Ȧŋlɔkɔ ŋati ɔYina məsəm ɔ lasər Yisɔsȧŋ yi məbɔnɛ, kɔ pa, I mɔmɔ mu ɔKas, ɔMarki ka ro riyana yi ȧdȧru, ma mə po maŋk mȧtȧy ame ka aŋtempi yi aŋtara tȧy, ɔwa mə tɔri ma ka aŋfɛth. Yao ɔKas pəkasifɛ ame mə yi mȧselɔ ma mu.
Yisɔsȧŋ ɔ wosa, Rȧbȧy ra mi rə yi hɛ ka ȧdȧru are: bepi rȧbȧy ra mi rə yi ka ȧdȧru are, ɛbɔy ɛ mi aŋ tə tim naŋ kȧmȧ a te lȧnki mi ka aŋYuda: kɛrɛ rȧbȧy ra mi rə yi hɛ nɔ.
Tiyȧŋ botnɛ nu, ɔwa kȧl tȧmtȧmnɛ ta akuthi bɛ ka aŋa ɔYina məsəm ɔ po bot nu aŋkəlɛnɛ-e, kȧmȧ nə wɔnthər aŋchɔch ŋa ɔMarki aŋa ɔ po wai ka mȧtir mɔŋ gbeŋ.
Tiyȧŋ saŋ sɔ sə ramnɛ ta ȧtȧ nu katkat, kȧmȧ ɔKuru kȧsu ɔ gbəli nənk nu kəyi abeki ta katela ka nu, ɔwa kȧmȧ ɔ kȧl gbenthis rə afɔsɔ məfela o məfela məfinɔ, dɛ yi məpanth o məpanth ma kəlanɛ,
Su aləns aŋwɔnt a mi abɔthər, ŋaŋ aŋa ȧdȧru rə bont amɔnɛ-e, Kuru ɔ thith hɛ ŋa tə kəyi ayola ka kȧlanɛ-i, yi tə kəsɔthɔ rȧbȧy ara ɔ po lahiri ŋaŋ aŋa bɔthər kɔ-i?