Luk 23:14 - Ȧŋlemrȧnɛ Ȧfu

¹⁴ kɔ pa ro ŋaŋ, Nə po kȧrȧ mi ɔlaŋgba ɔwe mɔ wuni ɔwe yɛthəs aŋfəm; ɔwa kəla, ma i gbɛŋgbɛŋ kɔ rodi ka nu-e, i fir hɛ ro rɔŋɔŋ mȧtȧy məwunɔŋ ama nə gbanthir kɔ.

Luk 23:14 ပူးပေါင်းရင်းမြစ်များ

Mathiu 27:19

Ma ɔ yirȧ ka kawaŋ ka kǝthoŋkas-e, ɔrani kɔŋ ɔ somǝr kɔ, kɔ pa, Te ba tȧy o tȧy tǝ kǝyɔ ɔlaŋgba ulompi ɔwɔŋ, kotȧy-e i sɔmpanɛ mətȧy mǝgbathi thonɔŋ rǝ kǝwɔrǝp ta sala tɔŋ.

Mathiu 27:24

Ka Pailatȧŋ ma ɔ nənk kǝpa ɔ gbǝli hɛ koko-e, kɛrɛ atotok aŋ tǝp kǝfumpɔ-e, ɔ gbasi mȧnt ɔ yak mȧta mɔŋ rodi ka ȧruniya bɛ, ɔ pa, Minɛ min paŋi tȧy ka mȧtir ma ɔwuni lompi ɔwe. Kǝlɛnɛ ti nu.

Mathiu 27:4

ɔ pa, I po yɔ ahakɛ pǝkasifɛ i po sɔnd mǝtir mǝpaŋi tȧy. Kɛrɛ ŋaŋ, aŋ pa, To ȧte tǝ yi ro rɔsu-e? Munɔ ba kǝkǝlȧnɛ ti.

Mathiu 27:54

Ɔkaptin yi ŋaŋ aŋa yi yi kɔnɔȧŋ aŋa bumǝr Yisɔsȧŋ, maŋ nənk kayɛr ka aŋthɔf-e yi mȧtȧy ama yɔnɛ-e, aŋ nesa ɔthasǝr aŋ pa, Tɛntɛnɛ ɔwe ɔ yi ɔWan ka Kuru.

Mȧyɔs ma aŋsom 13:28

Hali maŋ te fir kɔ ubeki dif-e, aŋ nɛmthɛnɛ Paylet kȧmȧ a dif kɔ.

Mȧyɔs ma aŋsom 17:11

Ɔwa aŋe aŋ yi afəm atal pəthasi ŋaŋ aŋa yi ro Thɛsalonika, kotȧy-e aŋ malanɛ ȧrim yi ɛmerȧ ɛselɔ, aŋ gbɛŋgbɛŋ mȧgbal ma Kuru ȧrey o rey, kȧmȧ aŋ tȧrȧ bepi mȧtȧy ame mə yi tȧteŋ.

AŋHibru 7:26

kotȧy-e, ɔbeki su tə kəba ufode ubana mɔ ɔwe-e, ɔwe yi usəm-e, upaŋi yaŋfa-e, ugbəraŋ-e; ɔwe yi ugbaskɛ ka afəm ka ahakɛ, dɛ yi ɔwe a ŋata ɔbɔli rəkɔm pəthas kȧriyana.