Mark 2:20 - Ȧŋlemrȧnɛ Ȧfu

²⁰ Kɛrɛ mȧrey mə tə der ma a ba kənɔi ŋa ɔnantə, ɔwa aŋ tə wop asum ka mȧrey mati.

Mark 2:20 ပူးပေါင်းရင်းမြစ်များ

Mathiu 26:31

Ka Yisɔsȧŋ ɔ pa ro ŋaŋ, Naŋ bɛ nǝ tǝ pǝnthbǝla ta ȧtȧ mi thonɔŋ tȧtȧk. Kotȧy-e a po gbal kǝpa, A tǝ gbantha ɔtɔl, ɔwa talɔmɛ ŋa akuthi aŋ tǝ sakanɛ.

Mathiu 9:15

Ka Yisɔsȧŋ ɔ pa ro ŋaŋ, Aŋyathki ŋa ɔnȧntȧ aŋ gbǝli saŋ amɔl ma ɔnȧntȧ ɔ yi ras yi ŋaŋ-i? Kɛrɛ mȧrey mǝ tǝ der ma mǝ a nɔy ŋa ɔnȧntȧ, ɔwa ka ȧŋlɔkɔ ŋati aŋ tǝ wop asum.

Mark 2:19

Ka Yisɔsȧŋ ɔ pa ro ŋaŋ, Aŋyathki ŋa amet ma kanantə aŋ gbəli wop asum-i ma ɔnantə ɔ yi yi ŋaŋ-i? Fani ɔruni ɔwe ba kanantə ɔ yi yi ŋaŋ-e aŋ gbəli hɛ wop asum.

Mark 2:21

Wuni ɔ gbap hɛ arombo ŋa kotha kəfu rə ruma rəkur. Bepi pə yi yi-e, ȧŋrombo aŋ tə pim aruma, ɔwa ɔpima ɔ bȧr gbo ləsȧ.

Luk 17:22

Yisɔs ɔ pa ka aŋkarande, Mȧrey mə tə der ma nə yema nənk ŋin ŋa mȧrey ma ɔWan ka wuni, kɛrɛ nə gbəli hɛ nənk ŋi.

Luk 5:35

Kɛrɛ mȧrey mə tə der ma a tə nɔy ŋa ɔnantə, ɔwa ka mȧrey mati aŋ tə wop asum.

Yɔn 12:8

Ȧtesoma-e nə ba ȧŋmɔnɛ ro nu lɔkɔ o lɔkɔ, kɛrɛ minɛŋ nə ba hɛ lɔkɔ o lɔkɔ.

Yɔn 13:33

Aŋfɛth a mi, i yi gbo ro nu ta alɔkɔ agbut. Nə tə thɛns mi; pə tə yi mɔ mə i kanɛ aŋYuda, Ro mə i kɔ-e nia nə gbəli hɛ der, ya i pa ro nu ka-ake.

Yɔn 16:28

I wur ka ɔKas, ka i der nɔru: ɔwa i kȧl tey ȧdȧru, ka i kɔnɛ ka ɔKas.

Yɔn 16:7

Ɔwa i kanɛ nu tȧteŋ, pə tə yi ɔfinɔ ta ȧtȧ nu bepi i kɔnɛ: ȧtesoma-e, bepi i kɔ hɛ-e, ɔBɛfəth ɔ ba hɛ kəder ro nu; kɛrɛ bepi i kɔ-e, i ti som kɔ ro nu.

Yɔn 17:11

Ɔwa ka-ake i yi hɛ sɔ nɔru, kɛrɛ aŋe aŋ yi nɔru, ka minɛ i der ro mu. ƆKas usəm, bɛnɛ ŋa ka ȧŋes a mu, aŋa mə po sɔŋ mi, kȧmȧ aŋ ba ȧmerȧ ŋin mɔ mə saŋ sə ba.

Yɔn 17:13

Kɛrɛ ka-ake i der ro mu; ɔwa mȧtȧy ame i fɔf nɔru-e, kȧmȧ aŋ ba mabɔnɛ ma mi məgbenthis rokor ka ŋaŋ.

Yɔn 3:29

Kɔnɔ ɔwe ba ɔbɛra ufath-e kɔnɔ yi ɔruni ufath: kɛrɛ ɔyathki ka ɔruni ufath, ɔwe təmȧ kɔ rayɛr ɔwa ɔ təlȧ kɔ-e, ɔ ba məbɔnɛ məbana ta kətəl ȧrim ra ɔruni ufath: tiyȧŋ mabɔnɛ ma mi ame mə gbenthis.

Mȧyɔs ma aŋsom 1:9

Ma ɔ po pa mȧtȧy ame-e, a ŋata kɔ rokɔm rodi ka ɛfɔr yaŋ, ka kərənt kə maŋk kɔ ka kakəli ka ŋaŋ.

Mȧyɔs ma aŋsom 14:23

lƆwa maŋ po thithəsȧ ŋa abȧki rə ȧchɔch o chɔch-e, ɔwa maŋ po ramnɛ yi kəwop asum-e, aŋ maŋkər ŋa ka ɔMarki ka ɔwe aŋ po lanɛ.

Mȧyɔs ma aŋsom 3:21

pə yi mɔ kɔnɔ ɔwe ȧŋriyana aŋ ba kəwop haŋ ka ɛlɔkɔ ya kakala mȧtȧy bɛ, ama Kuru ɔ po fɔf ka tasəŋ ta Aŋnȧbi bi ŋɔŋ asəm bɛ aŋa yi kȧbi ka ɔwoni.

1 AŋKɔrenth 7:5

Te pɛnsa ukin ka ɔlɔm, thambe sɔthlɔm na ŋarəŋ nə ba ti dim din ta alɔkɔ agbut, kȧmȧ nə gbəli ba aŋfɛrɛ tə kəwop asum yi kəramnɛ. Kədarəŋ kati ta nə kȧl pantnɛ rɔkin, kȧmȧ Sethani ɔ te gbɔns nu asabu ŋa kate gbəli muyu mafela ma nu.

2 AŋKɔrenth 11:2

Kəbi i ba kətut ta ȧtȧ nu, pə yi mɔ-e katut ka Kuru, kotȧy-e i po fath nu ka Krayst mɔ a fathȧ ufanɛ ulompi ka uwos ukin.

2 AŋKɔrenth 11:27

ka kəthɔrɔnɛ, ka ɔbȧki ka ɛsɔnkɔ sɔnkɔ, ka ȧdor, ka rȧmun, ka kȧwop ɛsum ɔgbȧthi, ka ɔtȧnk yi ka rȧtiŋ.

2 AŋKɔrenth 6:5

ka kəsapəth, ka tərəŋka, ka ɛtotok, ka məpanth məbaki, ka kəsɔkɔ, ka kəwop ɛsum;

Kȧŋȧibinɛ 19:7

Maŋ yasanɛ nu rə kəsel məbɔnɛ məthasər. Ɔwa maŋ sɔŋ kɔ nu ayiki, ȧtesoma-e kanantə ka kaLɔmɛ kəfɛth kə po bek, ka ɔbɛra ufath ɔ po bɛnɛnɛ.

Kȧŋȧibinɛ 21:9

Ka ukin ka aŋmȧleka tȧmthədɛrəŋ aŋa ba ɛbɔl tȧmthədɛrəŋ ya ɛfithina tȧmthədɛrəŋ ɛləpsɔ-e, ɔ kanɛ mi hɔ, Der anɔ kȧmȧ i tɔri mu ɔbɛra ufath ɔwe yi mɔ-e ɔrani ka kaLɔmɛ kəfɛth.