36 Ba ȧney mɔ mə ɔKas ka nu ɔ ba ȧney.
Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.
Tiyȧŋ bɔthər aŋtheranɛ a nu, yɔ ŋa ɔfinɔ, bɔ ŋa kate gbak ȧmerȧ tə kəkal sɔthɔ; ɔwa ȧŋrȧm a nu aŋ tə yi abana, ɔwa nə tə yi aŋwuth ŋa ɔBɔli rəkɔm. Kotȧy-e ɔ yɔ ɔfinɔ ka aŋfisrəwali yi aŋləs.
Te nu thonkas apa, ɔwa a ba hɛ tə kəthoŋkas nu. Te sɔŋ wuni mətheri. Ɔwa a ba hɛ tə kəsɔŋ nu mətheri. Tera, ɔwa a tə tera nu.
Gbapɛ nu ȧmerȧ aroŋkəth-e, rəbaŋ-e, məthɛkɛ-e, kəthoŋka thoŋka dɛ yi ȧmerȧ aləs tətəp bɛ,
Kɛrɛ kȧtemp ka rəbaki ȧke wur rokɔm kətɔtɔkɔ bɛ kə yi kəfera, kədarəŋ kati kə yi kəthɔfəl, kərusəma finɔ, kətuy hɛ nɛmthɛnɛ, kəla ȧney, kəba məkomi məfinɔ, kəte ba agbȧy, kəte ba ayaŋfa.
