ɔwe yi rȧbomp ka ȧŋseth agbanɛ, ɔ pa ro ŋɔŋ, Ɔwan ka mu bɛra ɔ po fi. Te sɔ kira ɔkarmɔkɔ.

Yɔn 11:21

Ka Mathaŋ ɔ pa ka Yisɔs, Pa bepi munɔ mə bəpər naŋ-e, ɔwɔnt mi ɔ fi hɛ naŋ.

Yɔn 11:25

Yisɔsȧŋ ɔ pa ro ŋɔŋ, Minɛ yi kȧyokanɛ, yi aŋesəm: kɔn ɔwe mə lanɛ mi, hali ɔ po fi, ɔ tə kȧl kəli:

Yɔn 11:28

Ɔwa ma ɔ po pa ȧte, ɔ kɔnɛ, ɔ tela Merɛŋ ɔwɔnt kɔŋ ubɛra sɔy, ɔ pa, ƆKarmɔkɔ ɔ po der, ɔ tela mu.

Yɔn 11:32

Ma Merɛŋ ɔ bek ro Yisɔs ɔ yi-e, ɔwa ɔ nənk kɔ, ɔ gbəpsa ro thɔf ka ȧtȧtək tɔŋ, ɔ pa ro ŋɔŋ, Pa, bepi munɔ mə bəpər naŋ-e, ɔwɔnt mi ɔ fi hɛ naŋ.

Yɔn 11:39

Ka Yisɔsȧŋ ɔ pa, Səka nu aŋsar. Mathaŋ, ɔwɔnt ubɛra ka ɔwe po fi, ɔ pa ro ŋɔŋ, Pa ɔ tə bup thɔŋ: kotȧy-e mərey manlɛ thɔŋ ma ɔ po fi.

Yɔn 5:25

I kanɛ nu tɛntɛnɛ, Ȧŋlɔkɔ aŋ tə der, ɔwa aŋ yi thɔŋ ka-ake, ma aŋfi aŋ tə təl ȧrim ra ɔWan ka Kuru; ɔwa ŋaŋ aŋa mə təl aŋ tə kəli.