Luk 4:18 - Ȧŋlemrȧnɛ Ȧfu

¹⁸ ƆYina ka ɔMarki ɔ rensa mi, Pəkasifɛ ɔ po səməs mi tə kətɔri ȧkɛra kəfinɔ ka Kuru ka ȧŋmɔnɛ. Ɔ som mi tə kətaməs kasəli ka atɛndɛbira, Yi kakal kəli ka aŋfith, Tə kəsɔŋ rȧwankom ka aŋa a thiŋkər rə afɔsɔ rəkɔm.

Luk 4:18 ပူးပေါင်းရင်းမြစ်များ

Mathiu 11:5

Aŋfith aŋ sɔthɔ kakǝli ka ŋaŋ, aŋtǝtkɛ aŋ kɔth, aŋa ba rǝlel-e, a fethǝr ŋa, aŋtȧŋȧ aŋ tǝl, a yokas aŋfi-e, ɔwa a tɔri ȧkɛra kǝfinɔ ka Kuru ka ȧŋmɔnɛ.

Mathiu 12:18

Kǝla, ȧŋbɔy a mi ɔwe i po thith, Ɔbɔthǝr kȧmi ka ɔwe ȧŋmerȧ a mi aŋ ba mǝbɔnɛ. I ti bot ɔYina kȧmi ro ŋɔŋ, Ɔwa ɔ tǝ tɔri mǝlompi ka tȧbona tǝlɔm.

Mathiu 12:20

Ɔ ba hɛ kǝsim kǝthȧnkɛ kǝnulȧ, Ɔ ba hɛ kǝdimsi awik aŋa mǝ wur kimȧ, Haŋ ɔ somrȧ kǝthoŋkas tǝ kǝtham.

Mathiu 4:16

Aŋfǝm aŋa yirȧ ka ȧŋsum Aŋ nənk kǝwalɛ kǝbana; Ɔwa kǝwalɛ kǝ put ro ŋaŋ Aŋa yirȧ ka ɔdɛr yi ka ȧŋmumpǝl ŋa rǝfi.

Mathiu 5:3

Aruba ŋaŋ aŋa yi amɔnɛ rǝ ȧmerȧ, kotȧy-e ŋa ba rȧbȧy ra ro riyana.

Luk 4:17

Ka a sɔŋ kɔ ȧkȧfȧ ka Isaya tə kəkaraŋ. Ɔ kanthi ki, kɔ bəp ɔdɛr rə a gbal kəpa,

Luk 6:20

kɔ ŋata ɛfɔr yɔŋ ka aŋkarande ŋɔŋ, ɔ pa, Naŋ amɔnɛ nə ba aruba, kotȧy-e na ba rȧbȧy ra Kuru.

Luk 7:22

Ka Yisɔs ɔ wosȧnɛ ŋa ɔ pa, Kɔnɛ nu, ɔwa tɔri Yɔn mȧtȧy ama nə po nənk yi ama nə po təl; aŋfith aŋ sɔthɔ kakəli ka ŋaŋ, aŋgbɛthkɛ aŋ kɔth, aŋa ba arom a fethər ŋa, aŋtȧŋȧ aŋ təl, aŋfi aŋ kȧl yi akəli, ɔwa a tɔri ȧkɛra kəfinɔ ka Kuru ka ȧŋmɔnɛ.

Yɔn 1:41

Ɔ mɔtha bəp ɔwɔnt kɔŋ Saymɔn, kɔ pa ro ŋɔŋ, Sə po fir ɔMɛsaya (aŋa a tepa Krayst).

Yɔn 12:46

I der mɔ amotha ka ȧdȧru, kȧmȧ wuni o wuni ɔwe mə lanɛ mi-e, ɔ ba hɛ tə kətia ka ȧŋsum.

Yɔn 3:34

kotȧy-e, kɔnɔ ɔwe Kuru ɔ som ɔ tə fɔf ȧsim ta Kuru: ȧtesoma-e Kurɔŋ ɔ thuntha hɛ kɔ ɔYina.

Mȧyɔs ma aŋsom 10:38

Rə tɔri kəpa Kurɔŋ ɔ reŋ Yisɔsȧŋ ɔwe ro Nasarɛth ɔYina məsəm yi afɔsɔ; ɔ kɔth kɔth dɛr o dɛr kəyɔ ɔfinɔ, ɔ yenkəs aŋfəm bɛ aŋa Sethani mɔ sɔmpa, kotȧy-e Kurɔŋ ɔ yi yi kɔn.

Mȧyɔs ma aŋsom 26:18

tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.

Mȧyɔs ma aŋsom 4:26

aŋbȧy ŋa ȧdȧru aŋ bɛnɛnɛ ɛsəfa, Ɔwa aŋgbəka aŋ thoŋklanɛ dɛr rɔkin, Tə kəŋamnɛ ɔMarki yi ɔKrayst kɔŋ;

Mȧyɔs ma aŋsom 4:27

ȧtesoma-e ka təteŋ ka kȧpet ake pə yi hɛ gbo Hɛrɔdȧŋ yi Pɔntiɔs Paylet son, kɛrɛ təbona təlɔm yi aŋfəm ŋa Isrɛl sɔ, aŋ po thoŋklanɛ tə kəkȧsi Yisɔsȧŋ ȧŋBɔy a mu usəm ɔwe mə po pɔlɔ

AŋKɔlɔsi 1:13

ɔwe po wurɔ su ka aŋfɔsɔ ŋa asum, kɔ po wɔŋȧ su ka rȧbȧy ra ɔWan ka mabɔthər mɔŋ.

Yeməs 2:5

Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?

1 Pitar 2:9

Kɛrɛ naŋ nə yi ȧbɔnshɔ ȧthith, rəfode ra rȧbȧy, abona asəm, afəm agbaskɛ; kȧmȧ nə taməs akori kori ŋa ɔKuru ɔwe po tela nu tə kəwur ka ȧŋsum kəkɔ ka kawalɛ kɔŋ kəkabanɛ.