Luk 17:31 - Ȧŋlemrȧnɛ Ȧfu

³¹ Ka ȧŋrey ŋati, bepi wuni ɔ yi ka ȧŋseth rokɔm-e, ɔwa ɛyɛt yɔŋ ɛ yi ro seth rokor, ta ɔ te thor tə kəkera yi dɛr; ɔwa kɔnɔ ɔwe yi ro kɔr-e, ta ɔ te kȧlanɛ.

Luk 17:31 ပူးပေါင်းရင်းမြစ်များ

Mathiu 16:26

To mǝ pǝ naŋfas wuni bepi ɔ sɔthɔ ȧdȧru bɛ, kɛrɛ ɔ dim aŋesǝm ŋɔŋ-e? Thalɔm ko wuni mǝ ɔ gbǝli sɔŋ tǝ kǝsinkar aŋesǝm ŋɔŋ-e?

Mathiu 6:25

Tiyȧŋ i kanɛ nu, te nu ba asoli ta ɛŋesǝm ɛ nu, ta ara mǝ nǝ di-e, thalɔm ta ara mǝ nǝ mun-e, ta a pa ras ta aŋdɛr a nu ta ara mǝ nǝ wɔŋ. Aŋesǝm aŋ thas hɛ yɛt ɛdi-i, ɔwa aŋdɛr aŋ thas hɛ ɛloprȧ-i?

Luk 21:21

Ȧŋlɔkɔ ŋati ŋaŋ aŋa yi ro Yudiya-e, ta aŋ gbukɛ ka tȧteŋ; ŋaŋ aŋa yi ka kȧpet kati-e, ta aŋ wur, yi ŋaŋ aŋa yi ro gbaŋ ta aŋ te sɔ wɔŋ ri,