Luk 9:39 - Ȧŋlemrȧnɛ Ȧfu

³⁹ Ɔwa kəla, ukərəfi ɔ tə wop kɔ, ɔwa ka ɔlɛmp wati ɔ tə sel ɛrɔŋ; ɔ tə gbɔsi gbɔsi kɔ haŋ ɔ wur kəfoth, ɔwa kəter kɔ pə yi ɔbaki mədɛr thas gbo ɔ po yɔ kɔ ɔbaŋ sɔbɛ.

Luk 9:39 ပူးပေါင်းရင်းမြစ်များ

Mark 9:18

ɔwa dɛr o dɛr ɔ wop kɔ-e, ɔ napanɛ kɔ ro thɔf; ɔwa ɔ wur kəfoth, ɔ tɔmnɛ ɛsek yɔŋ, ɔ bȧkərȧnɛ santhȧni. I kanɛ aŋkarande a mu kȧmȧ aŋ wurɔ kɔ, kɛrɛ aŋ ba hɛ aŋfɔsɔ ŋati.

Mark 9:20

kaŋ kȧrȧ kɔ ro ŋɔŋ, ka ɔkərəfi-e, ma ɔ nənk Yisɔsȧŋ, ka ɔlɛmp wati ɔ sɔmpa ɔwath ɔthasər, ɔ fumpɔ ro thɔf, ɔ sapəthnɛ kɔ wur kəfoth.

Mark 9:26

Ka ɔkərəfi ɔ woŋa, ɔ sɔmpa kɔ ɔthasər, kɔ wur kɔ. Ɔwath ɔ yi mɔ ɔ po fi, ɔwa afəm agbȧthi aŋ pa kəpa ɔ po fi.

Luk 4:35

Ka Yisɔs ɔ ŋal kɔ, ɔ pa, Taŋk, ɔwa wur ro ŋɔŋ. Ma ɔkərəfi ɔ po napanɛ kɔ kətɔŋ ka ŋaŋ-e, ɔ wur, ɔ yɔ hɛ kɔ ɔbaŋ.

Luk 8:29

Ȧtesoma-e ɔ po yamari ɔkərəfi uləs tə kəwur ka ɔlaŋgba. Kotȧy-e ɔ la gbip kɔ katkat; ka a tand kɔ yi tɔrɛntha yi ɛgbete, kɛrɛ ɔ piməs atɔrɛntha, ɔwa ɔkərəfi ɔ bȧlər kɔ ro wula.

Luk 9:38

Ɔwa kəla, ulaŋgba kətɔŋ ka ȧruniya ɔ ŋata rim, ɔ pa, Karmɔkɔ, ɔmari mu kəli ɔwan uruni kȧmi; kotȧy-e kɔnɔ yi ɔwan kȧmi gbo son.

Luk 9:40

Ɔwa i nɛmthɛnɛ aŋkarande a mu tə kəwura kɔ, kɛrɛ aŋ gbəli hɛ.

Yɔn 8:44

Nia nə yi ka ɔkas ka nu Sethani, ɔwa ɛfela ya ɔkas ka nu yɛ nə yema yɔ. Ɔ yi udif kȧbi ka katəp, ɔ təmȧ hɛ ka tȧteŋ, pəkasifɛ tȧteŋ tə yi hɛ ro ŋɔŋ. Ma ɔ fɔf rəyem-e, ɔ fɔf ta atɔŋ: ȧtesoma-e uyem wɔŋ, yi ɔkas kati.

1 Pitar 5:8

Yi nu na agbɛt, na abumnɛ; kotȧy-e ɔtheranɛ ka nu, Sethani, ɔ yanthənɛ mɔ ȧsoyla ubaŋ, kȧmȧ ɔ thɛns ɔwe mɔ gbȧri gbȧri.

Kȧŋȧibinɛ 9:11

Ɛlama aŋe aŋ ba ubȧy ɔwe yi mɔ-e ɔmaleka ka ȧŋbi aŋa te ba ɔthalnɛ, ɔwa ȧŋes ŋɔŋ ka kəHibru aŋ yi Abadɔn, kɛrɛ ka kəKrik a tela kɔ Apɔliyɔn.