Luk 12:5 - Ȧŋlemrȧnɛ Ȧfu

⁵ Kɛrɛ i ti maŋ nu ɔwe mə nə nesa. Nesa kɔ nu ɔwe, ma a po dif-e, kədarəŋ kati ɔ ba aŋfɔsɔ tə kəfitha ro yahanama. Aŋko, i kanɛ nu, nesa kɔ nu.

Luk 12:5 ပူးပေါင်းရင်းမြစ်များ

Mathiu 10:28

Te nesa aŋa mǝ dif aŋdɛr, kɛrɛ aŋ gbǝli hɛ dif aŋesǝm. Kɛrɛ nesa nu kɔn ɔwe gbǝli dim aŋesǝm dɛ yi aŋdɛr ro yahanama.

Mathiu 25:41

Ȧŋlɔkɔ ŋati ɔ tǝ pa ro ŋaŋ aŋa yi ka kȧmɛrɔ kɔŋ, wur mi nɔ naŋ aŋa ba ȧranka, kɔnɛ nu ka anant na tǝbana ana a bɛnɛnɛ ta ɔkǝrǝfi yi aŋmȧleka ŋɔŋ.

Mathiu 25:46

Ɔwa aŋe aŋ tǝ kɔ ka athalǝr ŋa thǝbana, kɛrɛ aŋlompi aŋ tǝ kɔ ka aŋesǝm thǝbana.

Mathiu 5:22

Kɛrɛ minɛŋ i pa ro rɔnu, Wuni o wuni ɔwe ba mǝbaŋ ta ɔwɔnt kɔŋ-e, ɔ tǝ fumpɔ kasi ro bare; ɔwa wuni o wuni ɔwe mǝ farki ɔwɔnt kɔŋ-e, ɔ tǝ fumpɔ kasi ka aŋSanhedrin; kɛrɛ wuni o wuni ɔwe mǝ pa, Mun pǝŋk, ɔ tǝ fumpɔ kasi ro yahanama.

Mark 13:23

Kɛrɛ botnɛ nu rə ȧmerȧ. Kəla i po mɔtha kanɛ nu mȧtȧy bɛ.

1 AŋThɛsȧlonika 4:6

Kama wuni o wuni ɔ te yɔ ɔwɔnt kɔŋ ɔləs rə tȧy o tȧy, pəkasifɛ ɔMarki ɔ yi ukala ka mȧtȧy ame bɛ, mɔ ma sə po maŋ nu rə kəbɔthi lanɛ.

AŋHibru 10:31

Tȧy təninis tȧŋ tə kəfumpɔ ka mȧta ma ɔKuru ukəli.

2 Pitar 2:4

kotȧy-e bepi Kuru ɔ ter hɛ aŋmȧleka maŋ po yɔ ahakɛ-e, kɛrɛ ɔ fitha ŋa ro yahanama, tə kətand ŋa ka tɔrɛntha ka asum, kȧmȧ a bɛnɛ ŋa haŋ ka ȧŋlɔkɔ ŋa karɔk ɛpa.

Kȧŋȧibinɛ 14:7

kɔ kȧl pa rə rim rəbana, Nesa nu Kuru-e, ɔwa sɔŋ kɔ nu yiki, pəkasifɛ ȧŋlɔkɔ ŋa karɔk ɛpa yɔŋ aŋ po bek. Ɔwa bȧtho kɔ nu ɔwe po bɛmpa ȧkȧriyana yi ȧdȧru, dɛ yi kȧbȧŋ kəbana, dɛ yi tabath.

Kȧŋȧibinɛ 15:4

Kanɛ te ba kənesa dɛ yi kəyikis ȧŋes a mu-e, ɔMariki-e? Pəkasifɛ munɔ son mə yi ɔsəm; kotȧy-e tȧbona bɛ tə tə der kəbatho mu, pəkasifɛ mȧyɔs ma mu məlompi mə po ŋaibinɛ.

Kȧŋȧibinɛ 20:14

Ka a fitha rəfi yi Kərəfi ka ȧŋbonka ŋa nȧnt. Ɔwa rafi ara bekȧ mȧrəŋ riyȧŋ.