44 kɔ pa ro rɔŋaŋ, Ȧsim ta mi ti ȧte, ȧte i la kanɛ nu ka ȧŋlɔkɔ aŋa i yi ras yi naŋȧŋ kəpa mȧtȧy bɛ mə ba tə kəlasər ama a gbal ta ȧtȧ mi ka aŋthɔ ŋa Mosis, yi ka aŋnabi, yi ka ȧŋSams.
Pəkasifɛ ɔ thəksa aŋkarande ŋɔŋ, ɔ pa ro ŋaŋ, A tə lȧnki ɔWan ka wuni ka mȧta ma aŋfəm, ka aŋ tə dif kɔ; bepi a po dif kɔ-e, kədarəŋ ka mərey məsas ɔ tə kȧl yokanɛ.
kotȧy-e i kanɛ nu kəpa, ȧte ȧtȧ a gbal-e, a ba kəlasər ti ro rɔmi kəpa, Ɔwa, a kuluŋ kɔ yi aŋfəm aləs; kotȧy-e ȧte a po pa ta ȧtȧ mi-e, tə ba kəgbenthis.
kəpa Kuru ɔ po lasər ŋi ka aŋwuth a su ma ɔ yokas Yisɔsȧŋ; mɔ mə a gbal ti sɔ ka ȧŋSam aŋa bekȧ yɛrəŋ, Munɔ mə yi ɔWan kȧmi uruni; ka ȧŋrey aŋe kə i kom mu.
Te ba ti kȧbi ȧŋthɔ aŋ ba gbo ȧŋmumpəl ŋa mȧtȧy məfinɔ ama ba kəder-e, beta aŋ ba mȧtȧy mati məgbenthis-e, aŋ gbəli hɛ yɔ kȧmȧ thȧnkȧŋ asathka ȧtȧ a sɔŋ kəren o kəren tə gbenthis ŋaŋ aŋa fatər.
Ka i sanɛ ka ȧtatək tɔŋ tə kəbatho kɔ, kɛrɛ ɔ pa, Te yɔ yi, minɛŋ sɔ i yi ukos mu ȧbɔy, dɛ yi ukos ka aŋwɔnt mu aŋa ba maseri ma Yisɔs. Bȧtho Kuru, kotȧy-e maseri ma Yisɔs mə yi aŋyina ŋa kanabi.