Luk 16:13 - Ȧŋlemrȧnɛ Ȧfu

¹³ Abɔy o bɔy ɔ gbəli hɛ yɔna amarki ŋarəŋ, kotȧy-e tha ɔ gbɛŋa ɔkin, ɔ bɔthər ɔlɔm; thalɔm ɔ tə wopnɛ ɔkin, ɔ tə fəŋfsir ɔlɔm. Nə gbəli hɛ bȧtho Kuru yi rəyola.

Luk 16:13 ပူးပေါင်းရင်းမြစ်များ

Mathiu 4:10

Ka Yisɔs ɔ pa ro ŋɔŋ, Sethani, sək mi rȧŋ! kotȧy-e a po gbal kǝpa, Mǝ yi tǝ kǝbatho ɔMarki ɔKuru ka mu, ɔwa kɔnɔ gbo son mǝ mǝ yɔna.

Mathiu 6:24

Wuni o wuni ɔ gbǝli hɛ bȧtho amarki ŋarǝŋ, kotȧy-e ɔ tǝ gbɛŋa ɔkin ɔwa ɔ tǝ bɔthǝr ɔlɔm; thalɔm ɔ tǝ gbapsa ɔkin, ɔwa ɔ tǝ sai ɔlɔm. Nǝ gbǝli hɛ bȧtho Kuru dɛ yi mǝbɔŋɔ.

Luk 11:23

Kɔn ɔwe te yi ta ȧtȧ mi ɔ yi utheranɛ kȧmi; ɔwa kɔnɔ ɔwe te mar mi tə kəthonkla-e, ɔ sakthi.

Luk 14:26

Bepi wuni o wuni ɔ der ro mi, ɔ gbɛŋa hɛ ɔkas kɔŋ-o, ɔkara kɔŋ-o, ɔrani kɔŋ-o, aŋwuth ŋɔŋ-o, aŋwɔnt ŋɔŋ aruni-o, aŋwɔnt ŋɔŋ abɛra-o yi aŋesəm ŋɔŋ sɔ-e, ɔ gbəli hɛ yi ukarande kȧmi.

Luk 16:12

Ɔwa bepi nə yi hɛ abɔthi lanɛ ka ȧte wuni lɔm ɔ ba-e, kanɛ mə sɔŋ nu ȧtȧ nu gbeŋ-e?

Luk 16:9

Ka i pa ro nu, Sekəranɛ nu rəyathki yi rayola rəkansoŋ, kȧmȧ bepi rə poŋ-e, a tə malanɛ nu ka ɛseth ya thəbana.

Luk 9:50

Ka Yisɔsȧŋ ɔ pa ro ŋɔŋ, Te ŋal kɔ, kotȧy-e wuni ɔwe te su ŋamnɛ, ɔ yi ta ȧtȧ su.

Yeməs 4:4

Na afəm arəpi nə tȧrȧ hɛ kəpa mamanɛ ma ȧdȧru mə yi kəgbɛŋȧ Kuru-i? Tiyȧŋ wuni o wuni ɔwe yema yi uyathki ka ȧdȧru ɔ səkɛ utheranɛ ka Kuru.