Luk 16:16 - Ȧŋlemrȧnɛ Ȧfu

¹⁶ Ȧŋthɔ yi aŋnabi aŋ yi haŋ ka ȧŋlɔkɔ ŋa Yɔn. Kətəp ka ȧŋlɔkɔ ŋati a taməs rȧbȧy ra Kuru, ɔwa wuni o wuni ɔ wɔŋ ri rə afɔsɔ.

Luk 16:16 ပူးပေါင်းရင်းမြစ်များ

Mathiu 10:7

Ɔwa ma nǝ kɔnɛ-e, tam nu, nǝ pa, Rȧbȧy ra ro riyana rǝ po fat.

Mathiu 15:11

Pǝ yi hɛ arǝka ara mǝ wɔŋ ka kasǝŋ ara mǝ nɔkɔs wuni, kɛrɛ ara mǝ wur ka kasǝŋ, rǝ mǝ nɔkɔs wuni.

Mathiu 21:32

kotȧy-e Yɔnȧŋ ɔ der ro nu ka aroŋ da mǝlompi, ka nǝ te kɔ lanɛ; kɛrɛ aŋthoŋkla ɛfȧk yi aŋbɛra arǝpi aŋ lanɛ kɔ. Ɔwa naŋ-e, hali ma nǝ nənk ti-e, nǝ siŋkar hɛ ɛmerȧ ɛ nu kȧmȧ nǝ lanɛ kɔ.

Mathiu 3:2

Thupi nu, kotȧy-e rȧbȧy ra ro riyana rǝ po fat.

Mathiu 4:17

Kǝtəp ka ȧŋlɔkɔ ŋati Yisɔsȧŋ ɔ tǝp kǝtam, ɔ pa, Thupi nu kotȧy-e rȧbȧy ra ro riyana rǝ po fat.

Mathiu 4:23

Ka Yisɔsȧŋ ɔ kɔth ro Kalili bɛ, ɔ thǝksa ka ɛseth ɛgbanɛ, ɔ tamǝs ȧkɛra kǝfinɔ ka rȧbȧy, ɔ yeŋkǝs rǝtu o rǝtu kətɔŋ ka aŋfəm.

Mark 1:14

Kədarəŋ ka mə a po bot Yɔnȧŋ ka ȧŋseth ŋa tərəŋka-e, Yisɔsȧŋ ɔ der ro Kalili, ɔ taməs ȧkɛra kəfinɔ ka Kuru,

Mark 1:45

Kɛrɛ ma ɔ wur-e, ɔ təp kətaməs ti ɔgbathi, ɔ gbanthɛnɛ ȧŋpa haŋ Yisɔsȧŋ ɔ gbəli hɛ sɔ wɔŋ ro pet gbafəth, kɛrɛ ɔ yi gbo dɛr ɔyeŋ. Rə aŋfəm aŋ kȧl bəp kɔ kəwur dɛr o dɛr.

Luk 10:11

Hali kabof ka kȧpet ka nu ȧke gbapsa ȧtȧtək ta su, sə nasi ki; kɛrɛ tȧrȧ nu kəpa, tɛntɛnɛ rȧbȧy ra Kuru rə po nu fat.

Luk 10:9

Ɔwa yenkəs aŋtui aŋa yi ri, tɔri ŋa kəpa, Rȧbȧy ra Kuru rə po nu fat.

Luk 16:29

Ebraham ɔ pa ro ŋɔŋ, Aŋ ba Mosisȧŋ yi aŋnabi. Ta aŋ təlȧ ŋa.

Luk 16:31

kɔ pa ro ŋɔŋ, Bepi aŋ selɔ hɛ tə kətəla Mosisȧŋ yi aŋnabi-e, aŋ selɔ hɛ hali wuni kin ɔ yokanɛ ka aŋfi.

Luk 9:2

kɔ som ŋa tə kətaməs rȧbȧy ra Kuru, ɔwa, tə kəyeŋkəs aŋboma.

Yɔn 1:45

Filipȧŋ ɔ bəp Nathaneɛl, kɔ pa ro ŋɔŋ, Sə po fir kɔ, ta ɔwe Mosisȧŋ ka aŋthɔ, yi Aŋnȧbi aŋ gbal, Yisɔs ɔwe ro Nasarɛth, ɔwan ka Yosɛf.

Yɔn 11:48

bepi sə ter kɔ gbo yaŋ-e, afəm bɛ aŋ tə lanɛ kɔ: ɔwa aŋRom aŋ tə der aŋ tə nɔy mayira ma su yi ȧŋbona a su.

Yɔn 12:19

Tiyȧŋ aŋFarisi aŋ pa kətɔŋ ka ŋaŋ, Kəla ma nə te gbəli yɔ tȧy o tȧy, kəla ȧdȧru bɛ rə tȧŋ kɔ.

Yɔn 5:4

kotȧy-e alɔkɔ alɔm wurɔ ɔ tə thor ka ȧŋbunth ɔ bora bora ȧmȧnt: ɔwa wuni o wuni ɔwe mə mɔtha wɔŋ ka ȧmȧnt-e kədarəŋ ka a po bora bora ma-e, ɔ sɔthɔ kəyeŋk mədɛr.

Mȧyɔs ma aŋsom 3:18

Kɛrɛ mȧtȧy ama Kuru ɔ tɔri ka tasəŋ ta Aŋnȧbi kəpa ɔKrayst ɔ ba kənȧkȧsi-e, ya ɔ lasər ma yaŋ.