Luk 16:24 - Ȧŋlemrȧnɛ Ȧfu

²⁴ kɔ tela ɔ pa, Pa Ebraham, ba mi ȧney, som Lasarus kȧmȧ ɔ məth aŋsəl ŋɔŋ rə mȧnt, ɔ thɔfsəl ramer ra mi, kotȧy-e i nakasi ɔbana ka anant nəmara ane.

Luk 16:24 ပူးပေါင်းရင်းမြစ်များ

Mathiu 25:41

Ȧŋlɔkɔ ŋati ɔ tǝ pa ro ŋaŋ aŋa yi ka kȧmɛrɔ kɔŋ, wur mi nɔ naŋ aŋa ba ȧranka, kɔnɛ nu ka anant na tǝbana ana a bɛnɛnɛ ta ɔkǝrǝfi yi aŋmȧleka ŋɔŋ.

Mathiu 3:9

Ɔwa te nu nanɛ ka ɛmerȧ ɛ nu kǝpa, Sǝ ba Ebraham ta ɔkas kȧsu; kotȧy-e i kanɛ nu Kuruȧŋ ɔ gbǝli yokas awuth ta Ebraham ka masar ame.

Mathiu 5:22

Kɛrɛ minɛŋ i pa ro rɔnu, Wuni o wuni ɔwe ba mǝbaŋ ta ɔwɔnt kɔŋ-e, ɔ tǝ fumpɔ kasi ro bare; ɔwa wuni o wuni ɔwe mǝ farki ɔwɔnt kɔŋ-e, ɔ tǝ fumpɔ kasi ka aŋSanhedrin; kɛrɛ wuni o wuni ɔwe mǝ pa, Mun pǝŋk, ɔ tǝ fumpɔ kasi ro yahanama.

Luk 16:30

kɔ pa, Pa Ebraham, yi thahɔ, kɛrɛ bepi wuni kin ɔ wur ka aŋfi-e, ɔ maŋ ŋa, aŋ tə thupi.

Luk 19:9

Ka Yisɔsȧŋ ɔ pa ro ŋɔŋ, Thonɔŋ kakisi kə po der ka ȧŋseth aŋe, kotȧy-e kɔnɔ sɔ ɔ yi wan uruni ka Ebraham.

Luk 3:8

Wurɔ nu məkomi ama bek ta kəthupi, ɔwa te nu təp kəpa ka ɛmerȧ ɛ nu, Sə ba Ebraham ta ɔkas kȧsu, kotȧy-e i kanɛ nu kəpa, Kuru ɔ gbəli yɔ awuth aŋ wur ka masar ame ta Ebraham.

Yɔn 4:10

Yisɔsȧŋ ɔ pa ro ŋɔŋ, Bepi mə tȧrȧ ȧŋboya ŋa Kuru, yi ɔwe pa ro mu, Yer mi i mun, mə tə yif kɔ naŋ, ɔwa ɔ tə sɔŋ mu ȧmȧnt ma aŋesəm.

Yɔn 4:14

kɛrɛ wuni o wuni ɔwe mə mun ȧmȧnt ama i ti sɔŋ kɔ-e, rəmun rə wop hɛ kɔ sɔ thəbana; kɛrɛ ȧmȧnt ama i ti sɔŋ kɔ mə tə səkɛ rəfɔr ra mȧnt rokor kɔŋ, ara mə gbuthɛ ka aŋesəm thəbana.

Yɔn 7:37

Ka ȧŋrey aləpsɔ, ȧŋrey abana ŋa amet, Yisɔsȧŋ ɔ təmȧ ɔ ŋata ȧrim rɔŋ, ɔ pa, Bepi ramun rə bȧk wuni o wuni, ta ɔ der ro mi ɔ mun.

AŋRomans 4:12

dɛ yi kȧmȧ ɔ gbəli yi ɔkas ka ȧŋbirons-e, pə yi hɛ ŋaŋ aŋa a birons ka madɛr gbo gbɛt, kɛrɛ ŋaŋ aŋa taŋanɛ ɔkas kȧsu Ebraham ka kȧlanɛ ȧke ɔ ba yeŋka a birons kɔ.

2 AŋThɛsȧlonika 1:8

rə nȧnt nəmara, tə kəsɔŋ kəkalɔ ka ŋaŋ aŋa pɛnsa Kuru, dɛ yi aŋa te wop ȧkɛra kəfinɔ ka ɔMarki kȧsu Yisɔs Kraystȧŋ.

Yeməs 2:13

kotȧy-e ɔwe mə te tɔri ȧney ɔ tə sɔthɔ mətheri ama te ba ȧney; kɛrɛ ȧney aŋ tə tham kəthoŋkas.

Yeməs 3:6

Ɔwa rȧmer rə yi nȧnt, rə yi mɔ ȧdȧru rəkənȧ ka mȧdɛr ma su; ɔwa rə mə nɔkɔs ȧŋdɛr bɛ; rə mə bot nȧnt ka mȧyi məlolok, ɔwa rə sɔthɔ sɔ nȧnt kəwur ro yahanama.

Kȧŋȧibinɛ 19:20

Ɔwa a gbip ɔsɛm ubaŋ, dɛ yi ɔnȧbi uyem ɔwe la yɔ mȧyɔs məkabanɛ rodi kɔŋ, pə yi mɔ-e mȧyɔs ama la tɔns ŋaŋ aŋa la sɔthɔ aŋlomar ŋa ɔsɛm ubaŋ, dɛ yi ŋaŋ aŋa la bȧtho mȧbȧlȧnɛ mɔŋ. Kaŋ fitha ŋa ŋarəŋ akəli ka ȧŋbonka ŋa nȧnt ana mara rɛ ȧsɔlfɔ.

Kȧŋȧibinɛ 20:15

Ɔwa wuni o wuni ɔwe te ba ȧŋes ŋɔŋ ka ȧkȧfȧ ka aŋesəm-e, a tǝ fitha kɔ ka ȧŋbonka ŋa nȧnt.

Kȧŋȧibinɛ 22:1

Kɔ tɔri mi kȧbȧŋ ka ȧmȧnt ma aŋesəm, mətempi yereŋ, mə wur ka kawaŋ ka rȧbȧy ra Kuru yi ka kaLɔmɛ kəfɛth;