Luk 18:7 - Ȧŋlemrȧnɛ Ȧfu

⁷ Ɔwa Kuru mɔ thonkas hɛ aŋthith ŋɔŋ aŋa mə kulir kɔ pali gbɛs hali ɔ muyu ŋa haŋ-i?

Luk 18:7 ပူးပေါင်းရင်းမြစ်များ

Mathiu 24:22

Ɔwa thambe a gbǝŋki mȧrey mati-e, wuni o wuni ɔ ba hɛ kǝkisi; kɛrɛ salata aŋthith ŋa Kuru a tǝ gbǝŋki mȧrey mati.

Mathiu 24:24

kotȧy-e aKrayst ayem yi anȧbi ayem aŋ tǝ yokanɛ, aŋ tǝ tɔri ɛmisali ɛbana yi mətȧy mǝkabanɛ, kȧmȧ a yɛthǝs aŋthith ŋa Kuru bepi pǝ fɔi tȧy.

Mathiu 7:11

Bepi naŋ ma nǝ yi alǝs-e, nǝ tȧrȧ kǝsɔŋ ɛboya ɛfinɔ ka aŋwuth a nu-e, pǝ tha gbethi ɔKas ka nu ɔwe yi ro riyana mǝ ɔ sɔŋ hɛ ɛyɛt ɛfinɔ ka ŋaŋ aŋa mǝ tholir kɔ-i?

Luk 11:13

Bepi naŋ, ma nə yi aləs-e, nə tȧrȧ tə kəsɔŋ ɛboya ɛfinɔ ka aŋwuth a nu-e, thamsinɛ ɔKas ka nu ɔwe yi ro riana-e, ɔ tə sɔŋ ɔYina məsəm ka ŋaŋ aŋa mə yif kɔ-i?

Luk 2:37

Ɔ tiyȧ ubora təren təgba tanlɛ təren tanlɛ. Ɔya ɔwe ɔ gbapɛ hɛ ȧŋseth ŋa Kuru, kɛrɛ ɔ bȧtho Kuru gbɛs pali-əŋ, rə kəramnɛ yi kəwop asum.

Luk 21:28

Kɛrɛ bepi mȧtȧy ame mə təp kəyɔnɛ-e, lakthɛ nu, ɔwa ŋata tabomp ta nu, kotȧy-e kabani ka nu kə po fat.

AŋRomans 8:33

Kanɛ mə gbanthir aŋfəm ŋa Kuru ta tȧy o tay-e? Pə yi Kuru ɔwe mə sɔŋ məmari.

AŋKɔlɔsi 3:12

Te ba ti, mɔ anthith ŋa Kuru, asəm dɛ yi abɔthər-e, wɔŋ nu ȧŋmerȧ ŋa ȧney, məthɔth, ȧmerȧ athoranɛ, athɔfəl, dɛ yi kəmuyu kəwoni.

1 AŋThɛsȧlonika 3:10

Ma pə yi-e i ramnɛ sɔbɛ gbɛs pali-əŋ kȧmȧ sə gbəli nənk aser ta nu, kȧmȧ sə gbəli gbenthis ara nə te ba ka kȧlanɛ ka nu.

2 AŋThɛsȧlonika 1:6

Kȧbi Kuru ɔ nənk ti ɔlompi tə kəsɔŋ asɔmpanɛ ka ŋaŋ aŋa sɔmpar nu-e.

1 Timɔthi 5:5

Ma pə yi-e ubora tə tɛntɛnɛ ɔwe tiyȧ fu, ɔ gbak ȧmerȧ ka Kuru, kɔ bȧsər nɛmthɛnɛ yi kəramnɛ gbɛs pali-əŋ,

2 Timɔthi 1:3

I mɔmɔ Kuru ɔwe mɛ bȧtho rɛ ȧmerȧ agbəraŋ, mɔ aŋbemba a mi aŋ po yɔ, ɔwa gbɛs pali-əŋ i nanɛ mu ka taramnɛ ta mi.

2 Timɔthi 2:10

Tiyȧŋ i muyu tȧy o tȧy salata aŋfəm ŋa Kuru kȧmȧ ŋa sɔ aŋ gbəli sɔthɔ kakisi ȧke yi ka Krayst yi ayiki thəbana.

Taytɔs 1:1

Pɔl ȧbɔy ŋa Kuru, dɛ yi usom ka Yisɔs Kraystȧŋ tə kəbaksər kȧlanɛ ka anthith ŋa Kuru, dɛ yi tə kətɔri tȧteŋ ȧtȧ yi ka ranes ra Kuru.

1 Pitar 1:1

Pita usom ka Yisɔs Krayst, ka anthith aŋa po sakanɛ ro Pɔntɔs, ro Kaletia, ro Kapadosia, ro Asia yi ro Bithiniya,

2 Pitar 3:9

ƆMariki ɔ yi hɛ uyai tə kəbɛnɛ aŋlahiri ŋɔŋ mɔ afəm alɔm mə aŋ pa rəyai, kɛrɛ ɔ ba kəmuyu kəwoni ta ȧtȧ su, ma pə yi ɔ yema hɛ wuni o wuni ɔ dinɛ kɛrɛ kȧmȧ ŋa bɛ aŋ re thupi.

Kȧŋȧibinɛ 18:20

Sel məbɔnɛ ta ti, munɔ kȧriyana rɛ na asəm, yi na asom, dɛ yi anȧbi; pəkasifɛ Kuru ɔ po thonkas kəŋamnɛ kɔ ta ȧtȧ nu.

Kȧŋȧibinɛ 6:10

kaŋ gbelegbele aŋ pa, ƆMariki usəm, dɛ yi utəteŋ, to pə ba tə kəwon sɔ-e yeŋka mə thonkas tə kəkala mȧtir ma su ka ŋaŋ aŋa yi ka ȧdȧru-e?

Kȧŋȧibinɛ 7:15

Tiyȧŋ aŋ yi rodi ka kawaŋ ka rȧbȧy ra Kuru, kaŋ bȧtho kɔ pali gbɛs-əŋ ka ȧŋseth ŋa Kuru; ɔwa kɔn ɔwe yirȧ ka kawaŋ-e, ɔ tə fɔlnɛ ŋa.