Luk 8:35 - Ȧŋlemrȧnɛ Ȧfu

³⁵ Ɔwa aŋfəm aŋ wur kȧmȧ aŋ nənk ȧtȧ po yɔnɛ, ka aŋ der ka Yisɔsȧŋ, aŋ bəp ɔlaŋgba ɔwe aŋkərəfi aŋ po wur-e, ulopra, utempi, ɔ yirȧ ka ȧtȧtək ta Yisɔs. Kaŋ nesa.

Luk 8:35 ပူးပေါင်းရင်းမြစ်များ

Mathiu 4:24

Ka ȧŋes ŋɔŋ aŋ gbanthɛnɛ ro Siria bɛ; kaŋ kȧrȧ ro ŋɔŋ aŋboma bɛ aŋa ba tǝtu yi ɛsɔmpanɛ ɛbaŋ ɛgbanthɛ tǝtǝp, ŋaŋ aŋa ba akǝrǝfi-o, tatuk-o, mȧthanthaŋ-o, ɔwa ɔ yeŋkǝs ŋa bɛ.

Mark 5:15

Maŋ der ka Yisɔs-e, kaŋ nənk ɔlaŋgba ɔwe la ba aŋkərəfi aləs-e, ɔ yirȧ, ɔ lopra, ɔwa ɔ ba ȧmerȧ akɛnɛ-e, aŋ nesa.

Luk 10:39

Ɔ ba wɔnt bɛra, ȧŋes ŋɔŋ ŋə yi Meri, ɔwe yirȧ ka ȧtȧtək ta Yisɔsȧŋ, kɔ su ɛləns ka tafɔf tɔŋ.

Luk 15:17

Ma ɔ kȧl sɔthɔ amera-e, ɔ pa, To ɛbɔy ɛyamɔ ya ɔkas kȧmi aŋ yi kəgbath bɛ, aŋ ba təbo təbeki haŋ tə kətiyanɛ, ɔwa minɛŋ i dinɛ nɔ yi dorȧŋ!

Luk 2:46

Ka pə re yi kədareŋ ka mərey məsas aŋ bəp kɔ ka ȧŋseth ŋa Kuru, ɔ yirȧ kətɔŋ ka aŋkarmɔkɔ, ɔ sua ŋa ɛləns, ɔ yifəth yifəth ŋa sɔ.

Luk 8:27

Ma Yisɔs ɔ wur ka ȧŋbil-e, ɔ bəp ulaŋgba ka ro pet ɔwe ba ukərəfi. Ɔwa ɔwoni thɔŋ ɔ yi gbo utiŋ, ɔ yi hɛ rə aseth, ɔ yi gbo ka taboma.

Luk 8:34

Ma aŋfəm aŋa bumər ŋa aŋ ŋəŋk ti-e, aŋ gbukɛ, aŋ kanɛ ti ro pet, yi ka ȧŋthɔf.

Mȧyɔs ma aŋsom 22:3

Minɛ i yi uYuda, a kom mi ro Tarsɔs ȧke yi ro Silisia, kɛrɛ a rusəm mi ka kȧpet ake ka ȧtȧtək ta Kamaliyɛl, a thəksa mi finɔ mɔ matanɛ məgbenthis ma ȧŋthɔ ŋa aŋkas a su mə yi, ka afela abaŋ aŋ wop mi ta Kuru, hali mɔ mə naŋ nə yi thonɔŋ.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.