Luk 6:49 - Ȧŋlemrȧnɛ Ȧfu

⁴⁹ Kɛrɛ kɔnɔ ɔwe mə təl, ɔ wop hɛ, ɔ yi mɔ wuni ɔwe təmər aseth ka ȧŋthɔf kəte bɛs. Ma ȧmȧnt məfɔl mə sap ŋi-e, ka ɔlɛmp wati aŋ fumpɔ, ɔwa kafumpɔ ka ȧŋseth ŋati kə yi kəbana.

Luk 6:49 ပူးပေါင်းရင်းမြစ်များ

Mathiu 23:3

Tiyȧŋ mȧtȧy bɛ ama aŋ yamari nu-e, yɔ, ɔwa wop ma nu. Kɛrɛ te nu tansanɛ mȧyɔs maŋ, kotȧy-e aŋ pa kɛrɛ aŋ yɔ hɛ.

Mathiu 24:10

Ɔwa afǝm agbȧthi aŋ tǝ pǝnthbǝla, aŋ tǝ sɔndanɛ, ɔwa aŋ tǝ gbɛŋanɛ.

Mark 4:17

kɛrɛ maŋ te ba ɛthəŋk rokor ka ŋaŋ-e, aŋ muyu ɔthan gbo; kədarəŋ kati bepi mɔnɛ-e, thalɔm asɔmpanɛ aŋ der salata ȧrim, ka ɔlɛmp wati aŋ tə pənthbəla.

Luk 12:47

Ȧŋbɔy ŋati ɔwe tȧrȧ mȧselɔ ma ɔMarki kɔŋ, kɛrɛ ɔ bɛnɛnɛ hɛ, ɔ yɔ hɛ mȧselɔ mɔŋ, a tə sap kɔ ɔgbȧthi;

Luk 19:14

Kɛrɛ aŋkos ŋɔŋ adure aŋ gbɛŋa kɔ, kaŋ som usom kədarəŋ kɔŋ aŋ pa, Sə yema hɛ ɔwuni ɔwe ɔ gbəka su.

Luk 19:27

Kɛrɛ aŋtheranɛ a mi aŋa te yema kȧmȧ i gbəka ŋa, kȧrȧ ŋa nɔ, nə dif ŋa rodi kȧmi.

Luk 6:46

To som nə bont mi, Pa, Pa, kədarəŋ ka nə yɔ hɛ ȧte i kanɛ nu-e?

Luk 6:48

Ɔ yi mɔ wuni ɔwe mə təmər aseth. Ɔ bɛs ɔbɔlɔŋ, ɔ raf ɔtəmər wa ȧŋseth rə agbalaŋ. Ma ȧmȧnt məfɔl mə der-e, mə sap ȧŋseth ŋati, kɛrɛ mə gbəli hɛ yiŋktha ŋi, ȧtesoma-e a po təmər ŋi ɔfinɔ.

Luk 7:1

Ma ɔ po gbanthi kəfɔfanɛ aŋfəm bɛ-e, ɔ wɔŋ ro Kepaniyɔm.

Yɔn 15:2

Ara o ra ro mi aŋa mə te wur məkomi ɔ gbək ŋi; ɔwa ara o ra aŋa mə wur məkomi, ɔ wasər ŋi, kȧmȧ aŋ bȧr wur məkomi.

Mȧyɔs ma aŋsom 20:29

I tȧrȧ kəpa kədarəŋ ka kakɔnɛ kȧmi təthɔlu təbaŋ aŋ tə wɔŋ kətɔŋ ka nu, aŋa mə te ba ȧney ta akuthi.

Mȧyɔs ma aŋsom 26:11

I thalər ŋa ɛlɔkɔ ɛgbathi ka ɛseth ɛgbanɛ, ka i mɛm tə kəyɔ ŋa aŋ ŋanmɛ Kurɔŋ. Ɔwa ma i yi ubaŋ hali ta ȧtȧ ŋaŋ-e, i sɔmpa ŋa haŋ ka təpet tətel.

1 AŋThɛsȧlonika 3:5

Te ba ti sɔ-e, ma i te sɔ gbəli muyu-e, i som kȧmȧ i gbəli tȧrȧ ta kȧlanɛ ka nu, ta thani rə roŋ o roŋ ɔgbɔns ɔ gbɔns nu haŋ pə yi mapanth ma su mə tiyȧ fu.

2 Pitar 2:20

Ȧtesoma-e kədarəŋ ka maŋ po wur ka mȧkɔsɔ ma ȧdȧru ta salata kȧtȧrȧ ka ɔMarki ɔKisis Yisɔs Kraystȧŋ, bepi aŋ kȧl sɔ rəfthanɛ ri-e, mȧtəmȧ maŋ mələpsɔ mə tə yi mələs pəthasi mȧtɔtɔkɔ.

1 Yɔn 2:19

Ŋaŋ aŋ po wur ro su, kɛrɛ aŋ yi hɛ ta ȧtȧ su; kotȧy-e, bepi aŋ yi naŋ ta ȧtȧ su, aŋ tə tiyȧ naŋ ro su: kɛrɛ aŋ wur ro su, kȧmȧ pə tɔrinɛ kəpa ŋa bɛ, aŋ yi hɛ ta ȧtȧ su.