45 Ma ɔ təl ti ka ɔkurgba-e, ɔ sɔŋ kabel ka Yosɛf.
Ɔ kɔnɛ ka Paylet ɔ thola kabel ka Yisɔs. Ka Paylet ɔ yamari kȧmȧ a sɔŋ kɔ kɔ.
Ma ɔkurgba ɔwe təmȧ ɔ lomanɛ kɔ ɔ nənk kəpa ɔ po ternɛ-e, ɔ pa, Tɛntɛnɛ ɔlaŋgba ɔwe ɔ yi ɔWan ka Kuru.
Kɛrɛ Payletȧŋ ɔ kabanɛ ma ɔ təl kəpa ɔ po thɔŋ fi. Kɔ tela ɔkurgba ɔ yif kɔ bepi ɔ po fi ɔwoni.
kɔ wai kotha kəlinɛn, ɔ thora kɔ, kɔ rapər kɔ ka akotha kəlinɛn, ɔ bot kɔ ka kəboma ȧke a bɛs rə ȧsar, kɔ bənkli ȧsar ka kadare ka kȧboma.
Kədarəŋ ka mȧtȧy ame, Yosɛf-əŋ ɔwe ro Arimathia, ɔwe yi ukarande ka Yisɔs, kɛrɛ rə ɔmaŋknɛ, ta rənes ra aŋYuda, ɔ nɛmthɛnɛ Payletȧŋ kȧmȧ ɔ selɔ ɔ kera kabel ka Yisɔs; ɔwa Payletȧŋ ɔ malanɛ. Tiyȧŋ ɔ der, ɔ thora kabel kɔŋ.
