Luk 4:40 - Ȧŋlemrȧnɛ Ȧfu

⁴⁰ Ma aret rə yema wɔŋ-e, aŋfəm bɛ aŋa ba afəm atuy rə rətu o rətu, aŋ kȧrȧ ŋa ka Yisɔs; ɔ rend mȧta mɔŋ ka ŋa bɛ, ɔ yenkəs ŋa.

Luk 4:40 ပူးပေါင်းရင်းမြစ်များ

Mathiu 11:5

Aŋfith aŋ sɔthɔ kakǝli ka ŋaŋ, aŋtǝtkɛ aŋ kɔth, aŋa ba rǝlel-e, a fethǝr ŋa, aŋtȧŋȧ aŋ tǝl, a yokas aŋfi-e, ɔwa a tɔri ȧkɛra kǝfinɔ ka Kuru ka ȧŋmɔnɛ.

Mathiu 14:13

Ma Yisɔsȧŋ ɔ tǝl ti-e, ɔ gbasi abil, kɔ kɔ rǝ dɛr ɔyeŋ. Ma aŋfǝm aŋ tǝl ti-e, aŋ tȧŋ kɔ ro gbaŋ kǝwur ka tapet.

Mark 3:10

ȧtesoma-e ɔ po yenkəs agbȧthi. Tiyȧŋ ŋa bɛ aŋa ba tətu aŋ fumpər kɔ kȧmȧ aŋ gboŋ kɔ.

Mark 5:23

ɔ nɛmthɛnɛ kɔ ɔthasər, ɔ pa, Ɔwan kȧmi ubɛra ɔ yema fi, ɔmari mu, der kȧmȧ mə deŋ kɔ mȧta ma mu, kȧmȧ ɔ kȧl yeŋk, ɔwa ɔ kəli.

Mark 6:5

Ɔwa ɔ gbəli hɛ yɔ məyɔs məbana ri, ɔ deŋ gbo mȧta mɔŋ rə aboma athȧn, ɔ yenkəs ŋa.

Mȧyɔs ma aŋsom 19:12

haŋ a kera ɛgbasa yi atotha ka aŋtuy kəwur ka ȧŋdɛr ŋa Pɔl, ɔwa tatu tə gbapɛ ŋa, ɔwa aŋkərəfi aləs aŋ wur ŋa.

Mȧyɔs ma aŋsom 5:15

haŋ a wurɔ aŋboma ka asoŋ ta rokaŋ, a bot ŋa rə təfənt yi ɛgbatha, kȧmȧ bepi Pitaŋ ɔ thas-e, hali gbo amumpəl ŋɔŋ aŋ tə gbəpər alɔm.