Luk 18:19 - Ȧŋlemrȧnɛ Ȧfu

¹⁹ Ka Yisɔs ɔ pa ro ŋɔŋ, kɔyɛŋ mȧ mə bont mi uthɔth-e? Uthɔth ulɔm ɔ yi hɛ thambe Kuru.

Luk 18:19 ပူးပေါင်းရင်းမြစ်များ

Luk 1:35

Ka ɔmaleka ɔ pa ro ŋɔŋ, ɔYina məsəm ɔ tə thorər mu, aŋfɔsɔ ŋa ɔBɔli rəkɔm aŋ tə gbəpər mu. Tiyȧŋ arəka rəsəm ara mə tə re kom-e, a tə bont kɔ, ɔWan ka Kuru.

Luk 11:13

Bepi naŋ, ma nə yi aləs-e, nə tȧrȧ tə kəsɔŋ ɛboya ɛfinɔ ka aŋwuth a nu-e, thamsinɛ ɔKas ka nu ɔwe yi ro riana-e, ɔ tə sɔŋ ɔYina məsəm ka ŋaŋ aŋa mə yif kɔ-i?

Luk 18:18

Ɔwa urəbomp ulɔm ɔ yif kɔ, ɔ pa, Karmɔkɔ uthɔth, to mə i yɔ kȧmȧ i sɔthɔ aŋesəm thəbana-e?

Luk 18:20

Mə tata ɛyamari, Te yɔ kərəp, te dif, te keya, te sɔŋ məseri ma rəyem, yikis ɔkas ka mu yi ɔkara ka mu.

1 Timɔthi 3:16

Ɔwa tɛntɛnɛ kəte ba ȧthonka, aŋgbundu abɔlɔŋ ŋa andina a su ŋe yi abana; Kuru ɔ tɔrinɛ ka ȧŋdɛr ŋa wuni kəpet, ka ɔYina məsəm ɔ sɔŋ kɔ məmari, ka amaleka aŋ nənk kɔ, ka a kawandi ȧkɛra kɔŋ ka tȧbona təlɔm, ka a lanɛ kɔ ka ȧdȧru, ka a kȧl malanɛ kɔ rokɔm rə ayiki abana.

AŋHibru 7:26

kotȧy-e, ɔbeki su tə kəba ufode ubana mɔ ɔwe-e, ɔwe yi usəm-e, upaŋi yaŋfa-e, ugbəraŋ-e; ɔwe yi ugbaskɛ ka afəm ka ahakɛ, dɛ yi ɔwe a ŋata ɔbɔli rəkɔm pəthas kȧriyana.

Yeməs 1:17

Aboya o boya afinɔ, yi aboya o boya agbenthis aŋ wur rokɔm, aŋ thor kəwur ka ɔKas ka ȧŋmothȧ, ɔwe te ba məfəlɛ fəlɛ, thalɔm amumpəl ŋa kəsiŋkar.