Luk 2:14 - Ȧŋlemrȧnɛ Ȧfu

¹⁴ Ta Kuru ɔwe yi rokɔm ɔ ba ayiki, Ta məthɔfəl mə yi nɔru ka aŋfəm aŋa mə thesis kɔ.

Luk 2:14 ပူးပေါင်းရင်းမြစ်များ

Mathiu 21:9

Ka ȧsuniya ȧte yi kɔ rodi yi ŋaŋ aŋa tȧŋ kɔ, aŋ sel ɛrɔŋ, kaŋ pa, Hosana ka ɔwan ka Debid. Uruba wɔŋ ɔwe der ka ȧŋes ŋa ɔMarki, Hosana ka rokɔm kɔm bɛ!

Luk 1:79

Tə kəsɔŋ kəwalɛ ka ŋaŋ aŋa yirȧ ka ȧŋsum yi ka aŋfɔyr ŋa rəfi, Tə kəkora ȧtȧtək ta su ka aroŋ ra məthɔfəl.

Luk 19:38

kaŋ pa, Ubȧy uruba wɔŋ ɔwe mə der ka ȧŋes ŋa ɔMarki; məthɔfəl ro riyana, ɔwa yiki rokɔm kɔm.

Luk 2:13

Ka ɔlɛmp wati runiya ra aŋyama ŋa ro riyana rə yi yi ɔmaleka, rə thɔkəs Kuru, rə pa,

Luk 2:15

Ma aŋmȧleka aŋ wur ro ŋaŋ aŋ kȧlanɛ ro riana-e, aŋtɔl ɛsɛm aŋ pa kətɔŋ ka ŋaŋ, Maŋ kɔ nu ro Bɛthlihɛm kȧmȧ sə nənk ȧtȧy ȧte ȧtȧ po yɔnɛ, ȧte ɔMarki ɔ po tɔri su.

Luk 3:22

ka ɔYina məsəm ɔ thor ɔ ba adɛr mɔ kəpərəm, kɔ rensa kɔ, ɔwa rim rə wur ka ȧkuru ara pa, Munɔ yi ɔWan kȧmi ubɔthər; mə thesis ȧŋmerȧ a mi finɔ.

Yɔn 14:27

Məthɔfəl i tiyȧ nu, mathɔfəl ma mi i sɔŋ nu: i sɔŋ hɛ nu mɔ mə ȧdȧru rə sɔŋ nu. Ta ɛmerȧ ɛ nu ɛ te nu sɔmpa, thalɔm ɛ te nesa.

Yɔn 17:4

I po yikis mu nɔru, ma i pons mapanth ama mə sɔŋ mi tə kəyɔ.

Yɔn 3:16

Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Mȧyɔs ma aŋsom 10:36

Ȧrim ara ɔ som ka aŋwuth ŋa Isrɛl ara tɔri ȧkɛra kəfinɔ ka məthɔfəl ka kȧta ka Yisɔs Kraystȧŋ (kɔnɔ yi ɔMarki ka bɛ);

AŋRomans 5:1

Tiyȧŋ ma sə po sɔthɔ məmari kətȧŋȧnɛ ka kȧlanɛ-e, sə ba məthɔfəl yi Kurɔŋ salata Yisɔs Krayst ɔMarki kȧsu,

AŋƐfisɔs 1:6

ka kȧthɔkəs ka aŋyiki ŋa ȧŋboŋa ŋɔŋ aŋa ɔ po sɔŋ su kəyaŋkaŋ kətȧŋȧnɛ ka ɔwe ɔ bɔthər.

AŋƐfisɔs 1:9

ma ɔ poŋ tɔri su aŋgbundu ŋa mȧselɔ mɔŋ, mɔ mə mȧselɔ mɔŋ məfinɔ mə yi ama ɔ ba ka aŋyɛthɛ ŋɔŋ.

AŋƐfisɔs 2:4

Kɛrɛ Kuru ɔwe ba ȧney abana-e, kəwur ka mabɔthər mɔŋ məbana ama ɔ po bɔthər su-e,

AŋƐfisɔs 2:7

kama-e, ka ɛlɔkɔ ɛyɛ ba kəder-e, ɔ gbəli tɔri rayola ra ȧŋboŋa ŋɔŋ abana kətȧŋȧnɛ ka mathɔth mɔŋ ta ȧtȧ su rokor ka Yisɔs Kraystȧŋ.

AŋFilipai 2:11

kȧmȧ kəsəŋ o kəsəŋ kə seri kəpa Yisɔs Krayst ɔ yi ɔMarki ka aŋyiki ŋa Kuru ɔKas.

AŋFilipai 2:13

kotȧy-e Kuru kɔnɔ mə yɔ məpanth rokor ka nu kȧmȧ nə yema-e, ɔwa nə kȧl lasər mȧselɔ mɔŋ məfinɔ.

AŋKɔlɔsi 1:20

Ɔwa sɔ-e, kətaŋ do rɔŋɔŋ-e, ɔKas ɔ botəs kȧmȧ rəka o rəka rə kȧl manɛ dɛ yi kɔn, ma ɔ po kȧrȧ məthɔfəl ka mȧtir ma akənt kəpəŋkinɛ kɔŋ; yao, kətȧŋȧnɛ do rɔŋɔŋ, pə yi ɛyɛt ya ȧdȧru-e, thalɔm ɛyɛt ya ro riyana.

2 AŋThɛsȧlonika 2:16

Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,

Kȧŋȧibinɛ 5:13

Ka rəka o rəka bɛ ro riyana, yi ka ȧdȧru, yi ratha ka ȧdȧru, yi ro bȧŋ, dɛ yi koko bɛ ara yi ri, i təl ma aŋ pa-e, Aruba-o, ayiki-o, kȧthɔkəs-o, dɛ yi aŋfɔsɔ ɛ yi do rɔŋɔŋ ɔwe yirȧ ka kawaŋ ka rȧbȧy, yi ka kaLɔmɛ kəfɛth thȧnkȧŋ o thȧnkȧŋ.