Luk 13:28 - Ȧŋlemrȧnɛ Ȧfu

²⁸ Kəkulɔ yi kəŋȧkŋȧk ɛsek kə tə yi ma mə nə nənk Ebraham, Aysak, Yekɔb, yi aŋnabi bɛ ka rȧbȧy ra Kuru, ɔwa naŋ a fitha nu rokaŋ.

Luk 13:28 ပူးပေါင်းရင်းမြစ်များ

Mathiu 13:42

Ɔwa a tǝ fitha ŋa rǝ atoŋ ŋa nȧnt ro kǝkulɔ yi kȧŋȧkŋȧk ɛsek kǝ yi.

Mathiu 13:50

aŋ tǝ fitha ŋa ka aŋtoŋ ŋa nȧnt, ro kǝkulɔ yi kȧŋȧkŋȧk ɛsek kǝ yi.

Mathiu 22:13

Ka ɔbȧy ɔ pa ka ɛbɔy yɔŋ, Sek kɔ nu mȧta yi ȧtȧtək, kȧmȧ nǝ fitha kɔ rokaŋ ka ȧŋsum, ro kǝkulɔ yi kǝŋȧkŋȧk ɛsek kǝ yi.

Mathiu 24:51

Ɔwa ɔ tǝ sȧp kɔ kǝsȧp kǝbana, ɔ tǝ bot kɔ dɛr yi ȧŋmunafȧki, ro kȧkulɔ yi kȧŋȧkŋȧk ɛsek kǝ yi.

Mathiu 25:30

Kama nǝ fitha ȧŋbɔy uyai ɔwe ka ȧŋsum rokaŋ. Ro kǝkulɔ yi kȧŋȧkŋȧk ɛsek kǝ yi.

Luk 10:15

Ɔwa munɔ, Kepaniyɔm, mə tə ŋatanɛ ro riana-i? A tə thora mu ro kərəfi.

Luk 14:15

Ɔwa ma ukin ka ŋaŋ aŋa yirȧ ka kədi yi kɔnɔ ɔ təl mȧtȧy ame-e, ɔ pa ro ŋɔŋ, Uruba wɔŋ ɔwe mə di kəbo ka rȧbȧy ra Kuru.

Luk 16:23

Ma ɔ yi ka anakasi ro kərəfi-e, ɔ lakthi ɛfɔr yɔŋ, kȧmȧ ɔ nənk Ebraham ɔbɔli poŋ yi Lasarus ka aŋkəpət ŋɔŋ.

2 AŋThɛsȧlonika 1:5

Amisali ŋaŋ tə kətɔri mathoŋkas məlompi ma Kuru, kȧmȧ nə gbəli yi abeki salata rȧbȧy ra Kuru, ta ara nə sɔmpanɛ sɔ.

2 Pitar 1:11

Ɔwa nə tə sɔthɔ kədare kəgbenthis ka rȧbȧy rəthəbana ra ɔMarki ɔKisis kȧsu Yisɔs Kraystȧŋ.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.

Kȧŋȧibinɛ 22:15

Ȧtesoma-e, maȧən-o, aŋmɛn-o, aŋfəm arəpi-o, aŋfəm adif-o, ŋaŋ aŋa ramnɛ ɛyɛt ɛbumərnɛ-o, dɛ yi wuni o wuni ɔwe bɔthər rəyem-o, ama ɔwe fɔf rəyem, ŋa bɛ aŋ yi rokaŋ ka kȧpet.