7 I kanɛ nu məbɔnɛ mə tə yi ro riyana ta ɔwuni kin uləs ɔwe thupi pəthasi afəm alompi təgba tanlɛ tɔfɔt tȧmthərɛŋanlɛ aŋa te ba kəthupi.
Ɔwa bepi pǝ yi ɔ fir kɔ-e, i kanɛ nu tɛntɛnɛ ɔ tǝ selǝr kɔ mǝbɔnɛ pǝthasi ta antǝgba tanlɛ tɔfɔt tamthǝrɛŋanlɛ aŋa te sɔkar.
Tiyȧŋ kȧrȧ nu mǝkomi mǝbeki ta kǝthupi.
I kanɛ nu, ya pə yi sɔ-e, məbɔnɛ mə tə yi ka kȧbəprȧnɛ ka aŋmȧleka ŋa Kuru ta ɔwuni kin ɔwe thupi.
Kɛrɛ ɔ lasi ɔ pa ka ɔkas kɔŋ, Kəla, təren tǝgbȧthi i po yɔna mu, ɔwa i tha ləsər hɛ aŋyamari a mu; kɛrɛ haŋ thonɔŋ mə sɔŋ hɛ mi uwir ufɛth kȧmȧ i yɔ məbɔnɛ yi aŋyathki a mi.
Pə yi ɔlompi tə kəyɔ met yi kəsel məbɔnɛ, ȧtesoma-e ɔwɔnt mu ɔwe ɔ sa po fi, kɛrɛ ɔ kȧl yi ukəli, ɔ sa dinɛ, kɛrɛ a fir kɔ.
Ɔwa ma ɔ bek ro seth kɔŋ-e, ɔ tela aŋyathki yi aŋfatanɛ ŋɔŋ rɔkin, ɔ pa ro ŋaŋ, Ba nu məbɔnɛ yi minɛŋ, ȧtesoma-e i po fir kalɔmɛ kȧmi ɔwe dinɛ.
Thalɔm wuni bom ureke ɔwe ba akala ȧferȧ tɔfɔt-e, bepi ŋin aŋ dinɛ kɔ-e, mɔ te moth kəmulɛ, ɔ gbəl ȧŋseth, ɔ thɛns thɛns finɔ haŋ ɔ fir ŋi-e?
kɔ pa ro ŋaŋ, Naŋ nə yema yɔ kȧmȧ afəm aŋ nənk nu alompi kɛrɛ Kuru ɔ tȧrȧ ɛmerȧ ɛ nu, kotȧy-e ȧte aŋfəm mə aŋ wop mɔ tȧy təbana tə yi təfarkɛ rodi ka Kuru.
I de hɛ tə kəmuti aŋlompi, i re muti aŋfəm ŋa ɛhakɛ kȧmȧ aŋ thupi.
Ka ȧŋlɔkɔ ma i te tha tȧrȧ anthɔ-e i yi ukəli, kɛrɛ ma aŋyamari ŋa ȧŋthɔ aŋ bek-e, ka ahakɛ aŋ thəmɛ, ka minɛŋ i fi tɛnɛ.