Luk 16:22 - Ȧŋlemrȧnɛ Ȧfu

²² Ka pə re yi ɔwuni mɔnɛ ɔ fi, ɔwa aŋmȧleka aŋ kera kɔ ka aŋkəpət ŋa Ebraham. Ɔwa ɔyola sɔ ɔ fi, ka a maŋk kɔ.

Luk 16:22 ပူးပေါင်းရင်းမြစ်များ

Mathiu 18:10

Botnɛ nu kȧmȧ nǝ te sai ukin ka aŋlɔl aŋe, kotȧy-e, i kanɛ nu kǝpa ro riyana aŋmȧleka ŋaŋ aŋ kǝli lɔkɔ o lɔkɔ ȧder ra ɔKas kȧmi ɔwe yi ro riyana.

Mathiu 24:31

Ɔ tǝ som aŋmȧleka ŋɔŋ yi rim rǝbana rǝ kǝthɛma, ɔwa aŋ tǝ thoŋkla aŋthith ŋɔŋ dɛr rɔkin kǝwur ka ɛkoŋ yanlɛ ya ȧdȧru, kǝwur ka ɔthalnɛ wa aŋfena haŋ kǝkɔ ka ɔthalnɛ ɔlɔm.

Mathiu 8:11

Ɔwa i kanɛ nu, agbȧthi aŋ tǝ wur ro thɔrɔŋ yi ro pil, aŋ tǝ yirȧ yi Ebraham, yi Aysak dɛ yi Yekɔb ka rȧbȧy ra ro riyana,

Mark 8:36

To mə pə munafa wuni bepi ɔ sɔthɔ ȧdȧru bɛ-e, kɛrɛ ɔ dim aŋesəm ŋɔŋ-a?

Luk 12:20

Kɛrɛ Kurɔŋ ɔ pa ro ŋɔŋ, Munɔ wuni pəŋk, thani tȧtȧk a tə fak aŋsar a mu. Ɔwa ɛyɛt ɛyɛ mə po bɛnɛnɛ, kanɛ mə ba yi-e?

Luk 16:21

ɔ fela tə kəsɔthɔ ara mə fumpɔ ka aŋthebəl ŋa ɔyola; hali ɛtən aŋ der aŋ thȧməs tȧsam tɔŋ.

Yɔn 1:18

Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

Yɔn 13:23

Ukarande ukin ɔwe Yisɔsȧŋ ɔ bɔthər, ɔ sɛlinɛ ka aŋkəpət ŋa Yisɔs, ka ȧŋthebul.

Yɔn 21:20

Pitaŋ ɔ fəlɛ, ɔ nənk ɔkarande ɔwe Yisɔs ɔ bɔthər ɔ tȧŋ ŋa; kɔnɔŋ ɔwe sɛlinɛ ka aŋkəpət ŋɔŋ ka kadi, ɔwa ɔwe pa, Pa, kanɛ yi ɔwe mə sɔnd mu-e?

AŋHibru 1:14

Aŋmȧleka bɛ aŋ yi hɛ gbo ɛyina ɛyɛ yɔna Kuru-i, ɛyɛ ɔ som tə kəmar ŋaŋ aŋa mə re sɔthɔ kəkisi-i?

AŋHibru 2:14

Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

Yeməs 1:11

Ȧtesoma-e ȧney nə bansȧ gbo-e, nə welas ȧkereŋ, yi malɛŋi mati mə tə fumpɔ, yi ɔbɔthi kəli wati ɔ tə dinɛ. Yaŋ hɔ sɔ ɔwuni yola mɔ thas ka asoŋ tɔŋ bɛ.

1 Pitar 2:24

Kɔnɔ kati gbeŋ ɔ sara ɛhakɛ ɛ su ka ȧŋdɛr ŋɔŋ ka ȧŋpənki kȧmȧ saŋ ma sə yi sa afi ka ɛhakɛ-e, sə gbəli yi sa akəli ka mȧlompi, ɔwa a yenkəs nu ka tȧsam tɔŋ.

Kȧŋȧibinɛ 14:13

Ka i təlȧ rim kəwur ro riyana rə pa, Gbal ȧte, Aruba ŋaŋ aŋa fi ka ɔMarki kətəp ka-ake. Ya pə yi ɔYina ɔ pa, kȧmȧ aŋ fothanɛ ka mapanth maŋ; ȧtesoma-e mȧyɔs maŋ mə tȧŋ ŋa nɛp nɛp.