Mark 15:40 - Ȧŋlemrȧnɛ Ȧfu

⁴⁰ Afəm abom sɔ aŋ təmȧ ɔbɔli poŋ, aŋ kəli; Meri ɔwe ro Makdala, Meri ɔkara ka Yeməs ɔfɛth yi Yoses, yi Salome, aŋ yi kətɔŋ ka ŋaŋ;

Mark 15:40 ပူးပေါင်းရင်းမြစ်များ

Mathiu 10:3

Filipȧŋ, Barthɔlɔmiyuȧŋ, Thɔmɔsȧŋ yi Mathyɔŋ, ɔthonkla ɛfȧk. Yemǝsȧŋ, ɔwan ka Alfiɔs, yi Thȧdiyɔsȧŋ.

Mathiu 13:55

Ɔwan ka ɔkamdɛr kɔn tha ɔwe-i? Ɔwa a bont hɛ ɔkara kɔŋ Meri-i? Aŋwɔnt ŋɔŋ, ŋa tha yi Yemǝs, Yosef, Saymɔn yi Yudaŋ-i?

Mathiu 27:61

Meri ɔwe ro Makdala yi Meri ulɔm aŋ yi ri, kaŋ yirȧ aŋ lomanɛ kȧboma.

Mathiu 28:1

Mba ma aŋsabath aŋ poŋ-e, ka pǝ yema sɔk-e, ka ȧŋrey ȧtɔtɔkɔ ŋa ȧŋyik, Meri ɔwe ro Makdala yi Meriȧŋ ulɔm, aŋ der tǝ kǝkǝli kȧboma.

Mark 15:47

Ka Meri ɔwe ro Makdala yi Meri ɔkara ka Yoses aŋ nənk ro a bot kɔ.

Mark 16:1

Ma aŋsabath aŋ thas-e, Meri ɔwe ro Makdala yi Meri ɔkara ka Yeməs yi Salome, aŋ wais məpos məfɔlfɔl tə kəsopa Yisɔsȧŋ.

Mark 16:9

Ma Yisɔsȧŋ ɔ bɔra yokanɛ ka ȧŋrey ȧtɔtɔkɔ ŋa aŋyik-e, ɔ mɔtha tɔrinɛ ka Meri ɔwe ro Makdala, ka ɔwe ɔ wurɔ akərəfi tȧmthədɛrəŋ.

Luk 19:3

Ɔwa ɔ thɛns tə kənəŋk Yisɔs kȧmȧ ɔ tȧrȧ kɔ, kɛrɛ ma ɔ yi ugbut-e, ɔ gbəli hɛ salata ȧruniya rəbana.

Luk 23:49

Aŋyathki ŋɔŋ bɛ yi aŋfəm abom aŋa tȧŋ kɔ kəwur ro Kalili, aŋ təmȧ ɔbɔli poŋ, aŋ kəli mȧtȧy ame.

1 AŋKɔrenth 9:5

Saŋ sə ba hɛ mamari tə kəkɔtha urani ɔwe yi uwɔnt ka kȧlanɛ, mɔ aŋsom alɔm-i, dɛ yi mɔ aŋwɔnt ŋa ɔMarki dɛ yi Kayafas-i?

AŋKȧletia 1:19

Kɛrɛ i nənk hɛ aŋsom alɔm, thambe Yeməs ɔwɔnt ka ɔMarki.

Yeməs 1:1

Yeməs ȧbɔy ŋa Kuru yi ka ɔMarki Yisɔs Krayst ka ɛbɔnsɔŋ tɔfɔt yɛrəŋ aŋa po sakanɛ ka ȧdȧru bɛ; i kori nu sɛŋk.