Luk 20:21 - Ȧŋlemrȧnɛ Ȧfu

²¹ kaŋ yif kɔ aŋ pa, Karmɔkɔ, sə tȧrȧ ti kəpa mə fɔf ɔwa mə thəksa ɔlompi, mə yɔ hɛ agbȧy ka wuni o wuni, kɛrɛ mə thəksa aroŋ ra Kuru təteŋ.

Luk 20:21 ပူးပေါင်းရင်းမြစ်များ

Mathiu 22:16

kaŋ som aŋkarande ŋaŋ yi aŋHerodian ro ŋɔŋ, aŋ pa, Karmɔkɔ sǝ tȧrȧ kǝpa mǝ yi utǝteŋ, ɔwa mǝ thǝksa aroŋ da Kuru tǝteŋ. Mǝ ba hɛ agbȧy kotȧy-e mǝ kǝli hɛ ȧder ra wuni.

Mark 12:14

Maŋ bek-e, aŋ pa ro ŋɔŋ, Karmɔkɔ sə tȧrȧ kəpa munɔŋ mə yi təteŋ, mə nesa hɛ wuni o wuni, mə kəli hɛ wuni to ȧŋdɛr ŋɔŋ aŋ yi, mə thəksa aroŋ da Kuru ka tȧteŋ. Ɔlompi ti tə kəfaka Sisarȧŋ, thalɔm pə lomp hɛ-i?

Luk 20:20

kaŋ səth kɔ, ɔwa aŋ som atombəla aŋa yɔ mɔ afəm alompi kȧmȧ aŋ gbəli gbip tapa tɔŋ, kȧmȧ aŋ lȧnki kɔ ka aŋfɔsɔ ŋa ɔgbəka.

Luk 20:22

Pə yi ɔlompi ta ȧtȧ su tə kəsɔŋ ɛfȧk ka Sisar-i, thalɔm pə lomp hɛ-i?

Yɔn 3:2

Ɔwe ɔ der ka Yisɔs tȧtȧk, ɔ pa ro ŋɔŋ, Karmɔkɔ, sə tȧrȧ kəpa mə yi ukarmɔkɔ kəwur ka Kuru: ȧtesoma-e wuni o wuni ɔ gbəli hɛ yɔ ɛmisali ɛyɛ munɔ mə yɔ-e, thambe Kurɔŋ ɔ yi yi kɔn.

2 AŋKɔrenth 2:17

kotȧy-e sə yi hɛ mɔ agbȧthi aŋa mə ləsər ȧrim ra Kuru, kɛrɛ sə fɔf ta Krayst rɛ ȧmerȧ ȧferȧ mɔ anthith ŋa Kuru ka kȧbəprȧnɛ kɔŋ.

AŋKȧletia 1:10

kotȧy-e minɛ i thɛns mamari ma afəm thalɔm Kuru-i? Thalɔm i mɛm tə kəbɔnɛs afəm-i? Bepi minɛ i thesanɛ gbo afəm-e, i yi hɛ ȧŋbɔy ŋa Krayst.

AŋKȧletia 2:6

Kɛrɛ kəwur ka ŋaŋ aŋa a lɔm mɔ afəm abana bana, (toto ŋa yi, tə ba hɛ mi tȧy o tȧy, Kuru ɔ malanɛ hɛ ader ra wuni), i pa gbo ŋaŋ aŋa a lɔm mɔ afəm abana bana, aŋ bȧr hɛ mi tȧy o tȧy təfu.