Luk 2:11 - Ȧŋlemrȧnɛ Ȧfu

¹¹ kotȧy-e a po koma nu thonɔŋ ka kȧpet ka Debid uKisis ɔwe yi Krayst ɔMarki.

Luk 2:11 ပူးပေါင်းရင်းမြစ်များ

Mathiu 1:16

ka Yekɔbȧŋ ɔ kom Yosɛf ɔwos ka Meri ɔwe kom Yisɔsȧŋ, ɔwe a bont Krayst.

Mathiu 1:21

Ɔ tǝ kom wath uruni. Ɔwa mǝ yi tǝ kǝbont kɔ ŋes Yisɔs, kotȧy-e kɔnɔ mǝ kisis aŋfǝm ŋɔŋ ka ɛhakɛ yaŋ.

Mathiu 16:16

Ka Saymɔn Pitarȧŋ ɔ lasi, ɔ pa, Munɔ yi ɔKrayst, ɔWan ka ɔKuru ukǝli.

Mathiu 16:20

kɔ yamari aŋkarande ŋɔŋ kȧmȧ aŋ te tɔri wuni o wuni kǝpa kɔnɔ yi ɔKrayst.

Luk 1:43

Reke ȧte tə wurər mi-e, soma ɔkara ka ɔMarki kȧmi mɔ der ro rɔmi-e?

Luk 1:69

Ɔ po sɔŋ uKisis ubana ta ȧtȧ su Ka ȧŋseth ŋa Debid ȧŋbɔy ŋɔŋ.

Luk 2:26

Ɔyina məsəm ɔ po tɔri kɔ kəpa ɔ ba hɛ tə kənəŋk rəfi haŋ ɔ po nənk ɔKrayst ka ɔMarki.

Luk 2:4

Yosɛfȧŋ sɔ ɔ wur ro Nasarɛth ka ȧŋthɔf ŋa ro Kalili, ɔ kɔ ro Yudiya ka kȧpet ka Debid ȧke a bont Bɛthlihɛm, ȧtesoma-e ɔ yi ka ȧŋseth yi ȧŋbɔnshɔ ŋa Debid,

Yɔn 1:41

Ɔ mɔtha bəp ɔwɔnt kɔŋ Saymɔn, kɔ pa ro ŋɔŋ, Sə po fir ɔMɛsaya (aŋa a tepa Krayst).

Yɔn 1:45

Filipȧŋ ɔ bəp Nathaneɛl, kɔ pa ro ŋɔŋ, Sə po fir kɔ, ta ɔwe Mosisȧŋ ka aŋthɔ, yi Aŋnȧbi aŋ gbal, Yisɔs ɔwe ro Nasarɛth, ɔwan ka Yosɛf.

Yɔn 11:27

Ɔ lasi ɔ pa, Aŋko, Pa; i lanɛ kəpa munɔ mə yi ɔKrayst, ɔWan ka Kuru, ɔwe yi tə kəder ka ȧdȧru.

Yɔn 20:31

kɛrɛ a gbal ɛye, kȧmȧ nə lanɛ kəpa Yisɔsȧŋ ɔ yi ɔKrayst, ɔWan ka Kuru, ɔwa kȧmȧ bepi nə lanɛ-e, nə tə ba aŋesəm ka ȧŋes ŋɔŋ.

Yɔn 4:25

Ɔbɛra ɔ pa ro ŋɔŋ, I tȧrȧ kəpa Mɛsayaŋ ɔ tə der, ɔwe a bont Krayst; bepi ɔ po der ɔ tə kanɛ su mȧtȧy bɛ.

Yɔn 4:42

aŋ pa ka ɔbɛra, Ka ake sə lanɛ, pə yi hɛ salata tapa ta mu; kotȧy-e saŋ sə po təlȧ kɔ, ɔwa sə tȧrȧ kəpa təteŋ ɔwe ɔ yi ɔKrayst ɔKisis ka ȧdȧru.

Yɔn 6:69

Ɔwa sə po lanɛ ɔwa sə tȧrȧ kəpa munɔŋ mə yi ɔSəm ka Kuru.

Yɔn 7:41

Afəm alɔm aŋ pa, Ɔ yi ɔKrayst. Kɛrɛ alɔm aŋ pa, Hɔ, ɔKrayst ɔ tə wur ro Kalili-i?

Mȧyɔs ma aŋsom 10:36

Ȧrim ara ɔ som ka aŋwuth ŋa Isrɛl ara tɔri ȧkɛra kəfinɔ ka məthɔfəl ka kȧta ka Yisɔs Kraystȧŋ (kɔnɔ yi ɔMarki ka bɛ);

Mȧyɔs ma aŋsom 13:23

Ɔwa Kurɔŋ mɔ mɔ po lahiri, ɔ sɔŋ Isrɛl ka rȧkomra ra ɔwuni ɔwe, uKisis, Yisɔs.

Mȧyɔs ma aŋsom 17:3

ama ɔ yɛksi gbəraŋ, kɔ tɔri kəpa Krayst a ba tə kənakasi, dɛ yi tə kəkal yokanɛ ka aŋfi. Kɔ pa, Yisɔsȧŋ ɔwe ta ɔwe i tɔri nu, kɔnɔ ɔ yi ɔKrayst.

Mȧyɔs ma aŋsom 2:36

Tiyȧŋ ta ȧŋseth ŋa Isrɛl bɛ aŋ tȧrȧ tɛntɛnɛ kəpa, Yisɔs ɔwe gbeŋ, ɔwe nə po tȧŋ ka akənt kəpəŋkinɛ-e, Kuru ɔ po səki kɔ ɔMarki yi ɔKrayst.

Mȧyɔs ma aŋsom 5:31

Kɔnɔ Kuru ɔ po ŋata ka kȧta kɔŋ kədiɔ tə kəyi uBȧy yi uKisis tə kəsɔŋ Isrɛl kathupi yi kȧlȧprɔ ka ɛhakɛ.

1 AŋKɔrenth 15:47

Ɔwuni utɔtɔkɔ ɔ wur ka ȧŋthɔf, wuni ka kəbof wɔŋ; kɛrɛ ɔwe bekȧ ŋarəŋ ɔ yi ɔMarki ɔwe wur ro riyana.

AŋFilipai 2:11

kȧmȧ kəsəŋ o kəsəŋ kə seri kəpa Yisɔs Krayst ɔ yi ɔMarki ka aŋyiki ŋa Kuru ɔKas.

AŋFilipai 3:8

Ya pə yi, i dim koko bɛ salata ɔfinɔ ɔbaki mɔlɔ wa kətara Yisɔs Krayst ɔMarki kȧmi; ɔwa ta atɔŋ i poŋ dim mȧtȧy bɛ, ka i nənk ma mɔ ɛka ya amuruŋ kȧmȧ i gbəli sɔthɔ Krayst,

AŋKɔlɔsi 2:6

Tiyȧŋ mɔ mə nə po malanɛ Krayst Yisɔs ɔMarki, yaŋ nə yi tə kəkɔth sɔ do rɔŋɔŋ.

1 Yɔn 4:14

Ɔwa saŋ sə po nənk ka sə seri ti kəpa ɔKas ɔ po somra ɔWan tə kəyi ɔKisis ka ȧdȧru.

1 Yɔn 5:1

Wuni o wuni ɔwe mə lanɛ kəpa Yisɔs ɔ yi ɔKrayst a kom kɔ ka Kuru: ɔwa wuni o wuni ɔwe mə bɔthər ɔkomra ɔ bɔthər sɔ kɔn ɔwe ɔ po kom.