Luk 6:23 - Ȧŋlemrȧnɛ Ȧfu

²³ Tə pə bɔnɛ nu ka ȧŋrey ŋati, ɔwa pais nu yi məbɔnɛ; ȧtesoma-e ȧŋrȧm a nu aŋ yi abana ro riyana. Kotȧy-e ya aŋkas a ŋaŋ aŋ yɔ aŋnabi.

Luk 6:23 ပူးပေါင်းရင်းမြစ်များ

Mathiu 5:12

Sel nu mǝbɔnɛ, ta pǝ bɔnɛ nu ɔthasǝr, kotȧy-e ȧŋram a nu aŋ yi ȧbana ro riyana; ȧtesoma-e ya a sɔmpa aŋnabi aŋa yi thǝpaŋ.

Luk 1:41

Ka pə re yi ma Elisabɛth ɔ təlȧ aŋkori ŋa Meri-e, kalɛnth ɔ pai rokor kɔŋ, ka ɔYina məsəm ɔ lasər Elisabɛth-əŋ,

Luk 1:44

kotȧy-e ma ȧrim ra aŋkori a mu rə wɔŋ ka ɛləns ɛ mi-e, kalɛnth ɔ pai rokor kȧmi yi məbɔnɛ.

Luk 6:35

Tiyȧŋ bɔthər aŋtheranɛ a nu, yɔ ŋa ɔfinɔ, bɔ ŋa kate gbak ȧmerȧ tə kəkal sɔthɔ; ɔwa ȧŋrȧm a nu aŋ tə yi abana, ɔwa nə tə yi aŋwuth ŋa ɔBɔli rəkɔm. Kotȧy-e ɔ yɔ ɔfinɔ ka aŋfisrəwali yi aŋləs.

Mȧyɔs ma aŋsom 14:10

kɔ pa rə rim rəbana, Təmȧ toloŋ ka ȧtȧtək ta mu. Kɔ pai, ɔ kɔth.

Mȧyɔs ma aŋsom 3:8

kɔ pay, ɔ təmȧ, ɔ təp kəkɔth, ɔ wɔŋ ka ȧŋseth ŋa Kuru yi ŋaŋ, ɔ kɔth kɔth, ɔ pais pais, ɔ thɔkəs Kuru.

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

AŋRomans 5:3

Ɔwa pə yi hɛ gbo yaŋ, kɛrɛ sə sel məbɔnɛ ka ɛsɔmpanɛ ɛ su sɔ, ma sə tȧrȧ kəpa kȧsɔmpanɛ kə tə kom kȧmuyu;

2 AŋKɔrenth 12:10

Tiyȧŋ i ba məbɔnɛ də rəyai-o, rə tənal-o, rə mɔnɛ-o, rə təsɔmpanɛ-o, dɛ yi rə məkɛthanɛ salata Kraystȧŋ, kotȧy-e ma i yi urant-e, ȧŋlɔkɔ ŋati i yi ubaki mədɛr.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

2 Timɔthi 2:12

Bepi sə sɔmpanɛ-e sə tə gbəka sɔ yi kɔn; bepi sə pɛnsa kɔ, kɔnɔ sɔ ɔ tə pɛnsa su.

AŋHibru 11:26

Ɔ nanɛ kəpa kənakasi salata Krayst kə yi rəyola pəthasi atɛŋ bɛ ta ro Iyipt, ȧtesoma-e ɔ kəlianɛ ta ȧŋrȧm aŋa yi ro kəri.

AŋHibru 11:6

Kɛrɛ rə kəte ba kəlanɛ sə gbəli hɛ bɔnɛs Kuru, kotȧy-e ɔwuni ɔwe fatər Kuru-e, thambe ɔ lanɛ kəpa Kuru ɔ yi-e, ɔwa sɔ-e, ɔ tə kȧl rȧm ŋaŋ aŋa thɛns kɔ tə tɛntɛnɛ.

Yeməs 1:2

Aŋwɔnt a mi, ba ti nu məbɔnɛ bepi ɛmɛm ɛgbanthɛ tətəp ɛ bəp nu,

1 Pitar 4:13

Kɛrɛ ba ti məbɔnɛ ma nə ba ȧgbȧp ka ȧŋnȧkȧsi ŋa Krayst, kȧmȧ ma aŋyiki ŋɔŋ aŋ ŋaibinɛ-e, nə tə yasanɛ yi məbɔnɛ məbana.

Kȧŋȧibinɛ 2:17

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham-e, i ti sɔŋ kɔ ȧŋmana ȧmȧnknɛ, dɛ yi i ti sɔŋ kɔ ȧsar ȧferȧ; ɔwa ka aŋsar a tə gbal ȧŋes afu aŋa wuni o wuni ɔ te gbəli tȧrȧ thambe kɔn ɔwe sɔthɔ ŋi.

Kȧŋȧibinɛ 2:26

Ɔwe mə tham-e, ɔwe mə wop ɛyamari ɛ mi haŋ ka ɔthalnɛ, i ti sɔŋ kɔ afɔsɔ rokɔm ka tȧbona bɛ.

Kȧŋȧibinɛ 2:7

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham-e, i ti sɔŋ kɔ tə kədi ka aŋənt ŋa aŋesəm aŋa yi ka ȧŋParadays ŋa Kuru Məsaba.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.

Kȧŋȧibinɛ 3:12

Kɔn ɔwe mə tham-e, i ti yɔ kȧmȧ ɔ yi akər ka ȧŋseth ŋa ɔKuru kȧmi, ɔ ba hɛ sɔ tə kəwur ri. Ɔwa i ti gbal ȧŋes ŋa ɔKuru kȧmi rokɔm kɔŋ, dɛ yi ȧŋes ŋa kȧpet ka ɔKuru kȧmi, ȧke yi mɔ Yerusalɛm kəfu, ȧke thor kəwur ro riyana kəwur ka ɔKuru kȧmi; ɔwa i ti kȧl gbal ȧŋes a mi afu ri.

Kȧŋȧibinɛ 3:5

Ɔwe mə tham-e a tə lonsir kɔ suma təfera, ɔwa i ba hɛ kənasi ȧŋes ŋɔŋ kəwur ka ȧkȧfȧ ka aŋesəm, kɛrɛ i ti gbithanɛ ȧŋes ŋɔŋ rodi ka ɔKas kȧmi dɛ yi ka aŋmȧleka ŋɔŋ.