Luk 9:11 - Ȧŋlemrȧnɛ Ȧfu

¹¹ Ɔwa ma aŋfəm aŋ tȧrȧ ti-e, aŋ tȧŋ kɔ. Ɔ malanɛ ŋa finɔ, kɔ kanɛ ŋa ta rȧbȧy ra Kuru, kɔ damər ŋaŋ aŋa yema kȧmȧ ɔ damər ŋa.

Luk 9:11 ပူးပေါင်းရင်းမြစ်များ

Mathiu 12:15

Yisɔsȧŋ ma ɔ tȧrȧ ti-e, ɔ wur ri, ka agbȧthi aŋ tȧŋ kɔ, kɔ yeŋkǝs ŋa bɛ.

Mathiu 14:14

kɔ wur ka ȧŋbil, ɔ nənk ȧruniya rǝbana, kɔ nǝŋka ŋa ȧney, ɔ damǝr aŋboma ŋaŋ.

Mathiu 21:31

Ka ŋa ŋarǝŋ aŋe-e, kanɛ yɔ mȧselɔ ma ɔkas kɔŋ-e? kaŋ pa ro ŋɔŋ, Ɔtɔtɔkɔ. Ka Yisɔsȧŋ ɔ pa ro ŋaŋ, Tɛntɛnɛ i kanɛ nu kǝpa aŋthoŋkla ɛfȧk yi aŋbɛra arǝpi aŋ tǝ mɔtha nu wɔŋ ka rȧbȧy ra Kuru.

Mathiu 21:43

Tiyȧŋ i pa ro rɔnu, A tǝ nɔy nu rȧbȧy ra Kuru, a tǝ sɔŋ ri abona aŋa mǝ wurɔ mȧkomi mati.

Luk 1:53

Ɔ po namsir aŋfəm ador yi yɛt ɛfinɔ, Kɛrɛ aŋyola-e, ɔ bȧl ŋa afoth.

Luk 5:31

Ka Yisɔs ɔ wosa, ɔ pa ro rɔŋaŋ, Ŋaŋ aŋa yi ayenki mədɛr aŋ yema hɛ ubolomba, ante yeŋki mədɛr ŋa gbo ŋa yema ubolomba.

Luk 8:1

Ka pə re yi kədarəŋ kati ɔthan-e, Yisɔs ɔ kɔnɛ ka tapet yi tagbɔm bɛ, ɔ taməs, ɔwa ɔ tɔri ȧkɛra kəfinɔ ka rȧbȧy ra Kuru, ka aŋkarande ŋɔŋ tɔfɔt ŋarəŋ aŋ paya kɔ,

Luk 8:10

kɔ pa, Ro rɔnu a sɔŋ ti tə kətara aŋgbundu ŋa rȧbȧy ra Kuru, kɛrɛ alɔm-e, a thəksa ŋa rə ɛlomɔ, kȧmȧ hali aŋ kəli aŋ nənk hɛ; hali aŋ təl-e, pə sɔk hɛ ŋa.

Luk 9:10

Ma aŋsom aŋ po kalanɛ-e, aŋ tɔri kɔ mȧtȧy bɛ ama aŋ po yɔ. Kɔ wur ri ɔ kera ŋa dɛr ɔyeŋ ɔfati ka kȧpet ȧke a bont ro Bɛthsayda.

Luk 9:12

Ma aret rə yema wɔŋ-e, aŋtɔfɔt ŋarəŋ aŋ der aŋ pa ro ŋɔŋ, Lemnɛ aŋfəm kȧmȧ aŋ kɔnɛ ka tapet yi ka ȧŋthɔf aŋa gbətɔ nɔ tə kəyianɛ dɛ yi tə kəthɛns ra rədi, kotȧy-e saŋ sə yi nɔ ka ɔdɛr ɔyeŋ.

Luk 9:2

kɔ som ŋa tə kətaməs rȧbȧy ra Kuru, ɔwa, tə kəyeŋkəs aŋboma.

Yɔn 4:34

Yisɔsȧŋ ɔ pa ro ŋaŋ, Ɛdi ɛ mi ɛ yi tə kəyɔ mȧselɔ ma ɔwe som mi, yi tə kəpons mapanth mɔŋ.

Yɔn 6:37

Ŋaŋ bɛ aŋa ɔKas ɔ sɔŋ mi aŋ tə der ro mi; ɔwa kɔnɔ ɔwe mə der ro mi i bȧl hɛ kɔ rokaŋ hali.

Mȧyɔs ma aŋsom 28:31

ɔ taməs rȧbȧy ra Kuru, ɔ thəksa mȧtȧy ta ɔMarki Yisɔs Krayst rə kəmintha, ɔwa wuni o wuni ɔ bɛnt hɛ kɔ.

AŋRomans 10:14

Kɛrɛ to mə aŋ gbəli ramnɛ ka ɔwe mə aŋ te tha lanɛ-e? Ɔwa to mə aŋ gbəli lanɛ ka ɔwe mə aŋ te tha təla-e? Ɔwa to mə aŋ gbəli təl kəte ba ukawandi-e?

AŋRomans 10:17

Tiyȧŋ kəlanɛ kə wur rə kətəl, yi kətəl rə ȧrim ra Krayst.

AŋRomans 15:3

kotȧy-e hali Kraystȧŋ ɔ thesisnɛ hɛ, kɛrɛ mɔ a gbal kəpa, Tanal ta ŋaŋ aŋa nal mu tə fumpər mi.

2 Timɔthi 4:2

Taməs ȧrim ra Kuru. Bȧsər tɔri ri lɔkɔ o lɔkɔ. Ŋal ɔwa maŋ, ɔwa bȧksər rə kəmuyu kəte thamrɔ,

AŋHibru 4:16

Tiyȧŋ maŋ der nu yi təbuth təbaki ka kawaŋ ka rȧbȧy ra ȧŋboŋa-e, kȧmȧ sə gbəli sɔthɔ ȧney, dɛ yi kəmar ka ȧŋlɔkɔ ŋa kapaŋ kȧsu.