Luk 6:30 - Ȧŋlemrȧnɛ Ȧfu

³⁰ Sɔŋ wuni o wuni ɔwe tholir mu, ɔwa ma wuni o wuni ɔ nɔy ɛyɛt ɛ mu-e, te yif kɔ ti sɔ.

Luk 6:30 ပူးပေါင်းရင်းမြစ်များ

Mathiu 18:35

Ya ɔKas kȧmi ro riyana mǝ ɔ yɔ nu sɔ bepi naŋ bɛ nǝ tera hɛ wuni o wuni ɔwɔnt kɔŋ ka ɛmerȧ ɛ nu.

Mathiu 5:39

kɛrɛ minɛȧŋ i pa ro rɔnu, Te kasi mǝlǝs. Bepi wuni o wuni ɔ gbantha mu ka aŋkos ȧdiyɔ-e, lȧfthɛ kɔ aŋlɔm sɔ.

Mathiu 6:12

Tera su mȧtȧy ma su mǝlǝs, mɔ saŋ mǝ sǝ tera ŋaŋ aŋa yɔ su ɔlǝs.

Luk 11:41

Sɔŋ ta ɛboya ɛyɛt ɛyɛ yi rokor, ɔwa kəla, yɛt bɛ ɛ tə yi ɛgbəraŋ ro rɔnu.

Luk 12:33

Thila ɛyɛ nə ba, ɔwa sɔŋ ɛboya ka ȧŋmɔnɛ, bɛmpanɛ nu ɛbuthu ɛyɛ mə te kura, kɛŋ ka ro riyana ȧke mə te poŋ ro ukei ɔ te fat ɔwa amɔrka aŋ te ləsər.

Luk 18:22

Ɔwa ma Yisɔs ɔ təl ti-e, ɔ pa ro ŋɔŋ, Tȧy tin tȧ mə paŋ ras; thila ɛyɛt bɛ ɛyɛ mə ba, mə yerəs yi ka aŋfəm amɔnɛ, ɔwa mə tə sɔthɔ kɛŋ ro riyana. Ɔwa der, mə tȧŋ mi.

Luk 6:29

Ma wuni ɔ gbantha mu ka aŋkos ŋin-e, laŋklia kɔ sɔ aŋlɔm; ɔwa ɔwe mə nɔy aruma ra mu rəbana-e, te bɛnt kɔ aruma ra mu rəratha sɔ.

Luk 6:31

Mɔ mȧ nə yema aŋfəm aŋ yɔ nu yaŋ sɔ mə nə yɔ ŋa.

Luk 6:38

Sɔŋ, ɔwa a tə sɔŋ nu, kəthunth kəfinɔ, kəthiŋkər, kəyinktha, kəloŋ, a tə sɔŋ yi ka mȧta mȧnu. Kotȧy-e, ka aŋthuntha aŋa mə nə thunth-e, ŋa mə a kȧl thuntha nu.

Mȧyɔs ma aŋsom 20:35

I po sɔŋ nu amɔl ka mȧtȧy bɛ, kȧmȧ mɔ mə nə yɔ məpanth mɔ minɛŋ-e, nə yi tə kəmar aŋa te ba afɔsɔ, yi tə kəkala ȧmerȧ ka ȧsim ta ɔMarki Yisɔsȧŋ ma ɔ pa, Kȧsɔŋ kə ba aruba pəthasi kasɔthɔ.

2 AŋKɔrenth 8:9

kotȧy-e nə tȧrȧ ȧŋboŋa ŋa ɔMarki kȧsu Yisɔs Kraystȧŋ, kəpa hali ma ɔ yi uyola-e, salata nu ɔ səkɛ umɔnɛ, kȧmȧ naŋ kətaŋ ka amɔnɛ mɔŋ-e, nə gbəli səkɛ ayola.

AŋƐfisɔs 4:28

Ɔwe la keya, ta ɔ te sɔ keya, kɛrɛ ka ɔpeskianɛ wati ɔ yi tə kəyɔ məpanth yi mȧta mɔŋ gbeŋ ȧtȧ yi təfinɔ, kȧmȧ ɔ ba rəka tə kəsɔŋ kɔn ɔwe te ba koko.