22 Ɔwa ma Yisɔs ɔ təl ti-e, ɔ pa ro ŋɔŋ, Tȧy tin tȧ mə paŋ ras; thila ɛyɛt bɛ ɛyɛ mə ba, mə yerəs yi ka aŋfəm amɔnɛ, ɔwa mə tə sɔthɔ kɛŋ ro riyana. Ɔwa der, mə tȧŋ mi.
Ka Yisɔsȧŋ ɔ pa ro ŋɔŋ, Bepi mǝ yema yi ugbenthis-e, kɔnɛ mǝ thila ara mǝ ba, ɔwa mǝ sɔŋ ȧŋmɔnɛ. Mǝ tǝ ba kɛŋ ro riyana, ɔwa der, mǝ tȧŋ mi.
Kɛrɛ tȧy tin gbo mə paŋ, ɔwa Meri ɔ po thith ȧte yi təfinɔ, ȧtȧ mə a te kɔ nɔy.
Thila ɛyɛ nə ba, ɔwa sɔŋ ɛboya ka ȧŋmɔnɛ, bɛmpanɛ nu ɛbuthu ɛyɛ mə te kura, kɛŋ ka ro riyana ȧke mə te poŋ ro ukei ɔ te fat ɔwa amɔrka aŋ te ləsər.
Ka i pa ro nu, Sekəranɛ nu rəyathki yi rayola rəkansoŋ, kȧmȧ bepi rə poŋ-e, a tə malanɛ nu ka ɛseth ya thəbana.
kɔ pa, I po wop mȧtȧy ame bɛ kȧbi ka rafɛth ra mi.
Kɛrɛ ma ɔ təl mȧtȧy ame-e, ɔ saŋ amɔl abana, kotȧy-e uyola ubana wɔŋ.
Ka Yisɔs ɔ pa ka ŋa bɛ, Bepi wuni o wuni ɔ yema tȧŋ mi-e, ta ɔ kasisnɛ, ɔ gbasi akənt kɔŋ kəpəŋkinɛ ȧrey o rei, ɔ tȧŋ mi.
Awɔnt, i nanɛ hɛ kəpa i po thɔŋ wop ma ɔgbenthis-e, kɛrɛ ȧtȧy tin tȧ mɛ yɔ, i pənɛ tȧy o tȧy ȧtȧ yi rodarəŋ, ka i bȧsər asɔbɛ tə kəberɔkɔ-e,
Kɛrɛ abɔthər, te pənɛ ȧtȧy tin ȧte kəpa ye ȧrey ŋin dɛ yi ɔMarki aŋ yi mɔ təren awul ŋin, yi təren awul ŋin tə yi mɔ ȧrey ŋin.