Luk 6:27 - Ȧŋlemrȧnɛ Ȧfu

²⁷ Kɛrɛ ka ŋaŋ aŋa təl i pa, Bɔthər aŋtheranɛ a nu, yɔ ɔfinɔ ka ŋaŋ aŋa mə gbɛŋa nu,

Luk 6:27 ပူးပေါင်းရင်းမြစ်များ

Mark 4:24

kɔ pa ro ŋaŋ, Bot nu rə ȧmerȧ ȧte nə təl. Anthuntha aŋa nə thunth-e, ŋə mə a thuntha nu. Ɔwa a tə kȧl bȧrȧ nu sɔ.

Luk 23:34

Ka Yisɔsȧŋ ɔ pa, ƆKas kȧmi, tera ŋa ȧtesoma-e aŋ tɛ hɛ ȧte mə aŋ yɔ. Kaŋ fak məthəŋ ta ȧsuma tɔŋ.

Luk 6:22

Na aruba, ma afəm aŋ gbɛŋa nu, ɔwa maŋ gbaskinɛ nu, ɔwa aŋ sambos nu, aŋ wurɔ ames ma nu mɔ tȧy tələs salata ɔWan ka wuni.

Luk 6:35

Tiyȧŋ bɔthər aŋtheranɛ a nu, yɔ ŋa ɔfinɔ, bɔ ŋa kate gbak ȧmerȧ tə kəkal sɔthɔ; ɔwa ȧŋrȧm a nu aŋ tə yi abana, ɔwa nə tə yi aŋwuth ŋa ɔBɔli rəkɔm. Kotȧy-e ɔ yɔ ɔfinɔ ka aŋfisrəwali yi aŋləs.

Luk 8:15

Kɛrɛ ama ka ȧŋthɔf afinɔ-e, mə yi ŋaŋ aŋa po təl ȧrim, ɔwa maŋ təl-e, aŋ wop ri ɔbaksər ka tȧteŋ dɛ yi ka ȧmerȧ ȧferȧ, kaŋ kom məkomi rə kəmuyu.

Luk 8:18

Tiyȧŋ bot nu ȧmerȧ ka mȧtəl ma nu, kotȧy-e wuni o wuni ɔwe ba, a tə bȧr sɔŋ kɔ; ɔwa wuni o wuni ɔwe te ba, a tə nɔy kɔ hali ara ɔ ba.

Luk 8:8

Məlɔm mə fumpɔ rə athɔf afinɔ, mə lɔkɔ, mə kom məkomi mɔlɔ ma kɛmɛ kin. Ma Yisɔs ɔ po fɔf mȧtȧy ame-e, ɔ ŋata ȧrim rɔŋ, kɔ pa, Ɔwe ba ɛləns ta ɔ təl.

Mȧyɔs ma aŋsom 10:38

Rə tɔri kəpa Kurɔŋ ɔ reŋ Yisɔsȧŋ ɔwe ro Nasarɛth ɔYina məsəm yi afɔsɔ; ɔ kɔth kɔth dɛr o dɛr kəyɔ ɔfinɔ, ɔ yenkəs aŋfəm bɛ aŋa Sethani mɔ sɔmpa, kotȧy-e Kurɔŋ ɔ yi yi kɔn.

Mȧyɔs ma aŋsom 16:28

Kɛrɛ Pɔlȧŋ ɔ ŋata rim ɔ pa, Te yɔnɛ ɔbaŋ, kotȧy-e saŋ bɛ sə yi nɔ.

Mȧyɔs ma aŋsom 7:60

kɔ sɔ təwu, ɔ wurɔ rim rəbɔli rəkɔm, ɔ pa, Mariki, te botȧ ŋa aŋhakɛ aŋe. Ma ɔ pa ȧte-e ɔ kɔ rə mərey.

AŋKȧletia 6:10

Tiyȧŋ mɔ mȧ sə ba afɛrɛ-e, maŋ yɔ nu ɔfinɔ ta afəm bɛ, ɔwa pə tha gbethi salata ŋaŋ aŋa yi akos a su ka kȧlanɛ.

1 AŋThɛsȧlonika 5:15

Kəli ti nu kȧmȧ wuni o wuni ɔ te kala tələs ta tələs; kɛrɛ tȧŋ nu mȧtȧy məfinɔ lɔkɔ o lɔkɔ ukin ka ulɔm, dɛ yi ka afəm bɛ.

3 Yɔn 1:11

Ɔbɔthər kȧmi, te tansanɛ mələs, kɛrɛ tansanɛ məfinɔ. Ɔwe mə yɔ ɔfinɔ ɔ yi ka Kuru: kɛrɛ ɔwe mə yɔ ɔləs ɔ tha nənk hɛ Kuru.