Luk 9:1 - Ȧŋlemrȧnɛ Ȧfu

¹ Ka Yisɔs ɔ tela aŋkarande ŋɔŋ tɔfɔt ŋarəŋ, kɔ sɔŋ ŋa afɔsɔ rokɔm ka akərəfi bɛ, yi tə kədamər tətu.

Luk 9:1 ပူးပေါင်းရင်းမြစ်များ

Mathiu 16:19

I ti sɔŋ mu mȧsapɔ ma rȧbȧy ra ro riyana, ɔwa koko ara mǝ sek ka ȧdȧru-e a tǝ sek ri ro riyana, dɛ yi koko ara mǝ sǝli ka ȧdȧru-e a tǝ sǝli ri ro riyana.

Mathiu 4:24

Ka ȧŋes ŋɔŋ aŋ gbanthɛnɛ ro Siria bɛ; kaŋ kȧrȧ ro ŋɔŋ aŋboma bɛ aŋa ba tǝtu yi ɛsɔmpanɛ ɛbaŋ ɛgbanthɛ tǝtǝp, ŋaŋ aŋa ba akǝrǝfi-o, tatuk-o, mȧthanthaŋ-o, ɔwa ɔ yeŋkǝs ŋa bɛ.

Mathiu 8:9

kotȧy-e minɛ sɔ i yi wuni ka afɔsɔ ratha, i ba aturgba roratha kȧmi. Ma i pa ka ɔkin ɔwe, Kɔnɛ, ɔwa ɔ tǝ kɔ. Ka ɔlɔm, Der, ɔwa ɔ tǝ der. Ka ȧŋbɔy a mi, Yɔ ȧte, ɔwa ɔ tǝ yɔ ti.

Luk 10:1

Kədarəŋ ka mȧtȧy ame ɔMarki ɔ thith akarande alɔm sɔ, təgba təsas tɔfɔt, kɔ som ŋa ŋarəŋ ŋarəŋ tə kətəma kɔ kədi rə kəpet o kəpet yi rə dɛr o dɛr ro kɔn kɔnɔnɛ ɔ ba kəkɔ.

Luk 10:19

Ɔwa i po sɔŋ nu afɔsɔ tə kənas ɛbok yi atulis, dɛ yi kətham rokɔm ka aŋfɔsɔ bɛ ŋa ɔtheranɛ; ɔwa koko bɛ rə gbəli hɛ yɔ nu ɔbaŋ.

Yɔn 14:12

I kanɛ nu tɛntɛnɛ, Wuni ɔwe mə lanɛ mi, mapanth ama minɛ i yɔ-e, kɔnɔ sɔ ɔ tə yɔ ma; ɔwa ɔ tə yɔ məyɔs məbana məthasi ame, pəkasifɛ i kɔ ka ɔKas kȧmi.

Mȧyɔs ma aŋsom 1:8

Kɛrɛ nə tə sɔthɔ afɔsɔ ma ɔYina məsəm ɔ derər nu; ɔwa nə tə yi maseri ma mi ro Yerusalɛm-o, ro Yudia bɛ-o, ro Samaria-o, ɔwa haŋ ka ɔthalnɛ wa ȧdȧru.

Mȧyɔs ma aŋsom 3:16

Ɔwa pə yi salata kəlanɛ ka ȧŋes ŋɔŋ ɔlanŋgba ɔwe ɔ sɔthɔ afɔsɔ, ɔwe naŋ bɛ nə nənk dɛ yi nə tȧrȧ. Yao, kȧlanɛ ȧke yi ro ŋɔŋ kə po sɔŋ kɔ kayenk mədɛr kəgbenthis ka kȧbəprȧnɛ ka nu bɛ.

Mȧyɔs ma aŋsom 4:30

ma munɔ mə thanthi kȧta ka mu tə kəyeŋkəs afəm; ɔwa kȧmȧ ɛmisali yi mȧtȧy məkabanɛ mə yɔnɛ salata ȧŋes ŋa ȧŋBɔy a mu usəm Yisɔsȧŋ.

Mȧyɔs ma aŋsom 9:34

Ka Pitaŋ ɔ kanɛ kɔ, Iniyas, Yisɔs Kraystȧŋ ɔ yenkəs mu. Yokanɛ mə bɛmpa kafənt ka mu. Kɔ yokanɛ ka ɔlɛmp wati.