Luk 24:36 - Ȧŋlemrȧnɛ Ȧfu

³⁶ Ɔwa mɔ mə aŋ fɔf mȧtȧy ame-e, Yisɔsȧŋ kɔn kɔnɔnɛ ɔ təmȧ kətɔŋ ka ŋaŋ, kɔ pa ro rɔŋaŋ, Ta məthɔfəl mə yi ro rɔnu.

Luk 24:36 ပူးပေါင်းရင်းမြစ်များ

Mathiu 10:13

Bepi ȧŋseth aŋ yi afinɔ-e, yɔ mathɔfǝl ma nu mǝ rensa ŋi, kɛrɛ bepi aŋ yi hɛ afinɔ-e, yɔ mathɔfǝl ma nu mǝ kȧl ro nu.

Mark 16:14

Kədarəŋ kati ɔ tɔrinɛ sɔ ka aŋtɔfɔt ukin ma aŋ yirȧ ka kədi, kɔ fɔfər ŋa ta kate lanɛ ka ŋaŋ yi kagbolŋanɛ ka ɛmerȧ yaŋ pəkasifɛ aŋ lanɛ hɛ ŋa aŋa po nənk kɔ kədarəŋ ka kȧyokanɛ kɔŋ ka rafi.

Luk 10:5

Rə aseth o seth mə nə wɔŋ-e, mɔtha pa, Ta məthɔfəl mə yi ka ȧŋseth aŋe.

Yɔn 14:27

Məthɔfəl i tiyȧ nu, mathɔfəl ma mi i sɔŋ nu: i sɔŋ hɛ nu mɔ mə ȧdȧru rə sɔŋ nu. Ta ɛmerȧ ɛ nu ɛ te nu sɔmpa, thalɔm ɛ te nesa.

Yɔn 16:33

I po fɔfȧnɛ nu mȧtȧy ame bɛ, kȧmȧ nə ba məthɔfəl ro mi. Ka ȧdȧru nə tə ba asɔmpanɛ: kɛrɛ bȧk nu təbuth, i po tham ȧdȧru.

Yɔn 20:26

Kədarəŋ ka mərey tamthərɛsas-e aŋkarande aŋ kȧl sɔ yi ka ȧŋseth, ɔwa Thɔmɔsȧŋ ɔ yi yi ŋaŋ: ka Yisɔsȧŋ ɔ der, hali ma tadare tə yi tətaŋ, ɔ təmȧ ŋa kətɔŋ, ɔ pa, Ta məthɔfəl mə yi ro nu.

Mȧyɔs ma aŋsom 1:3

Ka aŋa sɔ ɔ tɔrinɛ ukəli kədarəŋ ka kanakasi kɔŋ, rə məseri məgbəraŋ məgbathi rə ɛlɔkɔ ɛgbaskɛ, ka mərey təgba tərəŋ-e, ɔwa ɔ fɔf ta rȧbȧy ra Kuru.

1 AŋKɔrenth 15:5

Ka Kifas ɔ nənk kɔ, ɔwa kədarəŋ kati antɔfɔt ŋarəŋ sɔ.

1 AŋKɔrenth 15:7

Kədarəŋ kati ɔ tɔrinɛ ka Yeməs dɛ yi kədarəŋ kati ka aŋsom bɛ.

2 AŋThɛsȧlonika 3:16

Kaŋka ɔMarki gbeŋ ka məthɔfəl ɔ sɔŋ nu məthɔfəl lɔkɔ o lɔkɔ rə tȧy o tȧy. Ta ɔMarki ɔ yi dɛ yi naŋ bɛ.

Kȧŋȧibinɛ 1:4

Yɔn, ka ɛchɔch tȧmthədɛrəŋ ya ro Asia. Ta aboŋa aŋ yi do rɔnu, yi məthɔfəl kəwur ka kɔn ɔwe yi, dɛ yi ɔwe la yi, dɛ yi ɔwe yi tə kəder; yi ka ɛyina tȧmthədɛrəŋ ɛyɛ yi rodi ka kawaŋ ka rȧbȧy rɔŋ;