Luk 7:37 - Ȧŋlemrȧnɛ Ȧfu

³⁷ Ɔwa kəla, wuni bom ɔ yi ka kȧpet, ɔ yi wuni ləs. Ma ɔ tȧrȧ kəpa Yisɔs ɔ yirȧ tə kədi ka ȧŋseth ŋa ɔFarisi-e, ɔ kȧrȧ ȧbithərȧ ŋȧ məsopa məfɔlfɔl,

Luk 7:37 ပူးပေါင်းရင်းမြစ်များ

Mathiu 21:31

Ka ŋa ŋarǝŋ aŋe-e, kanɛ yɔ mȧselɔ ma ɔkas kɔŋ-e? kaŋ pa ro ŋɔŋ, Ɔtɔtɔkɔ. Ka Yisɔsȧŋ ɔ pa ro ŋaŋ, Tɛntɛnɛ i kanɛ nu kǝpa aŋthoŋkla ɛfȧk yi aŋbɛra arǝpi aŋ tǝ mɔtha nu wɔŋ ka rȧbȧy ra Kuru.

Luk 18:13

Kɛrɛ ɔthoŋkla ɛfȧk ɔ təmȧ ɔbɔli poŋ, ɔ selɔ hɛ tə kəlȧkthi ɛfɔr yɔŋ ka ȧriyana, ɔ nap aŋkəpət ŋɔŋ, kɔ pa, Kuru ba mi ȧney, minɛ i yi wuni ləs.

Luk 19:7

Ma aŋfəm aŋ nənk ti-e, ŋa bɛ aŋ fɔfthənɛ aŋ pa, Ɔ po wɔŋ tə kəyianɛ rə wuni ka ɛhakɛ.

Luk 5:30

Kɛrɛ aŋFarisi yi aŋkarmɔkɔ aŋa yi yi ŋaŋ aŋ fɔfəthanɛ ka aŋkarande ŋɔŋ, aŋ pa, To som mə nə di, ɔwa nə mun yi aŋthoŋkla ɛfȧk-e, yi aŋfəm ŋa ɛhakɛ-e?

Luk 5:32

I de hɛ tə kəmuti aŋlompi, i re muti aŋfəm ŋa ɛhakɛ kȧmȧ aŋ thupi.

Luk 7:34

ƆWan ka wuni ɔ der yi kədi dɛ yi kəmunȧŋ, ɔwa nə pa, Kəli, wuni wɔnthi wɔŋ, ɔ ba kəmun kəbana, ɔwa ɔ yi uyathki ka aŋthoŋkla ɛfȧk yi aŋfəm ŋa ɛhakɛ!

Luk 7:36

Ka ukin ka aŋFarisi ɔ muti Yisɔs tə kədi yi kɔnɔ, kɔ wɔŋ ka ȧŋseth ŋa ɔFaresi, ɔ yirȧ tə kədi.

Yɔn 11:2

Meri kɔnɔŋ, ɔwe sop ɔMarki masopa məfɔlfɔl ɔwa ɔ nasi ȧtȧtək tɔŋ yi aŋfon ŋɔŋ, ɔwe ɔwɔnt kɔŋ Lasarɔs ɔ tu.

Yɔn 9:24

AŋFarisi aŋ kȧl tela ɔlaŋgba ɔwe la yi ufith, aŋ pa ro ŋɔŋ, Yikis Kuru: sə tȧrȧ kəpa ɔwuni ɔwe ɔ yi wuni ka ahakɛ.

Yɔn 9:31

Ɔwa sə tȧrȧ kəpa Kurɔŋ ɔ təlȧ hɛ wuni ka ahakɛ; kɛrɛ bepi wuni o wuni ɔ bȧtho Kuru-e, ɔ yɔ mȧselɔ mɔŋ, kɔnɔ mɔ təlȧ.

AŋRomans 5:8

Kɛrɛ Kuru ɔ tɔri mabɔthər mɔŋ ro rɔsu, pəkasifɛ ma sə yi ras afəm ŋa ahakɛ-e, Krayst ɔ fi ta ȧtȧ su.

1 Timɔthi 1:15

Ȧŋpa aŋe aŋ yi abɔthi malanɛ bɛ, ɔbeki ta afəm bɛ tə kəlanɛ, kəpa ye Krayst Yisɔs ɔ der ka ȧdȧru tə kəkisis afəm ŋa ahakɛ; ɔwa minɛ yi ɔbȧy ka ŋaŋ.

1 Timɔthi 1:9

Ma sə tȧrȧ kəpa ȧŋthɔ aŋ yi hɛ ta wuni lompi, kɛrɛ ta ȧtȧ ŋaŋ aŋa te sanɛ-e, ta ante lanɛ, yi ta afəm ŋa ahakɛ-e, ta aŋləsər məsəm-e, yi ta ŋaŋ aŋa mə dif akas yi akara-e, dɛ yi ta adif afəm kəsias-e,

1 Pitar 4:18

Bepi pə yi ɔbaki ta ȧtȧ ŋaŋ aŋa tȧŋ məlompi tə kəkisi-e, reke ɔte lanɛ yi ɔyɔ ahakɛ aŋ gbəli təma-e?