Luk 23:34 - Ȧŋlemrȧnɛ Ȧfu

³⁴ Ka Yisɔsȧŋ ɔ pa, ƆKas kȧmi, tera ŋa ȧtesoma-e aŋ tɛ hɛ ȧte mə aŋ yɔ. Kaŋ fak məthəŋ ta ȧsuma tɔŋ.

Luk 23:34 ပူးပေါင်းရင်းမြစ်များ

Mathiu 11:25

Ka ȧŋlɔkɔ ŋati Yisɔsȧŋ ɔ pa, I mɔmɔ mu, ɔKas ɔMarki ka ro riyana yi ȧdȧru, pǝkasifɛ mǝ po maŋk mȧtȧy ame ka aŋtempi yi aŋtara tȧy, ɔwa mǝ ŋaibi ma ka tǝlɛnth.

Mathiu 11:26

Aŋko, ɔKas, ȧtesoma-e ya pǝ yi ɔfinɔ ka kakǝli ka mu.

Mathiu 5:44

Kɛrɛ minɛȧŋ i pa ro nu, Bɔthǝr aŋtheranɛ a nu, ɔwa ramnɛ nu ta ȧtȧ ŋaŋ aŋa sɔmpa nu,

Mark 15:24

Maŋ po tȧŋ kɔ ka akənt kəpəŋkinɛ-e, aŋ yeranɛ ȧsuma tɔŋ, aŋ fak məthəŋ ta ti, tə kətara ara wuni o wuni mɔ ba.

Luk 22:42

ɔ pa, Pa, bepi mə selɔ-e, tɔŋa ampɔthi aŋe ro mi, kɛrɛ ta pə te yi mȧselɔ ma mi, kɛrɛ ama mu mə yɔnɛ.

Yɔn 17:9

I ramnɛ taŋ, i ramnɛ hɛ ta ȧdȧru, kɛrɛ ta ŋaŋ aŋa mə po sɔŋ mi; pəkasifɛ munɔ ba ŋa:

Yɔn 19:11

Yisɔsȧŋ ɔ pa, Mə ba hɛ afɔsɔ rokɔm kȧmi thambe a sɔŋ mu ŋi kəwur rokɔm: tiyȧŋ ɔwe sɔnd mi ro mu, ɔ ba mətheri pəthasi munɔ.

Mȧyɔs ma aŋsom 16:28

Kɛrɛ Pɔlȧŋ ɔ ŋata rim ɔ pa, Te yɔnɛ ɔbaŋ, kotȧy-e saŋ bɛ sə yi nɔ.

Mȧyɔs ma aŋsom 3:17

Kɛrɛ ka-ake awɔnt a mi i tȧrȧ kəpa nə yɔ ti rə kəte tȧrȧ, mɔ mə aŋgbəka a nu sɔ aŋ yɔ.

Mȧyɔs ma aŋsom 7:60

kɔ sɔ təwu, ɔ wurɔ rim rəbɔli rəkɔm, ɔ pa, Mariki, te botȧ ŋa aŋhakɛ aŋe. Ma ɔ pa ȧte-e ɔ kɔ rə mərey.

AŋRomans 12:14

Ruba ŋaŋ aŋa sɔmpa nu; ruba gbo thɔŋ, te nu raŋka.

1 AŋKɔrenth 2:8

Ugbəka o gbəka ka ȧdȧru are ɔ tɛ hɛ ki, pəkasifɛ bepi aŋ po tȧrȧ ki aŋ gbəli hɛ naŋ tȧŋ ɔMarki ka ayiki ka akənt kəpəŋkinɛ.

1 AŋKɔrenth 4:12

Ka sə thɔrɔ, sə yɔ məpanth yi mȧta ma su; ma a nal su, sə ruba; ma a sɔmpa su, sə muyu;

1 Timɔthi 1:13

minɛ ɔwe la yi wuni ŋamnɛ Kurɔŋ dɛ yi wuni thalər aŋchɔch, ka i la ləsər ɛpa yɔŋ bɛ. Kɛrɛ i po sɔthɔ ȧney pəkasifɛ i yɔ ti ka kȧte tȧrȧ yi kȧte lanɛ.

1 Pitar 3:9

Te nu kala ɔləs ta ɔləs, thalɔm kənal ta kənal; kɛrɛ kala aruba, pəkasifɛ nə tȧrȧ kəpa a po muti nu tə kəsɔthɔ aruba.