Luk 23:2 - Ȧŋlemrȧnɛ Ȧfu

² kaŋ təp kəgbanthir kɔ, aŋ pa, Sə bəp ɔwuni ɔwe ɔ yɛthəs ȧŋbona a su, ɔwa ɔ bɛnt aŋfəm tə kəsɔŋ ɛfȧk ka Sisar, kɔ pa kɔn kɔnɔnɛ ɔ yi ɔKrayst ɔbȧy.

Luk 23:2 ပူးပေါင်းရင်းမြစ်များ

Mathiu 17:27

Kɛrɛ kȧmȧ sǝ te yɔ ŋa aŋ pǝnthbǝla-e, kɔnɛ ro baŋ mǝ fitha anǝmp, liŋ kalop ɔwe mɔtha der. Ma mǝ po kanthi kasǝŋ kɔŋ-e mǝ tǝ fir ri akala. Gbasi ŋi ɔwa sɔŋ ŋa ta ȧtȧ mi yi ta ȧtȧ mu.

Mathiu 22:21

kaŋ pa ro ŋɔŋ, Sisarȧŋ. Kɔ pa ro ŋaŋ, Ɔwa sɔŋ nu Sisarȧŋ mȧtȧy ma Sisar, ɔwa sɔŋ nu Kuru mȧtȧy ma Kuru.

Mathiu 27:11

Ka Yisɔsȧŋ ɔ tǝma rodi ka ɔgbǝka, ka ɔgbǝka ɔ yif kɔ, ɔ pa, Munɔ yi ɔbȧy ka aŋYuda-i? Ka Yisɔsȧŋ ɔ pa ro ŋɔŋ, Munɔ mǝ po ti thɔ pa.

Mark 12:17

Ka Yisɔsȧŋ ɔ pa ro ŋaŋ, Sɔŋ Sisar ɛyɛt ɛyɛ yi ta Sisar, yi ka Kuru ɛyɛt ɛyɛ yi ta Kuru. Ka aŋ kabanɛ kɔ ɔthasər.

Mark 15:2

Ka Payletȧŋ ɔ yif kɔ, Munɔ yi ɔbȧy ka aŋYuda-i? kɔ wosa kəpa, Ya mə pa.

Luk 23:14

kɔ pa ro ŋaŋ, Nə po kȧrȧ mi ɔlaŋgba ɔwe mɔ wuni ɔwe yɛthəs aŋfəm; ɔwa kəla, ma i gbɛŋgbɛŋ kɔ rodi ka nu-e, i fir hɛ ro rɔŋɔŋ mȧtȧy məwunɔŋ ama nə gbanthir kɔ.

Luk 23:5

Kɛrɛ aŋ bȧsər gbanthir kɔ aŋ pa, Ɔ thayos aŋfəm mɔ mɔ thəksa ro Yudia bɛ, kətəp ro Kalili haŋ ka ɔdɛr ɔwe.

Yɔn 18:29

Tiyȧŋ Payletȧŋ ɔ wur ro ŋaŋ, ɔ yif, Ko agbanthir nə gbanthir ɔlaŋgba ɔwe-e?

Yɔn 18:30

Aŋ wosa kəpa, Bepi ɔ yi hɛ wuni ləs-e, sə gbəli hɛ lȧnki kɔ ro mu.

Yɔn 19:12

Kəbi ka ȧŋlɔkɔ ŋati Payletȧŋ ɔ thɛns tə kəsəli kɔ; kɛrɛ aŋYuda aŋ woŋa, aŋ pa, Bepi mə səli ɔlaŋgba ɔwe-e, mə yi hɛ uyathki ka Sisar: wuni o wuni ɔwe səkinɛ ubai-e, ɔ pɛnsa Sisarȧŋ.

Mȧyɔs ma aŋsom 24:13

Ɔwa aŋ gbəli hɛ tɔri mu tȧteŋ ta mȧtȧy ama a gbanthir mi.

Mȧyɔs ma aŋsom 24:5

kotȧy-e sə po fir ɔlaŋgba ɔwe kəyi wuni ləs, ɔwa ɔ fak ɛtotok kətɔŋ ka aŋYuda bɛ ka ȧdȧru, ɔ yi sɔ ubaki ka kagbanth ka aŋNasarɛth.

AŋRomans 13:7

Tiyȧŋ sɔŋ wuni o wuni ara yi arɔŋ; athaks ka ɔwe mar sɔthɔ athaks, ɛfȧk ka ɔwe mar sɔthɔ ɛfȧk. Nesa nu ɔwe nə yi tə kənesa, ɔwa yikis nu ɔwe nə yi tə kəyikis.