Luk 4:41 - Ȧŋlemrȧnɛ Ȧfu

⁴¹ Ɔwa aŋkərəfi aləs sɔ aŋ wur rə afəm agbȧthi, aŋ woŋa, aŋ pa, Munɔ mə yi ɔWan ka Kuru; kɔ ŋal ŋa, ɔ selɔyɛ aŋ fɔf ȧtesoma-e aŋ tȧrȧ kəpa kɔnɔ yi ɔKrayst.

Luk 4:41 ပူးပေါင်းရင်းမြစ်များ

Mathiu 26:63

Kɛrɛ Yisɔsȧŋ ɔ tȧnk thǝm. Ka ɔfode ubana ɔ pa ro ŋɔŋ, I yema mu mǝ gbiŋ ka ɔKuru ukǝli kȧmȧ mǝ kanɛ su bepi mǝ yi ɔKrayst ɔWan ka Kuru.

Mathiu 4:3

Ka ɔgbɔns ɔ bek-e, ɔ pa ro ŋɔŋ, Bepi munɔ yi ɔWan ka Kuru-e, yamari kȧmȧ masar ame mǝ sǝkɛ tǝbo.

Mathiu 8:16

Ma rȧfɔy rǝ bek-e, a kȧrȧ kɔ afǝm agbȧthi aŋa ba akǝrǝfi. Kɔ wurɔ aŋkǝrǝfi rǝ rim, ɔ kȧl yeŋkǝs aŋa yi aboma bɛ;

Mathiu 8:29

kaŋ sel ɛrɔŋ, aŋ pa, Ko tȧy tȧŋ saŋ sǝ ba yi munɔȧŋ-e, munɔ Yisɔs ɔWan ka Kuru-e? Mǝ po der nɔ tǝ kǝsɔmpa su yeŋka ȧŋlɔkɔ aŋ bek-i?

Mathiu 8:4

Ka Yisɔsȧŋ ɔ pa ro rɔŋɔŋ, Botnɛ kȧmȧ mǝ te kanɛ ti wuni o wuni, kɛrɛ kɔnɛ mǝ tɔrinɛ ka aŋfode, kȧmȧ mǝ wurɔ asathka ȧte Mosisȧŋ ɔ yamari tǝ kǝyi mǝseri ro ŋaŋ.

Mark 1:25

Kɛrɛ Yisɔs ɔ ŋal kɔ, ɔ pa, Taŋk, wur ro ŋɔŋ.

Mark 1:32

Ka rȧfɔy-e, ma aret rə po wɔŋ-e, aŋ kȧrȧ ro ŋɔŋ afəm atuy bɛ-e, yi aŋa ba akərəfi.

Mark 1:34

kɔ yenkəs afəm agbȧthi aŋa ba tətu tətəp tətəp, ɔ wurɔ akərəfi agbȧthi. Ɔ selɔ hɛ aŋkərəfi aŋ fɔf, kotȧy-e aŋ tȧrȧ kɔ.

Mark 3:11

Ɔwa aŋkərəfi aləs, alɔkɔ o lɔkɔ aŋ nənk kɔ-e, aŋ gbapsa ro thɔf, aŋ woŋa, aŋ pa, ƆWan ka Kuru munɔŋ.

Luk 4:39

kɔ bȧkər kɔ, ɔ ŋal ratu, ka rə ter kɔ. Ka ɔlɛmp wati ɔya ɔ yokanɛ ɔ yɔna ŋa.

Yɔn 20:31

kɛrɛ a gbal ɛye, kȧmȧ nə lanɛ kəpa Yisɔsȧŋ ɔ yi ɔKrayst, ɔWan ka Kuru, ɔwa kȧmȧ bepi nə lanɛ-e, nə tə ba aŋesəm ka ȧŋes ŋɔŋ.

Yeməs 2:19

Munɔ mə lanɛ kəpa Kuru ukin kɔnɔ yi; mə yɔ finɔ, aŋkərəfi sɔ aŋ lanɛ ti, ɔwa aŋ yɛrnɛ.