Luk 7:47 - Ȧŋlemrȧnɛ Ȧfu

⁴⁷ Tiyȧŋ i kanɛ mu, ɛhakɛ yɔŋ ɛyɛ yi ɛgbathi, a po kɔ yi tera, kotȧy-e ɔ bɔthər ɔbana; kɛrɛ ɔwe a tera ɔthan, kɔnɔ bɔthər ɔthan.

Luk 7:47 ပူးပေါင်းရင်းမြစ်များ

Mathiu 10:37

Wuni o wuni ɔwe bɔthǝr ɔkas thalɔm ɔkara pǝthasi minɛȧŋ, ɔ bek hɛ ta ȧtȧ mi. Ɔwa wuni o wuni ɔwe bɔthǝr ɔwan uruni thalɔm ɔwan ubɛra pǝthasi minɛȧŋ, ɔ bek hɛ ta ȧtȧ mi.

Luk 7:39

Ma ɔFaresi ɔwe muti kɔ ɔ nənk ti-e, ɔ fɔfnɛ ka ȧŋmerȧ ŋɔŋ kəpa, Bepi ɔwuni ɔwe ɔ yi unabi-e, ɔ tə tȧrȧ naŋ ko wuni ɔwuni bom ɔwe ɔ yi ɔwe gboŋ kɔ; ɔ tə tȧrȧ kəpa ɔ yi wuni ka ɛhakɛ.

Luk 7:46

Mə sop hɛ rȧbomp ra mi mȧro, kɛrɛ ɔya ɔwe ɔ po sop ȧtȧtək ta mi yi məsopa məfɔlfɔl.

Luk 7:48

kɔ pa ka ɔya, A tera mu ɛhakɛ ɛ mu.

Mȧyɔs ma aŋsom 5:31

Kɔnɔ Kuru ɔ po ŋata ka kȧta kɔŋ kədiɔ tə kəyi uBȧy yi uKisis tə kəsɔŋ Isrɛl kathupi yi kȧlȧprɔ ka ɛhakɛ.

AŋRomans 5:20

A wɔŋ ȧŋthɔ kȧmȧ ahakɛ aŋ bȧrnɛ. Kɛrɛ ro ahakɛ aŋ bȧrnɛ, aboŋa aŋ bȧr gbo bȧrnɛ;

2 AŋKɔrenth 5:14

Ȧtesoma-e, mabɔthər ma Krayst mə korakora su, pəkasifɛ sə thonkas yaŋ, kəpa bepi wuni kin ɔ fi ta afəm bɛ, pə bȧlȧnɛ mɔ ŋa bɛ aŋ po fi.

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

AŋƐfisɔs 6:24

Ta aboŋa aŋ yi dɛ yi ŋa bɛ aŋa bɔthər ɔMarki kȧsu Yisɔs Kraystȧŋ rə ȧmerȧ ȧferȧ. Amina.

AŋFilipai 1:9

Ta ȧte sɔ-e i ramnɛ kȧmȧ mabɔthər ma nu mə gbəli bȧrnɛ haŋ ka kətara dɛ yi kətemp bɛ.

1 Timɔthi 1:14

Ɔwa ȧŋboŋa ŋa ɔMarki kȧsu aŋ yi abana athasər ta ȧtȧ mi, kaŋ sɔŋ mi kȧlanɛ yi mabɔthər ka Krayst Yisɔsȧŋ.

1 Yɔn 1:7

kɛrɛ bepi sə kɔth ka ȧŋmothȧ mɔ kɔnɔ ɔ yi ka ȧŋmothȧ sə ba məmanɛ ukin yi ulɔm, ɔwa mȧtir ma Yisɔs ɔWan kɔŋ mə gbərans su kəwur ka ɛhakɛ bɛ.

1 Yɔn 3:18

Awuth alɔl, maŋ te nu bɔthər ka sim, thalɔm ka məfɔf: kɛrɛ ka məyɔs yi ka tȧteŋ.

1 Yɔn 4:19

Sə bɔthər kɔ, pəkasifɛ kɔnɔ mɔtha bɔthər su.

1 Yɔn 5:3

Mabɔthər ma Kuru mi ame, kȧmȧ sə wop ɛyamari yɔŋ: ɔwa ɛyamari yɔŋ ɛ yi hɛ ɛtui wop.