Luk 18:13 - Ȧŋlemrȧnɛ Ȧfu

¹³ Kɛrɛ ɔthoŋkla ɛfȧk ɔ təmȧ ɔbɔli poŋ, ɔ selɔ hɛ tə kəlȧkthi ɛfɔr yɔŋ ka ȧriyana, ɔ nap aŋkəpət ŋɔŋ, kɔ pa, Kuru ba mi ȧney, minɛ i yi wuni ləs.

Luk 18:13 ပူးပေါင်းရင်းမြစ်များ

Mathiu 10:3

Filipȧŋ, Barthɔlɔmiyuȧŋ, Thɔmɔsȧŋ yi Mathyɔŋ, ɔthonkla ɛfȧk. Yemǝsȧŋ, ɔwan ka Alfiɔs, yi Thȧdiyɔsȧŋ.

Mathiu 6:5

Ɔwa ma nǝ ramnɛ-e, te nu yi mɔ ȧŋmunafȧki, kotȧy-e aŋ bɔther kǝtǝma ka ɛseth ɛgbanɛ yi ka asoŋ tǝsakanɛ kȧmȧ aŋfǝm aŋ nənk ŋa. Tɛntɛnɛ i kanɛ nu, aŋ po sɔthɔ ȧŋrȧm ŋaŋ.

Mathiu 9:13

Kɛrɛ kɔnɛ nu kȧmȧ nǝ kɔ thǝkǝs ȧte, I yema ȧney, sathka thahɔ; ȧtesoma-e i der hɛ tǝ kǝmuti aŋlompi-e, kɛrɛ i der tǝ kǝmuti aŋfǝm ŋa ɛhakɛ tǝ kǝthupi.

Mark 11:25

Ɔwa alɔkɔ o lɔkɔ bɛ nə təmȧ rə kəramnɛ-e, bepi nə ba tȧy o tȧy yi wuni, tera kɔ; kȧmȧ ɔKas ɔwe yi ro riyana ɔ tera nu mȧyɔs ma nu mələs.

Luk 17:12

Ma ɔ wɔŋ ka kagbɔm kəlɔm-e, alaŋgba tɔfɔt aŋa ba arom aŋ gbanɛ kɔ, aŋ təmȧ ɔbɔli poŋ.

Luk 22:41

kɔ bɔlȧnɛ ŋa mɔlɔ ma kəlɔm ȧsar, ɔ sɔ təwu, ɔ ramnɛ,

Luk 23:48

Ka ȧsuniya bɛ ȧtȧ thoŋklanɛ tə kənəŋk ȧte-e ma aŋ nənk mȧtȧy ama po yɔnɛ-ɛ, aŋ kȧlanɛ yi kətuŋ ɛkəpət yaŋ.

Luk 5:8

Ma Saymɔn Pita ɔ nənk ȧte-e, ɔ gbəpsa ka tawu ta Yisɔs, ɔ pa, Sək ro mi ɔMarki, ȧtesoma-e minɛ wuni ka ɛhakɛ wɔŋ.

Mȧyɔs ma aŋsom 2:37

Ɔwa maŋ təl ȧte-e, tə sɔs tabuth taŋ, ka aŋ pa ka Pita yi ka aŋsom alɔm, Awɔnt, to mə sə yɔ-i?

AŋRomans 5:8

Kɛrɛ Kuru ɔ tɔri mabɔthər mɔŋ ro rɔsu, pəkasifɛ ma sə yi ras afəm ŋa ahakɛ-e, Krayst ɔ fi ta ȧtȧ su.

2 AŋKɔrenth 7:11

Kotȧy-e kəli atȧy gbeŋ ȧtesom a yɔ nu nə saŋ ȧmɔl mɔ pə thesanɛ Kuru, ko ȧsoli abana ŋaŋ aŋ yi rokor ka nu-e, əŋko, ko agbȧkȧnɛ ŋaŋ-e, əŋko, ko məbaŋ maŋ-e, əŋko, ko kənesa kaŋ-e, əŋko, ko kəbosinɛ kaŋ-e, əŋko, ko kəyenkəs kaŋ-e, əŋko, ko akalɔ ŋaŋ-e.

1 Timɔthi 1:15

Ȧŋpa aŋe aŋ yi abɔthi malanɛ bɛ, ɔbeki ta afəm bɛ tə kəlanɛ, kəpa ye Krayst Yisɔs ɔ der ka ȧdȧru tə kəkisis afəm ŋa ahakɛ; ɔwa minɛ yi ɔbȧy ka ŋaŋ.

AŋHibru 4:16

Tiyȧŋ maŋ der nu yi təbuth təbaki ka kawaŋ ka rȧbȧy ra ȧŋboŋa-e, kȧmȧ sə gbəli sɔthɔ ȧney, dɛ yi kəmar ka ȧŋlɔkɔ ŋa kapaŋ kȧsu.

AŋHibru 8:12

kotȧy-e i ti ba ȧney ka makənə maŋ, Ɔwa i ba hɛ sɔ kəkala ȧmerȧ ka ɛhakɛ yaŋ.