Luk 9:22 - Ȧŋlemrȧnɛ Ȧfu

²² ɔ tɔri ŋa kəpa ɔWan ka wuni ɔ ba tə kənakasi mȧtȧy məlai, aŋbȧki yi aŋfode yi aŋkarmɔkɔ aŋ tə kasi kɔ, ɔwa a tə dif kɔ. Ka ȧŋrey aŋa bekȧ məsas-e ɔ ba tə kəkal yokanɛ.

Luk 9:22 ပူးပေါင်းရင်းမြစ်များ

Mathiu 17:12

Kɛrɛ i kanɛ nu kǝpa, Ilaya ɔ po thɔŋ der, kɛrɛ aŋ tɛ hɛ kɔ, ɔwa aŋ po yɔ kɔ tȧy o tȧy ȧte aŋ yema. Ɔwa yaŋ sɔ ɔWan ka wuni ɔ tǝ nakasi ka mȧta maŋ.

Mathiu 17:22

Ɔwa maŋ yirȧ ro Kalili-e, Yisɔsȧŋ ɔ pa ro ŋaŋ, A ba kǝlaŋkli ɔWan ka wuni ka mȧta ma aŋfǝm,

Mathiu 27:63

Pa, sǝ kala ȧmerȧ kǝpa ɔwuni tɔns tȧy ɔwɔŋ ma ɔ yi ras ukǝli-e, ɔ pa, Kǝdarǝŋ ka mǝrei mǝsas-e i ti kȧl yokanɛ.

Mark 8:31

kɔ təp kəthəksa ŋa kəpa ɔ Wan ka wuni ɔ ba kənakasi mȧtȧy məgbathi; aŋbȧki aŋ tə pɛnsa kɔ, yi aŋkərbomp ka aŋfode, yi aŋkarmɔkɔ sɔ, ɔwa aŋ tə dif kɔ, kədarəŋ ka mərey məsas ɔ tə kȧl yokanɛ.

Mark 9:31

Pəkasifɛ ɔ thəksa aŋkarande ŋɔŋ, ɔ pa ro ŋaŋ, A tə lȧnki ɔWan ka wuni ka mȧta ma aŋfəm, ka aŋ tə dif kɔ; bepi a po dif kɔ-e, kədarəŋ ka mərey məsas ɔ tə kȧl yokanɛ.

Luk 17:25

Kɛrɛ ɔ ba ras kənakasi rə mȧtȧy məgbathi, ɔwa rȧkomra are rə tə kasi kɔ.

Luk 24:26

ƆKrayst ɔ mar hɛ tə kənakasi mȧtȧy ame dɛ yi tə kəwɔŋ ka aŋyiki ŋɔŋ-i?

Luk 24:44

kɔ pa ro rɔŋaŋ, Ȧsim ta mi ti ȧte, ȧte i la kanɛ nu ka ȧŋlɔkɔ aŋa i yi ras yi naŋȧŋ kəpa mȧtȧy bɛ mə ba tə kəlasər ama a gbal ta ȧtȧ mi ka aŋthɔ ŋa Mosis, yi ka aŋnabi, yi ka ȧŋSams.

Luk 24:7

kəpa a ba kəlaŋkli ɔWan ka wuni ka mȧta ma aŋfəm aləs, a tə tȧŋ kɔ ka akənt kəpəŋkinɛ, ɔwa ɔ tə kȧl yokanɛ ka ȧŋrey aŋa bekȧ məsas.

Luk 9:44

Yɔ ȧsim ȧte tə wɔŋ ka ɛləns ɛ nu, pəkasifɛ a tə lȧnki ɔWan ka wuni ka mȧta ma aŋfəm.

1 AŋKɔrenth 15:4

ka a maŋk kɔ, ɔwa ka ȧŋrey aŋa bekȧ məsas ɔ kȧl yokanɛ ka rəfi mɔ mə mȧgbal ma Kuru mə pa.

1 Pitar 1:11

kaŋ thɛns ko wuni, thalɔm ko alɔkɔ ɔYina ka Krayst rokor ka ŋaŋ ɔ tɔri ma ɔ ŋaibi ɛsɔmpanɛ ya Krayst dɛ yi aŋyiki aŋa mə tanda.