Luk 8:28 - Ȧŋlemrȧnɛ Ȧfu

²⁸ Ma ɔ nənk Yisɔsȧŋ, ɔ sel ɛrɔŋ, kɔ fumpɔ rodi kɔŋ, ɔwa yi rim rəbana ɔ pa, Ko tȧy tȧŋ i ba tə kəyɔ yi munɔ-ə Yisɔs, munɔ ɔWan ka Kuru ɔBɔli rəkɔm-e? Ɔmari mu, te sɔmpa mi.

Luk 8:28 ပူးပေါင်းရင်းမြစ်များ

Mathiu 8:29

kaŋ sel ɛrɔŋ, aŋ pa, Ko tȧy tȧŋ saŋ sǝ ba yi munɔȧŋ-e, munɔ Yisɔs ɔWan ka Kuru-e? Mǝ po der nɔ tǝ kǝsɔmpa su yeŋka ȧŋlɔkɔ aŋ bek-i?

Luk 8:27

Ma Yisɔs ɔ wur ka ȧŋbil-e, ɔ bəp ulaŋgba ka ro pet ɔwe ba ukərəfi. Ɔwa ɔwoni thɔŋ ɔ yi gbo utiŋ, ɔ yi hɛ rə aseth, ɔ yi gbo ka taboma.

Luk 8:29

Ȧtesoma-e ɔ po yamari ɔkərəfi uləs tə kəwur ka ɔlaŋgba. Kotȧy-e ɔ la gbip kɔ katkat; ka a tand kɔ yi tɔrɛntha yi ɛgbete, kɛrɛ ɔ piməs atɔrɛntha, ɔwa ɔkərəfi ɔ bȧlər kɔ ro wula.

Yeməs 2:19

Munɔ mə lanɛ kəpa Kuru ukin kɔnɔ yi; mə yɔ finɔ, aŋkərəfi sɔ aŋ lanɛ ti, ɔwa aŋ yɛrnɛ.

2 Pitar 2:4

kotȧy-e bepi Kuru ɔ ter hɛ aŋmȧleka maŋ po yɔ ahakɛ-e, kɛrɛ ɔ fitha ŋa ro yahanama, tə kətand ŋa ka tɔrɛntha ka asum, kȧmȧ a bɛnɛ ŋa haŋ ka ȧŋlɔkɔ ŋa karɔk ɛpa.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

Kȧŋȧibinɛ 20:10

Ka a fitha Sethani ɔwe yɛthas ŋa-e ka ȧŋbonka ŋa nȧnt dɛ yi ȧsɔlfɔ, ro ɔsɛm utuy tȧy dɛ yi ɔnȧbi uyem aŋ yi; ɔwa a tə gbaŋar ŋa ri pali gbɛs-əŋ haŋ thȧnkȧŋ thəbana.