Luk 3:11 - Ȧŋlemrȧnɛ Ȧfu

¹¹ kɔ wosȧnɛ ŋa ɔ pa, Kɔnɔ ɔwe ba suma tərəŋ, ta ɔ sɔŋ ɔwe te ba-e, ɔwa kɔnɔ ɔwe ba ra rədi ta ɔ tansanɛ yi.

Luk 3:11 ပူးပေါင်းရင်းမြစ်များ

Mathiu 25:40

Ɔwa ɔbȧy ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ po yɔ yi ka ukin ka aŋwɔnt mi-e, hali aŋlɔl lɔl aŋe-e, nǝ po yɔ ti ro rɔmi.

Luk 11:41

Sɔŋ ta ɛboya ɛyɛt ɛyɛ yi rokor, ɔwa kəla, yɛt bɛ ɛ tə yi ɛgbəraŋ ro rɔnu.

Luk 18:22

Ɔwa ma Yisɔs ɔ təl ti-e, ɔ pa ro ŋɔŋ, Tȧy tin tȧ mə paŋ ras; thila ɛyɛt bɛ ɛyɛ mə ba, mə yerəs yi ka aŋfəm amɔnɛ, ɔwa mə tə sɔthɔ kɛŋ ro riyana. Ɔwa der, mə tȧŋ mi.

Luk 19:8

Sakiɔs ɔ təmȧ ɔ pa ka ɔMarki, Pa, i gbai ɛyɛt ɛ mi ratɔŋ tə kəsɔŋ aŋfəm amɔnɛ. Bepi i po nɔy rəka rə wuni o wuni rə yaŋfa, i ti kala kɔ amɔlɔ mati manlɛ.

Yɔn 13:29

Aŋkarande alɔm aŋ nanɛ kəpa ma Yudasȧŋ ɔ ba aŋgbaŋfa, Yisɔsȧŋ ɔ kanɛ kɔ, Way ɛyɛt ɛyɛ sə yema ta amet; thalɔm kȧmȧ ɔ sɔŋ rəka ka ȧŋmɔnɛ.

Mȧyɔs ma aŋsom 10:2

Wuni bȧtho Kuru wɔŋ ɔwe nesa Kuru yi kabɔr kɔŋ bɛ, ɔ sɔŋ ɛboya ɛgbathi ka aŋfəm, ɔwa ɔ ramnɛ Kuru lɔkɔ o lɔkɔ.

Mȧyɔs ma aŋsom 10:31

kɔ pa, Kɔrniliɔs, a təlȧ karamnɛ ka mu, ɔwa Kurɔŋ ɔ nanɛ ɛboya ɛ mu.

Mȧyɔs ma aŋsom 10:4

Ɔwa kɔnɔŋ, ma ɔ kəli kɔ təŋ-e, ɔ nesa ɔ pa, Pa, ko rəka-e? kɔ pa ro ŋɔŋ, Taramnɛ ta mu yi ɛboya ɛ mu ɛ po bek ka Kuru ta ananɛ ta ȧtȧ mu.

AŋƐfisɔs 4:28

Ɔwe la keya, ta ɔ te sɔ keya, kɛrɛ ka ɔpeskianɛ wati ɔ yi tə kəyɔ məpanth yi mȧta mɔŋ gbeŋ ȧtȧ yi təfinɔ, kȧmȧ ɔ ba rəka tə kəsɔŋ kɔn ɔwe te ba koko.

1 Timɔthi 6:17

Maŋ ŋaŋ aŋa ba rəyola ka ȧdȧru are kȧmȧ aŋ te ba kəbonɛ tȧy, ɔwa kȧmȧ aŋ te gbak ȧmerȧ ka rayola ara ba kəpoŋ, kɛrɛ ka ɔKuru ukəli, ɔwe po sɔŋ su tȧy o tȧy təfinɔ ta mabɔnɛ ma su.

1 Timɔthi 6:18

Maŋ ŋa kȧmȧ aŋ yɔ təfinɔ, dɛ yi kȧmȧ aŋ yi ayola ka mȧyɔs məfinɔ dɛ yi tɛmp tɛmp tə kəsɔŋ ɛboya.

AŋHibru 6:10

kotȧy-e, Kuru ɔ ba hɛ məkənə tə kəpənɛ mapanth ma nu ma mȧbɔthər ama nə poŋ tɔri salata ȧŋes ŋɔŋ, ma nə po mar aŋfəm ŋɔŋ, ɔwa nə kȧl mar ŋa sɔ haŋ ka-ake.

Yeməs 1:27

Kakɔth ka aroŋ da Kuru kətəteŋ ȧke te ba apora ro der kəri ka ɔKuru dɛ yi ɔKas kȧsu ki ake, tə kənanɛ ante ba kas yi ȧŋbora ka ȧŋsɔmpanɛ a ŋaŋ, yi tə kəbɛnɛ ȧŋmerȧ ŋɔŋ kəte ba apora ka ȧdȧru.

Yeməs 2:14

Ko kə naŋfas-e, aŋwɔnt a mi, bepi wuni ɔ pa ɔ ba kəlanɛ, kɛrɛ mȧyɔs mɔŋ mə tɔri hɛ ki-e? Kȧlanɛ kati kə tə gbəli kisis kɔ-i?

1 Yɔn 3:17

Kɛrɛ bepi wuni o wuni ɔ nənk ɔwɔnt kɔŋ ɔ paŋi ɔwa ɔ bȧksər ȧŋmerȧ ŋɔŋ, ɔ sɔŋ hɛ kɔ, kədarəŋ ka kɔnɔ ɔ ba ɛyɛt ya ȧdȧru are, to mabɔthər ma Kuru mə tiyȧ ro ŋɔŋ-e?

1 Yɔn 4:20

Bepi wuni o wuni ɔ pa ɔ bɔthər Kuru, kɛrɛ ɔ gbɛŋa ɔwɔnt kɔŋ-e, ɔ yi uyem; kotȧy-e ɔwe te bɔthər ɔwɔnt kɔŋ ɔwe ɔ po nənk, to mɔ gbəli bɔthər Kuru ɔwe ɔ te tha nəŋk-e?