Luk 9:48 - Ȧŋlemrȧnɛ Ȧfu

⁴⁸ ɔ pa ro rɔŋaŋ, Wuni o wuni ɔwe malanɛ ɔwath ufɛth ɔwe ka ȧŋes a mi, minɛŋ ɔ malanɛ; ɔwa wuni o wuni ɔwe mə malanɛ mi ɔ malanɛ kɔn ɔwe som mi, kotȧy-e ɔwe tha yi ulɔl bɛ kətɔŋ ka nu, kɔnɔ yi ubana.

Luk 9:48 ပူးပေါင်းရင်းမြစ်များ

Mathiu 18:10

Botnɛ nu kȧmȧ nǝ te sai ukin ka aŋlɔl aŋe, kotȧy-e, i kanɛ nu kǝpa ro riyana aŋmȧleka ŋaŋ aŋ kǝli lɔkɔ o lɔkɔ ȧder ra ɔKas kȧmi ɔwe yi ro riyana.

Mathiu 18:14

Ya pǝ yi sɔ-e, pǝ yi hɛ mȧselɔ ma ɔKas ka nu ɔwe yi ro riyana kȧmȧ ukin ka aŋlɔl aŋe ɔ dinɛ.

Mathiu 19:28

Ka Yisɔsȧŋ ɔ pa, Tǝ tɛntɛnɛ i kanɛ nu-e, ka ȧdȧru rǝfu ma ɔWan ka wuni mǝ ɔ yirȧ ka kawaŋ ka rȧbȧy ka aŋyiki ŋɔŋ-e, naŋ aŋa po tȧŋ mi, naŋ sɔ nǝ tǝ yirȧ ka tǝwaŋ ta rȧbȧy tɔfɔt tǝrǝŋ, nǝ tǝ thonkas ɛbɔnsɔŋ tɔfɔt yɛrǝŋ ya aŋIsrɛl,

Mathiu 25:40

Ɔwa ɔbȧy ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ po yɔ yi ka ukin ka aŋwɔnt mi-e, hali aŋlɔl lɔl aŋe-e, nǝ po yɔ ti ro rɔmi.

Mathiu 25:45

Ɔwa ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ te yɔ yi ka ukin ka aŋlɔl lɔl aŋe-e, nǝ yɔ hɛ ti ro rɔmi.

Mark 9:37

Wuni o wuni ɔwe mə malanɛ ukin ka aŋfɛth mɔ ɔwe ka ȧŋes a mi-e, minɛ ɔ malanɛ; ɔwa wuni o wuni ɔwe mə malanɛ mi, min thahɔ ɔ malanɛ, kɛrɛ ɔwe som mi-e.

Luk 10:16

Ɔwe mə təlȧ nu ɔ təlȧ mi, ɔwa ɔwe mə pɛnsa nu ɔ pɛnsa mi sɔ. Ɔwa ɔwe mə pɛnsa mi ɔ pɛnsa kɔnɔ ɔwe som mi.

Luk 14:11

kotȧy-e, wuni o wuni ɔwe mə ŋatanɛ a tə thora kɔ, ɔwa kɔnɔ ɔwe mə thoranɛ a tə ŋata kɔ.

Luk 22:26

Kɛrɛ te nu yi yaŋ. Kɔnɔ ɔwe mə yi ubana kətɔŋ ka nu-e, ta ɔ yi mɔ ufɛth; ɔwa kɔnɔ ɔwe yi rȧbomp, ta ɔ yi mɔ ɔwe mə yɔna.

Luk 22:30

kȧmȧ nə gbəli di, ɔwa nə mun ka aŋthebəl a mi ka rȧbȧy ra mi. Ɔwa nə tə yirȧ rə tawaŋ ta rəbȧy, nə tə thonkas ɛbɔnsɔŋ tɔfɔt yɛrəŋ ya Isrɛl.

Luk 7:28

I kanɛ nu, kətɔŋ ka ŋaŋ aŋa afəm abom aŋ kom-e, ubana uthasi Yɔn ɔ yi hɛ; kɛrɛ kɔn ɔwe yi ulɔl thɔŋ bɛ ka rȧbȧy ra Kuru-e, ɔ yi ubana uthasi kɔ.

Yɔn 13:20

I kanɛ nu tɛntɛnɛ, Ɔwuni ɔwe malanɛ wuni o wuni ɔwe i som-e, ɔ malanɛ minɛŋ; ɔwa ɔwuni ɔwe malanɛ mi-e, ɔ malanɛ kɔnɔŋ ɔwe som mi.

Yɔn 14:21

Kɔnɔ ɔwe ba ɛyamari ɛ mi, ɔwa ɔ wop yi-e, kɔnɔ yi ɔwe mə bɔthər mi: ɔwa kɔnɔ ɔwe mə bɔthər mi ɔKas kȧmi ɔ tə bɔthər kɔ, ɔwa i ti bɔthər kɔ, ɔwa i ti tɔrinɛ gbafəth ro ŋɔŋ.

1 AŋThɛsȧlonika 4:8

Tiyȧŋ ɔwe mə farki ȧŋmȧŋ aŋe ɔ farki hɛ wuni kəpet, thambe Kurɔŋ ɔwe po sɔŋ nu ɔYina kɔŋ uməsəm.

1 Pitar 5:6

Tiyȧŋ thoranɛ nu ka kȧta kəninis ka Kuru, kȧmȧ ɔ ŋata nu ma ȧŋlɔkɔ aŋ bek.

Kȧŋȧibinɛ 21:14

Ka anthatha ŋa kȧpet aŋ ba mətəmər tɔfɔt mȧrəŋ ro a gbal ames ma aŋsom tɔfɔt ŋarəŋ ŋa kaLɔmɛ kəfɛth ka Kuru.

Kȧŋȧibinɛ 3:21

Ɔwe mə tham i ti sɔŋ kɔ mamari tə kəyira yi minɛŋ ka kawaŋ ka rȧbȧy ra mi, mɔ mə minɛ sɔ i po tham, ka i yirȧ yi ɔKas kȧmi ka kawaŋ ka rȧbȧy rɔŋ.