33 Botnɛ nu rə ȧmerȧ, bumər ɔwa ramnɛ, ȧtesoma-e nə tɛ hɛ ȧŋlɔkɔ ŋati.
Tiyȧŋ kǝlɛnɛ nu kotȧy-e nǝ tɛ hɛ ȧŋrey thalɔm ȧŋlɔkɔ aŋa ɔWan ka wuni mɔ der.
Kɛrɛ botnɛ nu rə ȧmerȧ. Kəla i po mɔtha kanɛ nu mȧtȧy bɛ.
Ɔwa yi nu abɛnɛnɛ kotȧy-e ka ȧŋlɔkɔ aŋa nə te lanɛ ɔWan ka wuni ɔ tə der.
Kɛrɛ wɔnsənɛ nu ɔMarki Yisɔs Krayst, ɔwa te botərnɛ ti rə ȧmerȧ tə kəlasər mafela ma madɛr.
Bumnɛ nu, təmȧ nu kəŋkəŋ ka kȧlanɛ. Yɔ nu mɔ afəm aruni, bȧk nu mədɛr.
Lɔkɔ o lɔkɔ ramnɛ nu rə kənɛmthɛnɛ bɛ ro Yina, ɔwa bum nu rə kəmuyu bɛ dɛ yi təramnɛ salata aŋfəm asəm bɛ.
Bȧsər nu ka kəramnɛ, ɔwa bumnɛ nu rə kəmuti mɔmɔ.
Kəli nu finɔ kȧmȧ wuni o wuni ɔ te bun ȧŋboŋa ŋa Kuru; ta thani rəka rəroŋkəth rə te lɔkɔ kətɔŋ ka nu-e, tə kəkɛthas nu, haŋ agbȧthi aŋ nɔkɔsnɛ.
Kɛrɛ ɔthalnɛ wa mȧtȧy bɛ ɔ po fat; tiyȧŋ yi nu atempi, ɔwa bumnɛ nu rə kəramnɛ.
Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.
(Kəla-a, minɛ mə derȧŋ mɔ ukey. Wuni ka aruba wɔŋ ɔwe mə bumər-e, dɛ yi ɔwe mə bɛnɛ ɛlopra yɔŋ ta thani ɔ kɔth kətiŋ tal, ɔwa aŋ nənk mȧlap mɔŋ).
Bumnɛ, ɔwa bȧksər mȧtȧy ama tiyȧ, ama yema tə kəfi; kotȧy-e i fir hɛ mapanth ma mu məgbenthis rodi ka ɔKuru kȧmi.