Luk 8:13 - Ȧŋlemrȧnɛ Ȧfu

¹³ Ŋaŋ ka aŋgbalaŋ, maŋ təl-e, aŋ malanɛ ȧrim yi məbɔnɛ, kɛrɛ maŋ te ba ɛthənk-e, aŋ lanɛ alɔkɔ agbut gbo; ma aŋgbɔnsanɛ aŋ bek-e, aŋ bȧrȧ kəmuth.

Luk 8:13 ပူးပေါင်းရင်းမြစ်များ

Mark 6:20

Ȧtesoma-e Hɛrɔd ɔ nesa Yɔnȧŋ, ma ɔ tȧrȧ kəpa ɔ yi wuni lompi, ɔwa usəm-e. Kɔ bɛnɛ kɔ. Ma ɔ təlȧ kɔ-e, pə kɛtha kɔ rə ȧmerȧ, kɛrɛ pə bɔnɛ kɔ tə kətəla kɔ.

Luk 8:12

Ŋaŋ ka aroŋ ŋa yi ŋaŋ aŋa təl. Ȧŋlɔkɔ ŋati Sethani ɔ der, ɔ nɔy ȧrim ka ɛmerȧ yaŋ kȧmȧ aŋ te lanɛ, ɔwa aŋ te sɔthɔ kakisi.

Luk 8:14

Ama fumpɔ rə tabaŋk ratɔŋ, mə yi ŋaŋ aŋa po təl. Ɔwa maŋ kɔnɛ ka asoŋ ta ŋaŋ-e, ɛsoli, yi rayola, yi mabɔthi ma ȧdȧru, ɛye bɛ ɛ thiŋkanɛ ŋa, ɔwa aŋ kom hɛ məkomi məgbenthis.

Yɔn 15:2

Ara o ra ro mi aŋa mə te wur məkomi ɔ gbək ŋi; ɔwa ara o ra aŋa mə wur məkomi, ɔ wasər ŋi, kȧmȧ aŋ bȧr wur məkomi.

Yɔn 15:6

Bepi wuni ɔ tiyȧ hɛ ro mi-e, a tə fitha kɔ rokaŋ mɔ ara, ɔwa aŋ wos; ɔwa a thoŋkla ma, a fitha ma ro nȧnt ɔwa a thɔi ma.

Yɔn 5:35

Kɔnɔ yi amotha aŋa gbɛntha finɔ, ɔwa ta alɔkɔ agbut nə selɔ tə kəyasanɛ yi məbɔnɛ ka ȧŋmothȧ ŋɔŋ.

1 AŋKɔrenth 13:2

Hali i ba aŋfɔsɔ tə kənȧbi-e, ɔwa i sɔthnɛ ɛgbundu dɛ yi kətara tȧy bɛ; ɔwa hali i ba kəlanɛ bɛ haŋ thɔŋ i gbəli tɔŋa təteŋ, bepi i ba hɛ məbɔthər-e, i yi hɛ koko.

1 AŋKɔrenth 15:2

Ɔwa kətȧŋȧnɛ kati sɔ nə sɔthɔ kəkisi, bepi nə wop ma ɔbaksər, thambe nə po lanɛ kətiŋ.

AŋKȧletia 3:1

O naŋ aKaletia aŋa te ba kətemp kəbeki-e, kanɛ serəs nu-e kȧmȧ nə te wop tȧteŋ, kədarəŋ ka a po tɔri nu gbafəth kəpa a po tȧŋ Krayst ka akənt kəpəŋkinɛ-e?

AŋKȧletia 3:4

Nə po sɔmpanɛ mȧtȧy məgbȧthi kətiŋ gbo-i, bepi pə yi kətiŋ tə tɛntɛnɛ-i?

AŋƐfisɔs 3:17

kȧmȧ Krayst ɔ gbəli yirȧ ka ɛmerȧ ɛ nu ka kəlanɛ; kȧmȧ pə yi ma nə ba ɛthəŋk yi ɔtəmər ka məbɔthər-e,

AŋKɔlɔsi 1:23

Bepi pə yi gbo-e nə bȧkər asɔbɛ ka kȧlanɛ, ɔwa nə təmȧ kəŋkəŋ abȧki gbaŋ, nə gbapɛ hɛ kagbak ȧmerȧ ka nu ka ȧkɛra kəfinɔ ȧke nə po təl, dɛ yi ȧke a po kawandi ka wuni o wuni nɔru. Ɔwa minɛŋ, Pɔl, a səki mi ukɔtha ka ȧkɛra kati.

AŋKɔlɔsi 2:7

Ta a təmər nu rə kəba ɛthəŋk ɛ nu do rɔŋɔŋ, ɔwa ta nə yi sɔ ȧbȧksər ka kȧlanɛ ka nu, mɔlɔ ma a po thəksa nu rɛ mɔmɔ məgbathi.

1 AŋThɛsȧlonika 3:5

Te ba ti sɔ-e, ma i te sɔ gbəli muyu-e, i som kȧmȧ i gbəli tȧrȧ ta kȧlanɛ ka nu, ta thani rə roŋ o roŋ ɔgbɔns ɔ gbɔns nu haŋ pə yi mapanth ma su mə tiyȧ fu.

1 Timɔthi 1:19

bȧkər ka kȧlanɛ, yi asɔŋ agbəraŋ; ma alɔm aŋ gbapɛ aŋe-e, aŋ po ləsər kȧlanɛ ka ŋaŋ.

AŋHibru 10:39

Kɛrɛ saŋ sə yi hɛ mɔ ŋaŋ aŋa kȧl mədarəŋ, sə yi mɔ ŋaŋ aŋa lanɛ haŋ kəkɔ ka kakisi ka ɛŋesəm yaŋ.

Yeməs 2:26

kotȧy-e mɔ mə ȧŋdɛr aŋ fi bepi aŋ ba hɛ ŋesəm-e, ya pə yi sɔ kəlanɛ kə fi bepi kə ba hɛ məyɔs.

2 Pitar 2:20

Ȧtesoma-e kədarəŋ ka maŋ po wur ka mȧkɔsɔ ma ȧdȧru ta salata kȧtȧrȧ ka ɔMarki ɔKisis Yisɔs Kraystȧŋ, bepi aŋ kȧl sɔ rəfthanɛ ri-e, mȧtəmȧ maŋ mələpsɔ mə tə yi mələs pəthasi mȧtɔtɔkɔ.

2 Pitar 2:22

Kɛrɛ pə yɔnɛ ŋa mɔ mə aŋlomɔ atəteŋ aŋ pa, Antən ɔ kȧl ka maŋant mɔŋ; yi kasɔp ɔwe a po bukɔ-e, ɔ kȧl bəlmanɛ ka ɛpath.

1 Yɔn 2:19

Ŋaŋ aŋ po wur ro su, kɛrɛ aŋ yi hɛ ta ȧtȧ su; kotȧy-e, bepi aŋ yi naŋ ta ȧtȧ su, aŋ tə tiyȧ naŋ ro su: kɛrɛ aŋ wur ro su, kȧmȧ pə tɔrinɛ kəpa ŋa bɛ, aŋ yi hɛ ta ȧtȧ su.

Yud 1:12

Aŋe ŋə yi ɛpora ka amet ma nu ma məbɔthər, ma aŋ di yi ŋaŋ aŋ wɔnthnɛ kəte ba rənes: aŋ yi mɔ ȧkuru kȧbi ȧke te ba kɔm, ȧke aŋfef mə aŋ kera; aŋ yi mɔ yint ɛte ba ɛbɔpər thalɔm məkomi, ɛ fi mȧrəŋ, a po tusi yi.